Neniyo 8:7 - The Keyagana NT and 25 OT books

⁷ Nagaemo ageʼnovana ve sipisipiʼeʼmo kame huʼniye. Ani mememoʼmo lusi kava huno aipa leʼnigeno kame huno ateteno ve sipisipimo lole lokiyaʼalaʼmo ago amagino lo aeno ataleʼniye. Ve sipisipimo kame hisiya lokiyaʼamo ohaneʼnigeno mago alino agoʼya ofaiʼnigeno mememokeʼmo alino mopafiʼmo yaga auno ataleteno aiyaletiʼmo lusi kava huno aeno lata paiʼniye. Mememo ayapatiʼmo ani sipisipimo agufamo afaʼa alino katino atesiya vekamo oʼmaiʼniye.

Neniyo 8:7 ပူးပေါင်းရင်းမြစ်များ

Neniyo 11:11

Inagi Isipi kini vekamoʼmo lusi kava huno aipamo leʼnisigeno kamemo hugiyaʼmofeʼmo Siliya kini vekamoʼmo asole ami vayaʼmo alino anupa huteno kamemo hugiyana Isipi kini vekamoʼmo ago kame huno aeno apaka seteno kalavusi huno apategaiye.

Neniyo 7:12

Mago loleʼe magoʼe afu anagaʼmogi yagaiʼa apatesaya lokiyaʼapimo aliʼa hano huʼa apateteʼa afaʼa apateʼnageʼa magoʼe afinaʼmo maiʼnae.

Neniyo 7:7

Afole aitegeno napa fo afumo afole aiʼnigeʼna ageʼnove. Ani afumo alopa hosu afumo lokiya afumo maiʼnigeʼa ageteʼapaeʼmo lusi kava huʼa koli huʼnae. Agaemo alopa aeni aveʼmo haneʼnigeno muki yaʼmo hapaeno kutala aitenoʼaeʼmo atupa yaʼaleʼmo aiyaletiʼmo aeno lata paiʼniye. Ani afumo hogoteʼa afole aiʼnaya afugana osuʼnifa aeto agufa afumo maiʼnigeno agenopafiʼmo naya loleʼa lokiyaʼamo haneʼniye.

Neniyo 8:10

Ani lokiyaʼamoʼmo kosime kosime uno kokuʼnapi ami vayaʼeʼmo kame huno apateno alino yaga auno apataleteno mago kanefi anagaʼmo alino mopafiʼmo yaga auno apataleʼneno aeno lata paiʼniye.

Neniyo 8:6

Ani mememoʼa ani agiʼnaleʼmo he tino maiʼnigeʼna ageʼnova sipisipilegamo lusi kava huno ayamukiki huno nagu nagu huno uʼniye.

Neniyo 8:8

Inagi ani ve mememo ala vekamo hamaleʼnigeno lokiya himamuʼamo afole neʼaigenoʼaeʼmo agenopafati alopa lokiyaʼamo lo aeʼniye. Ani lo aeʼniya lokiyaʼmo aimuʼyaleʼmo alu loleʼe loleʼe alopa lokiyaʼamo haineʼniye. Mago lokiyaʼamoʼmo lamaga haopalegamo alino augosa huʼnigeno mago lokiyaʼamoʼmo hoga haopalegamo alino augosa huʼnigeno mago lokiyaʼamoʼmo yegemo haine neʼeya haopalegamo alino augosa huʼnigeno mago lokiyaʼamoʼmo yegemo uno lamino nefaleya haopalegamo alino augosa huʼnigeʼa huʼnae.

Yasuva 8:20

Ai taonifi vayaʼmogimo aiʼa afeleʼa apakamelegamo ageʼnayana halinamo ailino uno haiʼnigeʼa ageʼnae. Visaya kaʼapimo alagi ohaneʼnigeʼapaeʼmo apaune heʼnaya Isaleli vayaʼmo aiʼa atagineʼa eʼa Ai vayaʼmo kamitimo hapaeʼnae.