Neniyo 7:5 - The Keyagana NT and 25 OT books

⁵ Napa tu afumo meyagana agufa afumo malage huno afole aiʼniye. Ani afumoʼa aeno hatuto huno maiʼniye. Avayafiʼmo loleʼe magoʼe haipa ayamufamo hanino aliʼniye. Mago vayaʼmogimo agaefeʼmo huʼapaeʼmo, He tika asole apameʼmo hanika hatagauka no, huʼa huʼnae.

Neniyo 7:5 ပူးပေါင်းရင်းမြစ်များ

2 Kini 2:24

Huʼnagenoʼaeʼmo Ilaisaʼmo aino afe leno lokiya auluʼmo apaketenoʼaeʼmo Ala kava neʼmo agiʼaletiʼmo lifana huno apateʼnigeʼanaeʼmo lole a meyalaʼmo yahaofilagatiʼmo malage huʼana eʼana ani foti tuʼa neya mafaʼne anagaʼmo apakufamo hanige atalagauge huʼnaʼae.

Mai'naya kavane 17:12

Vayaʼmogimo mago afela afumo agiʼamo meyaʼmo anaʼaumo atafauʼa aliniʼa kategamo neʼvisageno itaʼamoʼmo eno apakaeʼeʼmo fotu huteno hapaesiya kavaʼmo alagi hosu kavaʼmo haneʼniyaʼmonanafa negi vekamoʼmo negi kavaʼmo nehisigenoʼaeʼmo neʼesigeʼana fotu hisaʼa kavaʼmo haneʼniyana magoʼe huno hosu kavaʼmo haneʼniye.

Aiyeya 56:9

Ala kava neʼmoʼa ina ge huno hapa paiʼniye. Afela afu vayaʼmogitapae, huʼna, etapa hapaeyo.

Neniyo 11:2

Inagi ani vekamoʼmo magoʼe gemo naha painoʼaeʼmo, Afiyo, huno, alagi lama gemo kaha pauve. Loleʼe magoʼe kini vayaʼmo magoʼe huʼa afole aiteʼa Pesiya koteʼmo yagaigae. Henagaʼamo napa fo kini vekamo Pesiya kotetiʼmo afole aigiye. Agaemo muki kini vayaʼaina magoʼe huno aeno apaka seno alopa kagemiyaʼamo hanegaiye. Agaemo lokiyaʼaletiʼe kagemi yaʼaletiʼeʼmo Galiki vayaʼaitegamo kame hisayafeʼmo alino he tino apategaiye.

Neniyo 2:39

Alu kini vekamo kagae kakamelegatiʼmo henagaʼamo afole aigiyaʼmonanafa kagaekana huno lokiya kini vekamo oʼmaigiye. Henagaʼamo napa talimo afole aisiya kini vekamo haesa aenigana huno maiʼneno ma mopafiʼmo muki haopalegamo yagaigiye.

Neniyo 5:28

PERES gemo aepaʼamo haneʼniyana Gotiʼa yagaika apateʼnana vayapatiʼmo alino fako huno Mitiya vayaʼaitegamo apatege Pesiya vayaʼaitegamo apatege huʼniye, huno ha paiʼniye.

Neniyo 7:4

Hogoteno laiyonigana agufa afumoʼa hakiki namamo hakugana huno haneʼniya afumo afole aiʼniye. Nagaemo ageʼna maiʼnogeʼa hakumo aliʼa ataleteʼa vayakana huʼa aiyaletiʼmo aeʼa he tiʼa ateʼnae. Apakaemo vayaʼmogi aipa agesamo amiʼnae.

Neniyo 7:6

Afole aiʼnigeʼna ageʼnovana alu afumo alopa afela pusimo lepati pusimo afole aiʼnigeʼna ageʼnove. Loleʼe loleʼe namamo hakumo akamelegamo haneʼnigeno loleʼe loleʼe agenopamo haneʼniye. Ani afumoʼa muki koteʼmo yagaisiyafeʼmo lokiyaʼamo amiʼnigeno aliʼniye.

Leveleseni 13:2

Ageʼnova afela pusimo agiʼamo lepatigana huno maiʼnigeno aiyaʼalaʼmo afela afumo agiʼamo meyamo aiyagana huno haneʼnigeno avayaʼamo laiyonimogi apavayagana huno haneʼniye. Nagaloʼyavemoʼmo afela afumo lokiyaʼamo amiteno yagaino apatesiyafeʼmo alino ateʼnigeno himamuʼamo aliteno maiʼniye.