Neniyo 7:9 - The Keyagana NT and 25 OT books

⁹ Nagaemo ageliʼna ageliʼna uʼnovana mago kini siyakoʼmo aliniʼeʼa maleʼnae. Akeyaʼvilagamo neʼmaiya Gotiʼa eno fai maiʼniye. Kukenaʼamoʼmo hiyakana huno yaveyaveʼage huteno agenopa ayokaʼmoʼa sipisipimo ayokakana huno magoʼe huno yaveyave huʼniye. Siyaʼafiʼmo kale aiyagana huno haneʼnigeno ani siyapatiʼmo alopa atamo le teno

Neniyo 7:9 ပူးပေါင်းရင်းမြစ်များ

2 Sitoli 18:18

Mikaiyaʼa hapa painoʼaeʼmo, Inagi Ala kava neʼmo geʼamo afiyo. Nagaemo apakeʼnovana Ala kava neʼmoʼa yagaino neʼapateya siyaʼaleʼmo fai maiʼnigeʼa muki kokuʼnapi maiʼnaya vayaʼmogimo lamaga haopaleʼmo he tiʼa maige hoga haopaleʼmo he tiʼa maige huʼnageʼna apakeʼnove.

Samu 45:8

Alagepa atumo neʼaiya yaʼmo agiʼamo meyagi alosigi kasiyagi huno kukenakaleʼmo haneʼnigeno alagepa atumo neʼaiye. Alagepa noʼmo kini vekamo nopiʼmo konali aliʼa ateʼnaya nopiʼmo yokemo huʼnagekaeʼmo kamogaga aiteka emikeʼnane.

Samu 90:2

Akeyaʼvilagamo aveʼe ma mopaʼeʼmo alo osuʼnana afinaʼmo hogoteka maiʼnananageka maige maige huka alagi maigane.

Samu 93:2

Ala kava nene, huʼna, Kagaemo akeyaʼvilagatiʼmo alagi maime maime neʼane. Muki afinaʼaeʼmo kini vekamo maiʼnane.

Aiyeya 6:1

Nagaemo ala kini netimo agiʼamo Uyaiyaʼmo faliʼniya kafugamo ageʼnovana Ala kava neʼmoʼa yagaino neʼapateya siyaʼaleʼmo fai maiʼnigeʼna ageʼnove. Alino asagauno ateʼnigeno muga anaʼaleʼmo fai maiʼnigeno yatala kukena atupaʼamoʼmo alopa mono nopiʼmo alagi havaiteʼnigeʼna ageʼnove.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Neniyo 7:13

Haniʼilagamo nagaemo ani ageʼnova alagamunafiʼmo vemo mafaʼnegana huʼna mago vekamo ageʼnove. Agaemo hiyateʼmo eno akeyaʼvilagamo neʼmaiya Gotitegamo eʼnigeʼa avaleliʼuʼa Goti aulagaleʼmo ateʼnae.

Neniyo 7:22

Aeno apaka selino apaka selino neʼvigeno akeyaʼvilagamo neʼmaiya Gotiʼa eno agoti huno apateteno alino fako huno apaote vayaʼmo alino asagauno apateteno lokiya vekamo alino afepi ateʼniye. Ani afinaʼmo aeno apaka seno alagi anaga Gotiʼa apaote vayaʼamogi yagaiʼa apatesaya lokiyaʼapimo apamisigeʼa yagaiʼa apatesaya afinaʼmo afole aiʼniye.

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.

Hamakaki 1:12

Hamakaʼa hunoʼaeʼmo, O Ala kava nene, huʼna, kaote Gotiʼnimogae, kagaemo muki afinaʼmo neʼmaina Gotigamo maiʼnane. Lagaemo ofaligune. O Ala kava nene, huʼna, kagaemo agoti huka apateteka kayoʼmo apamisanafeʼmo gemo ago hu maleʼnane. Kagaemo lokiya yafakana huka maiʼneka alika api aika apatesanafeʼmo gemo hu maleʼnane.

Matiyu 17:2

Apaulagaleʼmo aeto agufa agufamo alino hamaleʼniye. Augosafatiʼmo yegegana huno leʼnigeno kukenaʼalegatiʼmo ha le yakana huno yaveyaveʼage huʼniye.

