Neniyo 9:13 - The Keyagana NT and 25 OT books

¹³ Lagaemo muki neʼaluna kana yafeʼmo kagaemo Moseseʼmo amiʼnana keʼaepa gefiʼmo huʼnanaʼmofeʼmo aliʼnonaʼmonanafa kagaemo fikumo laha maeka lamisanafeʼmo ge huta kafi oketa hosu kavatimo oʼataleta lama gekamo akame osuʼnone.

Neniyo 9:13 ပူးပေါင်းရင်းမြစ်များ

Samu 119:18

Naulagamo alika ayakeka nategeʼnao keʼaepa gekamo ageteʼna nahau aiguve.

Samu 119:27

Alika naya malegeʼna namiʼnana gemo aepaʼamo afiʼna alagepa huʼna afiguve. Kagaemo neʼalina aliʼyakamo ageteʼnaeʼmo nahau aiʼnova kavaʼnieʼmo hapa paiguve.

Samu 119:73

Kagaemo kayatetiʼmo nagupi mafaʼnemo alo huka nateteka nagufamo alo huka nateʼnane. Hiyo, huka laha paiʼnana gemo afisuva nagesamo namiyo.

Samu 85:4

O, Gotiyo, huʼna, lagufamo alika katika nelatana vekamae. Halate alika alagepa huka lateteka alika aika atagi neka lavalelika eno. Kaipamo falu huka lato.

Aiyeya 42:9

Ageyo, huʼna, Nagaemo akeyaʼvilagamo afole aigiye, huʼna huʼnova kavaʼmo ago afole aiʼniye. Hemenimo nagaemo henagaʼamo afole aisiya kavafeʼmo lapa nepauve.

Aiyeya 43:22

Gotiʼa hunoʼaeʼmo, Ani kavaʼmo huʼnovaʼmonanafa O Yekopu vayaʼmogitapae, huʼna, nagaefeʼmo keya aeta ge osuʼnae. O Isaleli vayaʼmogitapae, huʼna, nagaefeʼmo alagaʼmo lahapaeʼniye.

Aiyeya 64:6

Kaulagaleʼmo mukiʼamogitamo oʼaniʼya faiʼniya yakana huta maiʼnone. Muki fatago kavatimoʼmo mago oʼaniʼya faiʼnigeʼa aliʼa yaga auʼa neʼatalaya kukena yakana huno haneʼniye. Mukiʼamogitamo vaiʼniya yosa haitagana huta maiʼnonageno yasimoʼmo alino halelino neʼviya kava huno hosu kavatimoʼmo lavalelino uʼniye.

Aiyeya 64:7

Kaugosamo alika fala kiʼnanaʼmofeʼmo kagikamo aeʼa nunumuʼmo nehaya vayaʼmo oʼmaige katafausageka hapa maesanafeʼmo apaipamo aliʼa he tiʼa apatesaya vayaʼmo oʼmaige huʼnae. Lagaemo hosu kavaʼmo huʼnonaʼmofeʼmo kagaemo atagana huka alika hano huka nelatalane.

Aiyeya 9:13

Isaleli vayaʼmogimo apakaemo neʼapamagiya vekalegamo aiʼa atagi neʼa oʼmege asole vayaʼaiteʼmo yagaino neʼapateya vekamo agesayafeʼmo kahauya osuge huʼnae.

Neniyo 9:11

He, muki Isaleli vayaʼmogitamo keʼaepa gekamo ago amagita ataleteta gekamo oʼafisunafeʼmo kataleta uʼnonaʼmofeʼmo Moseseʼmo aliʼyakamo neʼaliya vekamoʼmo keʼaepa gemo lamiʼniya gemo kagoʼyamo ataleteka huʼnana lifana gemoʼmo lagaeteʼmo asagauno aiʼniyana kagaetegamo hosu kavaʼmo huʼnonaʼmofeʼmae.

Luki 24:45

huno apakesamo huno halo aino hapa paiteno alino apaya maleʼniye.

Yoni 10:35

Ago afiʼnonana Goti mukufi haneʼniya gemo alagi lama gemo hanege hanege huno haneʼneno hano osisiya agufa gemo haneʼniye. Goti mukufiʼmo haneʼniya gemoʼa Goti geʼamo alino apamiʼniya vayaʼaifeʼmo, gotikana hutapa maiʼnae, huno hapa paiʼniye.

Yoni 6:45

Gotitegati gemo alini eʼa aeʼa hakalo huʼa hapa nepaiya vayaʼmogimo Goti mukufiʼmo avoʼmo kaeʼapaeʼmo, Gotiʼa muki vayaʼaina alino apaya malegaiye, huʼa avoʼmo kae maleʼnae. Ani gemo huʼnayaʼmofeʼmo muki yaʼmo Afoʼamoʼmo huʼniya gemo afiteʼa ageʼnaya vayaʼmo mukiʼamo nagaetegamo ete ete nehae.

Yoni 8:32

Lama geʼamo afitapa aeto hisageno lama geʼaletiʼmo hatu maeno lapatesigetapa afa vayaʼmo maigae, huno hapa paiʼniye.

Efasasi 4:21

Kalaisiʼa alino lapaya maleʼnigetapa afiʼnisayana lama gemo afoʼamoʼmo geʼamo afiʼnae.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.