Neniyo 8:17 - The Keyagana NT and 25 OT books17 nahaopaleʼmo eʼnigeʼnaeʼmo koli huteʼna naugosalegatiʼmo mopafi asagauʼna aiʼnove. Gemaliyoʼmo ani ge huno naha paiʼniye. Vemo mafaʼneo, huno, alagamuna gemo atupa afinaʼmo afole aisiya kavafeʼmae. အခန်းကိုကြည့်ပါ။ |
Inagi malage huno mago ma mopafi vayakana agufa vekamoʼmo navayaleʼmo ame aliʼnigeʼna aka huʼna aepa faiʼna nage aiʼnove. Nagaemo naulagaleʼmo he tino maiʼniya vekaeʼmo huʼnaeʼmo, Ala vekaʼnimogae, huʼna, nagaemo mani alagamuna agegekana huʼna ageʼnova kavaʼmoʼa kana yaʼmo nati kaeʼnigeno lokiyaʼnimo ohaneʼniye.
Ani lole kini vekalaʼmoganimo ge vaisaʼafeʼmo anaipafiʼmo afaʼa haneʼnigeʼana magokepi maiʼneʼana hiʼyalamuteʼmo neʼyaʼmo neʼneʼanaeʼmo anavayaʼaletikeʼmo gege huʼana maigaʼaʼmonanafa hosu kavaʼanimo ani folagapiʼmo afole oʼaigiye. Gotiʼa hano hisiya afinaʼmo lekana pai maleʼniyaʼmofeʼmo anaipafiʼmo haneʼnisiya kavaʼmo afaʼa afole oʼaigiye.
Atupa afinaʼmo hogo nehisigenoʼaeʼmo Isipi kini vekamoʼmo eno agaeʼeʼmo kamemo hugiye. Ani kava huno Siliya kini vekamoʼmo lusi yasigana huno kame talalaʼagi hosiʼagi sipiʼagi huno malage huno aliteno agaetegamo eno kamemo hugiye. Ani lole kini vekalaʼmoganimo kamemo haesaʼageno agaemo alopa aniʼmo neheya agufa kava huno asole nofi vayaʼai kotegamo kamemo huno aeno apaka selino ugiye.
Mago sotafiʼmo agaemo asole vayaʼeʼmo kotalakemo hu malegaiye. Ani sotamo folagapiʼmo afumo amagiʼa ofalini amige alu ofalini amige nehaya kavaʼmo alino hano huno atalegaiye. Mago ami vayaʼmo alagi hosu faipa vayaʼmo afole aisageno kini vekaʼapimoʼa muki yaʼmo alagi alino hosu huno atalesigeno muki mopamo kaʼme kokana huno haneme haneme neʼvisigenoʼaeʼmo atupa afinaʼmo hosu kavaʼmo ani alino hosu huno atalesiya vekaleʼmo asagauno aigiye.
Alagamuna agegekana huka agesana kavaʼmo Gotiʼa lekana pai maleʼniya afinaʼmo mago vekamo afole aigiye. Afole aitenoʼaeʼmo atupa afinaʼmo afole aisiya kavafeʼmo lama geeʼmo ava gemo hugiye. Aigofe gemo osugiye. Malage huno afole oʼaisigekaeʼmo agava mainegenoʼao ge afino oʼmaigifa malage huno afole aigiye.