Matiyu 28:3

Uʼana agaʼana alino alave nehiya yakana agufa vekamo fai maiʼnigeno kukenaʼaletiʼmo yaveyaveʼage huʼnigeʼana ageʼnaʼae.

Apa 2:30

Neviniʼa aune vekamo maiʼnigenoʼaeʼmo Gotiʼa ha painoʼaeʼmo, kaginago vayapatiʼmo Kalaisi vekamo aliʼna afole aiʼna atesugeno kini vekamo maiʼneka yagaiʼnana kava huno kini vekamo maiʼneno yagaino apategaiye. Lama gemo nehuve, huno hu maleʼniye.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Filipai 3:9

Nagaemo keʼaepa gemo akame huteʼna nagaiʼni fatago kavaʼnimo aliʼnovanageno atupa afinaʼmo Gotiʼa nagesiyafeʼmo oʼnahauʼniye. Kalaisifekeʼmo nagesamo afiʼna fatago huʼnova kavatetiʼmo Gotitegatiʼmo fatago kavaʼamo aliʼnovanageno Gotiʼa Kalaisipiʼmo nagesiyafeʼmo nahauʼniye.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

1 Yoni 1:5

Goti Mafaʼneʼamoʼmo ani ge huno laha paiʼnigeta afitetaeʼmo aeta hakalo huta lapa nepaune. Lapa paitaeʼmo Gotiʼa ha le yaʼaʼe vekamo maiʼnigeno aipafiʼmo hani yaʼamo alagi ohaneʼniye, huta lapa nepaune.

Leveleseni 1:14

Agenopamoʼe ayokaʼmoʼeʼmo yaveyave sipisipi ayokakana huno yaveyaveʼage huʼniye. Aulagalaʼmoʼa ata vaikana huno leʼniye.

Leveleseni 19:18

Lapakaemo kini vayaʼai apakufafatiʼmo apameʼamo nege ati vayaʼaiteʼmo yagaiʼa neʼapataya vayaʼai apakufafatiʼmo apameʼamo nege lokiya vayaʼai apakufafatiʼmo apameʼamo nege hosi anagaʼai apakufafatiʼmo apameʼamo nege hosileʼmo fai maiʼnaya ati vayaʼai apakufafatiʼmo apameʼamo nege muki vayaʼmo afaʼa maiʼnaya vayanagi kalavusi aliʼyaʼmo neʼaliya vayanagi hutapa apakufafatiʼmo apameʼamo nege apaki haneʼniya vayaʼai apakufafatinagi apaki ohaneʼniya vayaʼai apakufafatinagi hutapa eta apameʼamo nege hugae, huno hapa paiʼniye.

Leveleseni 20:4

Ani kavaʼmo ageteʼnaeʼmo magoʼe kavaʼmo ageʼnovana agoti huʼa apatesaya himamuʼapimo aliʼnaya vayaʼmo siyateʼmo maiʼnageʼna apakeʼnove. Ageʼnovana naipeletiʼmo lugoʼapimo heʼa hatagauʼnageʼa faliʼnaya vayaʼai apauneʼapameʼamo apakeʼnove. Ani vayaʼmogimo Goti geʼamo Yesufeʼmo ava gemo hapa paiʼnayaʼmofeʼmo lugoʼapimo heʼa hatagauʼnae. Apakaemo afela afulefeʼmo mono osuge auneʼaeʼmo mono osuge huteʼa hapanileʼe apayateʼeʼmo afela afumo alagena yaʼamo oʼaliʼnae. Apakaemo afaʼa maisaya yaʼmo aliteʼa Kalaisiʼeʼmo vani tauseniʼa kafugamo magokepi maiʼneʼa yagaiʼa apateʼnayaʼmonanafa

Leveleseni 4:2

Malage huʼna Goti Aunemeʼafiʼmo maiʼneʼnaeʼmo naune kavaʼmo huʼna ageʼnovana mago vekamo kokuʼnapiʼmo fai maiʼneno yagaino neʼapateya siyateʼmo maiʼnigeʼna ageʼnove.