Neniyo 7:26 - The Keyagana NT and 25 OT books

²⁶ Yagaino apategaiyaʼmonanafa kokuʼnapi vayaʼmogi agoti gemo afisaya vayaʼmo fai maiteʼa yagaino apatesiya lokiyaʼamo aliʼa hano huʼa ataleteʼa aliʼa agoʼya lagauʼa atalegae.

Neniyo 7:26 ပူးပေါင်းရင်းမြစ်များ

Neniyo 11:45

Agaemo seli no koʼamo alopa solovala anitalaʼmo folagapi aote konali avefiʼmo alino he tino ategaiyaʼmonanafa faligefeʼmo hisiya afinaʼmo mago vayaʼmogi alagi ha oʼmaesageno faligiye.

Neniyo 7:22

Aeno apaka selino apaka selino neʼvigeno akeyaʼvilagamo neʼmaiya Gotiʼa eno agoti huno apateteno alino fako huno apaote vayaʼmo alino asagauno apateteno lokiya vekamo alino afepi ateʼniye. Ani afinaʼmo aeno apaka seno alagi anaga Gotiʼa apaote vayaʼamogi yagaiʼa apatesaya lokiyaʼapimo apamisigeʼa yagaiʼa apatesaya afinaʼmo afole aiʼniye.

2 Tesaloniyani 2:8

Ani afinaʼmo muki keʼaepa gemo amagino neʼataleya vekamoʼmo muki vayaʼai apaulagaleʼmo afole aisigenoʼaeʼmo Ala kava neʼmo alino alave nehisigeno emineno avamusa aisiya kayotetiʼmo alagi amagigiye.

Leveleseni 11:13

Anakeʼnagenoʼaeʼmo lusi imimaʼmo aliʼnigenoʼaeʼmo naya loleʼa taonifatiʼmo magoke taonimo magokayaga atupalega asagauno aiʼnigeʼapaeʼmo seveni tauseniʼa vayaʼmo faliʼnae. Faliʼnageʼapaeʼmo afaʼa maiʼnaya vayaʼmogimo lusi kava huno apamoʼya aiʼnigeʼa kokuʼnapi Goti agiʼaleʼmo aliʼa asaga huʼa ateʼnae.

Leveleseni 17:14

Apakaemo aikeli sipisipiʼeʼmo kamemo hisayana sipisipimoʼmo ago huno aeno apakasegaiye. Agaemo ala kava vayaʼai ala kava vekaʼapimo maiʼneno kini vayaʼaiteʼmo yagaino neʼapateya kini vekamo maiʼniyaʼmofeʼmo huno aeno apakasegaiye. Lekana paino apateʼneno keya aeno ge huʼniyanageʼa oʼataleʼa akame nehaya vayaʼmogimo agaeʼeʼmo magokepi lokaeʼa maigae, huno huʼniye.

Leveleseni 19:2

Alagi lama ge huno fatago kavaʼmo huno alino fako huno neʼapate. Agaemo magoʼe huno kumai kavaʼmo huteno monimo neʼaliya a kanomo agoti huno ateʼniye. Ani a kanomoʼa kumai kavaʼmo hutenoʼaeʼmo muki ma mopafi vayaʼmo alino hosu huno apateteno Goti aliʼyaʼamo neʼaliya vayaʼamo kamitimo apamagiʼnigenoʼaeʼmo anonaʼalefeʼmo kayoʼmo amiʼniye, huʼa huʼnae.