Neniyo 8:15 - The Keyagana NT and 25 OT books

¹⁵ Nagaemo Neniyoʼnamo ani alagamuna ageteʼnaeʼmo aepaʼaeʼmo nagesa afiʼna kahauya nehugenoʼaeʼmo malage huno mago vayakana vekamo afole aiteno naulagale he tiʼniye.

Neniyo 8:15 ပူးပေါင်းရင်းမြစ်များ

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Neniyo 10:16

Inagi malage huno mago ma mopafi vayakana agufa vekamoʼmo navayaleʼmo ame aliʼnigeʼna aka huʼna aepa faiʼna nage aiʼnove. Nagaemo naulagaleʼmo he tino maiʼniya vekaeʼmo huʼnaeʼmo, Ala vekaʼnimogae, huʼna, nagaemo mani alagamuna agegekana huʼna ageʼnova kavaʼmoʼa kana yaʼmo nati kaeʼnigeno lokiyaʼnimo ohaneʼniye.

Neniyo 10:18

Halate ma mopafi vayakana agufa vekamoʼmo name aliteno alino lokiya vaino nateʼniye.

Neniyo 10:5

aliʼna maku huʼna ageʼnovana nahaopaleʼmo mago vekamo alagepa kukenamo vaino aliteno mapaluʼamo alagepa goliletiʼmo alo huʼnaya mapaluʼmo aeno aliʼnigeʼna ageʼnove.

Neniyo 12:8

Nagaemo ani gemo afiʼnovaʼmonanafa alagepa huʼna afiʼna ha oleʼnove. Nagaemo ina ge huʼna ge huʼna afi geʼnove. Ala vekae, huʼna, mani kavapatiʼmo hano hisiyafeʼmo mago haiya kavaʼmo afole aigiye, huʼna afi geʼnogenoʼaeʼmo

Neniyo 7:13

Haniʼilagamo nagaemo ani ageʼnova alagamunafiʼmo vemo mafaʼnegana huʼna mago vekamo ageʼnove. Agaemo hiyateʼmo eno akeyaʼvilagamo neʼmaiya Gotitegamo eʼnigeʼa avaleliʼuʼa Goti aulagaleʼmo ateʼnae.

Neniyo 7:28

Muki ani ageʼnova alagamuna geʼnimo haiʼmae. Nagaemo Neniyoʼnamo nagesamo neʼafugenoʼaeʼmo naipafatiʼmo lusi kava huʼnigeʼna aeto agufa naugosamo kaliʼnovaʼmonanafa vayaʼaifeʼmo hapa opaiʼnofa afaʼa naipafiʼmo haneʼniye.

Neniyo 8:1

Melisasaʼmo loleʼe magoʼe kafugamo kini vekamo maiʼnigeʼnaeʼmo nagaemo mago alu kavaʼmo alagamuna agegekana huʼna ageʼnove. Hogote alagamunamo ageteʼna henagaʼamo ageʼnove.

Neniyo 8:19

Agaemo hunoʼaeʼmo, Afiyo, huno, Gotiʼa Isaleli vayaʼaifeʼmo aipamo leno apatesiya kavaʼmo atupa afinaʼmo afole aisiya kavafeʼmo kaha nepauve. Gotiʼa lekana pai maleʼnisiya afinaʼmo hano hugiye.

Matiyu 13:36

Yesuʼa muki vayaʼaifeʼmo hunoʼaeʼmo, inagi ago utaleyo, huno hapa paiteno alino apateʼnigeʼa utagenoʼaeʼmo nopiʼmo uno haino maiʼniye. Maiʼnigeʼapaeʼmo geʼamo neʼafiya vayaʼmo agaetegamo eʼa, inofeʼmo aeka kalafefa gemo huka hapa paiʼnana gemo aepaʼamo laha paiyo, huʼa ge huʼa afi geʼnae.

Matiyu 24:15

Gotitegati gemo alinineno aeno hakalo huno hapa nepaiya vekamo Naniyoʼa alagi hosu faipa yaʼmoʼa alino hosu huno atesiya kavafeʼmo ava gemo huno avoʼmo kae maleʼniye. Lekana nepaiya vayaʼmogitapamo afiyo. Ani faipa yaʼmo aote mono nopiʼmo hanesigeta

Matiyu 24:30

Ani afinaʼmo Vemo mafaʼnemo eminesiya alagena kavaʼmo kokuʼnapiʼmo afole neʼaisigeʼapaeʼmo muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. Apakaemo agesayana Vemo mafaʼnemo kokuʼnapi hiya mopaleʼmo lokiyaʼaʼe ha le konali yaʼaʼeʼmo alinino eminesigeʼa agegae.

Maki 13:14

Lekana nepaiya vayaʼmogitapamo mani gemo aepaʼamo alagepa huta afiyo. Lapakaemo agegayana lusi hosu yaʼmoʼa alino hano huno atalesiya agufa yaʼmo haneʼnisigetapa agegae. Neniyoʼa Gotitegati gemo alinineno aeno hakalo huno hapa nepaiya vekamoʼmo ani yafeʼmo avoʼmo kae maleʼniye. Ani agufa hosu yaʼmo ohaneʼnisiya nopiʼmo haneʼnisigetapa agetetapaeʼmo ataleta lapaune heyo. Yutiya kotega maiʼnisaya vayaʼmogi avelegamo apaune hetaleʼa uʼa haiʼa maiyo.

Maki 4:12

Agege agege huʼa maigayana ageʼa aeto osuge afige afige huʼa maigayana afiʼa aeto osuge huʼa maisayafeʼmo aeʼna kalafefa gemo huʼna hapa nepauve. Afiʼa aeto huteʼa aiʼa atagineʼa Gotitegamo esageno hosu kavaʼapimo afaʼa alino oʼatalesiyafeʼmo aeʼna kalafefa gemo huʼna hapa nepauve, huno hapa paiʼniye.

Yasuva 5:14

agaemo, Haʼao, huno, nagaemo Ala kava neʼmo asole ami vayaʼaleʼmo hogote vekamo yagaiʼna neʼapatova vekamo eʼnove, huno huʼnigeno Yasuvaʼa augosalegatiʼmo mopafiʼmo asagauno aiteno mono huʼniye. Mono hutenoʼaeʼmo, Ala kava neʼnimogae, huno, aliʼyakaleʼmo maiʼnova vekaeʼmo na agufa ge huka naha paigane, huno ge huno afi geʼniye.

Leveleseni 1:13

Mago vekamo vemo mafaʼnegana vekamo hiʼyalamu folagapiʼmo maiʼneno yatala kukenamo vaitalegeno aiyalega uno lamiʼnigeno goli yafatetiʼmo alo huʼnaya kenamo haifiʼyaleʼmo vaino aliteno maiʼniye.

Leveleseni 13:18

Alagepa huʼa ageteʼa afiʼnaya vayaʼmogimo mani gemo afaʼa afisaya gemo haneʼniye. Alagepa lapakesamo haneʼnisiyana afela afumo napamo afaʼa lekana paiyo. Ani napamo mago vekamo napamo haneʼniye. Ani vekamo napaʼamo sigisi hataleti sigisiti sigisi napamo haneʼniye.