Neniyo 7:14 - The Keyagana NT and 25 OT books

¹⁴ Ani akeyaʼvilagamo neʼmaiya vekamoʼmo ani vekamo alino kini vekamo ateteno ha le konali yaʼe yagaino apatesiya himamuʼeʼmo amiʼniye. Muki vayanagi muki nofi vayaʼenagi muki alu apakemo alu apakemo neʼaiya vayanagi huʼa aiyafi maisageno yagaino apatesiyafeʼmo alino ateʼniye. Agaemo muki afinaʼmo yagaino apateno alagi yagaino apateno hano osugiye. Yagaino apatesiya kavaʼmo afaʼa aliʼa oʼatalegae.

Neniyo 7:14 ပူးပေါင်းရင်းမြစ်များ

Samu 103:19

Ala kava neʼmo kokuʼnapiʼmo maiʼnenoʼaeʼmo yagaino neʼapate. Muki asole vayaʼaiteʼmo yagaino neʼapate.

Samu 145:13

Muki afinaʼmo yagaime yagaime ugane. Ala kava neʼmoʼa, ina kavaʼmo huguve, huno huʼniya gemo akame huno ani kavaʼmo nehiye. Muki nehiya kavaʼamo alagepa kavaʼageʼmo haneʼniye.

Samu 146:10

Ala kava neʼmoʼa muki afinaʼae afinaʼaeʼmo kini vekamo maiteno yagaino apategaiye. Lapakaemo Saiyoni vayane, huʼna, Gotitapimoʼmo kini vekatapaimo muki afinaʼae afinaʼaeʼmo maigiye. Ala kava neʼmo agiʼaleʼmo alita asaga hiyo.

Samu 45:6

O Gotiyo, huʼna, muki afinaʼmo yagaika apatege apatege huka maigane. Fatago kavaʼmo huka vayakaleʼmo alagepa huka yagaika neʼapatane.

Samu 72:11

Muki kini vayaʼamogimo agaeteʼmo ape huʼa maisageʼapaeʼmo muki alu nofi vaya alu nofi vayaʼmogimo geʼamo afiteʼa akame hugae.

Samu 72:17

Yegemo haneʼnigenoʼaeʼmo muki afinaʼmo agiʼamo hanege hanege huno haneʼnisigeʼa agiʼaleʼmo aliʼa asaga huge huge huʼa maigae. Vayaʼmogimo agaepiʼmo aulena vayaʼmo maigae. Muki alu nofi vaya alu nofi vayaʼmogimo aulena Gotiʼae, huʼa hugae.

Samu 8:6

Kagaemo, alo huʼnova yateʼmo yagaika apato, huka ha paiteka muki yaʼe vayaʼeʼmo alika aiyafiʼmo apateʼnane.

Aiyeya 60:12

Haiya nofi vayaʼmofi haiya gamani vayaʼmogi yagaiʼnaya kegiʼyafiʼmo maiʼnaya vayaʼmofi huʼa lapaiyafiʼmo oʼmaige aliʼyatapimo oʼalige hisaya vayaʼmo alagi hano hugae.

Aiyeya 9:6

Laha maesiyafeʼmo akanomoʼmo mago mafaʼnemo alino ateʼniye. Afoʼamoʼmo ani mafaʼnemo avaleno lamiʼniye. Agaemo asole vayaʼaiteʼmo yagaino apatesiyafeʼmo kana yaʼmo alino agiʼnaleʼmo kofilino ugiye. Agiʼamo aeʼapaeʼmo, hapau neʼaiya kavaʼmo nehiya vekae, huʼa agi aege gemo huno alino api aino neʼapateya vekae, huʼa agi aege himamuʼage Gotiʼae, huʼa agi aege maige maige huno neʼmaiya Afoʼapimoʼae, huʼa agi aege kini vekamoʼmo alagepa huno yagaino neʼapategeʼa falu apaipa kaliʼa neʼmaiya kavaʼmo aepa vekae, huʼa agi aege hugae.

Aiyeya 9:7

Yagaino apatesiya vayaʼmo magoʼe huʼa asole vayaʼmo afole aiteʼa magoʼe huʼa alagepa huʼa maigae. Kini vekamo Neviniʼa yagaino apateʼniya kava huno Nevini aimuʼyaleʼmo maiʼnenoʼaeʼmo vayaʼaleʼmo yagaino apateme apateme uno yagaino apateno hano osuno yagaino apategaiye. Agaemo alagepa huno alino fako huno apateteno yagaino apateme apateme uno muki afinaʼaeʼmo yagaino apategaiye. Ala kava neʼmoʼa asole vayaʼaiteʼmo yagaino neʼapateya vekamoʼmo ayamukiki huno ani kavaʼmo alino afole aino ategaiye.

