Neniyo 9:23 - The Keyagana NT and 25 OT books

²³ Gotiʼa kagaefeʼmo lusi kava huno hauʼniyaʼmofeʼmo aepa faika nunumuʼmo nehanagenoʼaeʼmo gekaleʼmo aeno atagaina huno naha paiʼnigeʼnaeʼmo kaha paisuvafeʼmo emiʼneʼnove. Huʼniyaʼmofeʼmo geʼaeʼmo kagesa afifi nehuka alagamuna gemo aepaʼamo afiteka ago.

Neniyo 9:23 ပူးပေါင်းရင်းမြစ်များ

Mai'naya kavane 15:8

Hosu vayaʼmogimo ofalinimo aminagenoʼaeʼmo Ala kava neʼmoʼa alagi ohauʼnigeno avenatuʼnaʼmo heno neʼataleyaʼmonanafa fatago vayaʼmogimo nunumuʼmo nehagenoʼaeʼmo hapaoke nehe.

Salomoni Yokemae 7:10

Nagaemo nahau nayamopafiʼmo neʼnahaiya vekaʼnimo aʼamo maiʼnogeno nagaefeʼmo haʼye nehiye, huno huʼniye.

Neniyo 10:1

Sailasiʼa Pesiya kini vekamo loleʼe magoʼe kafugamo yagaino neʼapategenoʼaeʼmo Gotiʼa mago gemo Neniyoʼmo alu agiʼamo Melatasasafeʼmo ha paiʼniye. Ani gemo alopa kame kavafeʼmo alagi lama gemo afole aisiya kavafeʼmo huʼniye. Neniyoʼmo alagamuna agetenoʼaeʼmo aepaʼamo ageʼniye.

Neniyo 10:19

Agaemo naha painoʼaeʼmo, Gotiʼa kagaefeʼmo hau ayamopafi hauʼniya vekamogae, huno, kaipamoʼmo falu huʼninageka koli osuka lokiya vaika maiyo, huno naha paiteno alino lokiya vaino nateʼniye. Inagi nagaemo huʼnaeʼmo, Ala vekaʼnimogae, huʼna, ago alika lokiya vaika nateʼnanaʼmofeʼmo ge huvo, huʼna huʼnove.

Neniyo 6:3

Neniyo aipafiʼmo alagepa aunemeʼamo maiʼniyaʼmofeʼmo muki ani yagaiʼnaya vayaʼaina ago aeno apaka seʼnigeno kini vekamoʼa Neniyoʼmo lekana paino atesigeno muki Mamiloni kote yagaisiyafeʼmo agesamo afiʼniye.

Matiyu 24:15

Gotitegati gemo alinineno aeno hakalo huno hapa nepaiya vekamo Naniyoʼa alagi hosu faipa yaʼmoʼa alino hosu huno atesiya kavafeʼmo ava gemo huno avoʼmo kae maleʼniye. Lekana nepaiya vayaʼmogitapamo afiyo. Ani faipa yaʼmo aote mono nopiʼmo hanesigeta

Luki 1:28

Enisole vekamoʼmo agaetegamo emineno, vase hutalo, huno ge amamaetenoʼaeʼmo, Ala kava neʼmoʼa kagaeʼeʼmo magokepi lokaeno maiʼneno muki asole aʼne anagapatiʼmo lekana paino kateteno alino auleno kateʼniye, huno ha paiʼniye.