Neniyo 8:22 - The Keyagana NT and 25 OT books

²² Ani alopa gamani lokiyaʼamo lo aesigeno aimuʼyaleʼmo loleʼe loleʼe lokiya gamani afole aigae. Ani kavaʼmo aepaʼamo haneʼniyana Galiki gamanifatiʼmo aliʼa fako huʼa loleʼe loleʼe gamani afole aigae. Hogote kini vekamoʼa lokiya himamuʼamo aliʼniya agufa kava huʼa oʼaligae.

Neniyo 8:22 ပူးပေါင်းရင်းမြစ်များ

Neniyo 11:4

Hugiyaʼmonanafa yagaisiya kopatiʼmo aliʼa fako hisageno loleʼe loleʼe koʼmo hanegaiye. Mafaʼne anagaʼamogi ani koteʼmo oʼyagaigayaʼmonanafa alu vayaʼmogimo yagaigae. Agaemo alopa lokiyaʼaletiʼmo yagaisiya kava huʼa oʼyagaigae.

Neniyo 7:6

Afole aiʼnigeʼna ageʼnovana alu afumo alopa afela pusimo lepati pusimo afole aiʼnigeʼna ageʼnove. Loleʼe loleʼe namamo hakumo akamelegamo haneʼnigeno loleʼe loleʼe agenopamo haneʼniye. Ani afumoʼa muki koteʼmo yagaisiyafeʼmo lokiyaʼamo amiʼnigeno aliʼniye.

Neniyo 7:7

Afole aitegeno napa fo afumo afole aiʼnigeʼna ageʼnove. Ani afumo alopa hosu afumo lokiya afumo maiʼnigeʼa ageteʼapaeʼmo lusi kava huʼa koli huʼnae. Agaemo alopa aeni aveʼmo haneʼnigeno muki yaʼmo hapaeno kutala aitenoʼaeʼmo atupa yaʼaleʼmo aiyaletiʼmo aeno lata paiʼniye. Ani afumo hogoteʼa afole aiʼnaya afugana osuʼnifa aeto agufa afumo maiʼnigeno agenopafiʼmo naya loleʼa lokiyaʼamo haneʼniye.

Neniyo 8:21

Ve mememo maiʼniya kava huno Galiki kini vayaʼmogi yagaiʼa neʼapataya koʼamo haneʼniye. Lole aulagalaʼmo folagapiʼmo alopa lokiyaʼamo haneʼniya agufa kava huno Galiki vayaʼai hogote kini vekamo maiʼniye.

Neniyo 8:23

Ani foʼa kini vayaʼmogi yagaiʼa apatesaya atupa afinaʼmo gemo amagiʼa neʼatalaya vayaʼai hosu kavaʼapimoʼmo ko sino alopa nesigenoʼaeʼmo mago kini vekamo afole aigiye. Ani kini vekamo lokiya augosaʼe vekamoʼmo humi apategaiye.

Neniyo 8:3

Ageʼnovana ani agiʼnaleʼmo mago ve sipisipimo nahaopale maiʼnigeʼna ageʼnove. Lole yatala lokiyaʼamo haneʼniye. Henaga afole aiʼniya lokiyaʼamoʼmo hogoteno afole aiʼniya lokiyaʼamo ago aeno aga seno magoʼe huno yatala huʼniye.

Neniyo 8:8

Inagi ani ve mememo ala vekamo hamaleʼnigeno lokiya himamuʼamo afole neʼaigenoʼaeʼmo agenopafati alopa lokiyaʼamo lo aeʼniye. Ani lo aeʼniya lokiyaʼmo aimuʼyaleʼmo alu loleʼe loleʼe alopa lokiyaʼamo haineʼniye. Mago lokiyaʼamoʼmo lamaga haopalegamo alino augosa huʼnigeno mago lokiyaʼamoʼmo hoga haopalegamo alino augosa huʼnigeno mago lokiyaʼamoʼmo yegemo haine neʼeya haopalegamo alino augosa huʼnigeno mago lokiyaʼamoʼmo yegemo uno lamino nefaleya haopalegamo alino augosa huʼnigeʼa huʼnae.