Neniyo 2:35

Muki aenigi kalipa mopagi haesa aenigi siluva yafanagi goli yafanagi huno muki yaʼamo aino atagino aise aise huno ataleʼnigeno haletiʼya yakana huno afole aiʼniye. Yasimoʼmo ago alino halelino uno alagi lageso huʼnigeno ohaneʼniye. Ani auneʼaleʼmo amagiʼniya yafaʼmoʼa alopa avemo alino hamaleteno ma mopafiʼmo muki haopalega uneno huno haneʼniye.

Neniyo 2:37

Kini vekae, huʼna, Kagaemo hogote kini vekamogeka muki kini vayaʼmo ago aeka apaka seʼnane. Kokuʼnapi maiʼniya Gotiʼa lekana paino kateʼnigeka maiʼnanagenoʼaeʼmo alopa lokiyakagi himamukagi ala kagikagi huno kamiʼniye.

Neniyo 2:44

Inagi ani teniʼa kini vayaʼmo maisaya afinaʼmo Gotiʼa mago kini vekamo alino afole aino atesigeno muki afinaʼmo yagaino apatege apatege huno maigiye. Mago alu kini vayaʼmo afole aiteʼa Gotiʼa alino afole aino atesiya kini vekamo afaʼa aliʼa afepi oʼategayaʼmonanafa agaekeʼmo alino afepi apateteno muki kini vayaʼmo alino hosu huno apataleteno agaemo muki afinaʼmo alagepa huno yagaino apatege apatege huno maigiye.

Neniyo 3:4

Inagi gamani vayaʼaipati ge aeno hakalo nehiya vekamoʼmo keya aeno alopa gefatiʼmo hunoʼaeʼmo,

Neniyo 4:3

Agaemo lokiya himamuʼaletiʼmo lokiya kavaʼmo huʼnigeʼa vayaʼmogi ageteʼapaeʼmo hapau neʼaiye. Yagaino neʼapateyanageno muki afinaʼmo yagaino hano osuno yagaino apateme apateme ugiye. Afole aiʼa maite maite hume visaya vayaʼaiteʼmo alagi yagaino apategaiye.

Neniyo 6:26

Hemenimo mago keʼaepa gemo hu malovanagi muki yagaiʼna neʼapatova vayaʼmogimo Neniyo Gotiʼamofeʼmo koli huteʼa atete huʼa aiyafi maiyo. Agaemo afaʼa neʼmaiya Gotiʼa muki afinaʼmo maige maige huno maigiye. Muki afinaʼae afinaʼaeʼmo kini vekamo maiʼniyanageno neʼyagaiya lokiyaʼamo alagi hano osugiye. Agaemo yagaino apateme apateme neʼvisigenoʼaeʼmo atupa afinaʼmo afole aigiye.

Neniyo 7:18

Afole aigayaʼmonanafa aeno apaka seno alagi anaga Goti apaote vayaʼamogi yagaiʼa apatesaya lokiyaʼapimo aliteʼa alagi yagaiʼa apateʼa hano osugae, huno naha paiʼniye.

Neniyo 7:27

Inagi aeno apaka seno alagi anaga Gotiʼa muki kini vayaʼmogi yagaiʼa neʼapataya kavanagi lokiyaʼapigi ala apakiʼapigi huno vayaʼamo apamigiye. Agaemo muki afinaʼmo yagaino apatesigeʼa muki kotega vayaʼmogi aiyafiʼmo maiteʼa geʼamo akame hugae, huno naha paiʼniye.

Omataiya 1:21

Mago vayaʼmogi vayaʼnimo apakufamo aliʼa katiʼa neʼapataya vayaʼmogimo Saiyoni aveleʼmo eʼa Iso vayaʼeʼmo kame huteʼapaeʼmo koʼapimo aliteʼa apakaeteʼmo yagaiʼa apategae. Ani afinaʼmo Ala kava neʼmoʼa agaiʼamo kini vekamo maiʼniyanageno muki vayaʼaiteʼmo yagaino apategaiye.

Maika 4:7

Nagaemo logufa vayaʼmo apaiyamo hosuʼniya vayaʼmo aliʼna ha maleʼna apategauve. Apaini huʼa neʼapataya vayaʼmo lokiya nofi vayaʼmo magoke gamani vayaʼmo aliʼna ha maleʼna apategauve. Nagaemo ani kava huʼna Ala kava neʼmoʼnamo Saiyoni aveleʼmo maiʼnaya vayaʼaiteʼmo ani afinaʼmo aepa faiʼna yagaiʼna apateme apateme uʼna muki afinaʼaeʼmo yagaiʼna apategauve.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Luki 1:33

Agaemo Yekopu nofi vayaʼaleʼmo yagaino apateno hano osuno yagaino apateno maigiye, huno ha paiʼniye.

Luki 10:22

Hutenoʼaeʼmo, Afoʼnimoʼmo muki yateʼe vayaʼaiteʼeʼmo yagaisuvafeʼmo alino nateʼniye. Muki vayaʼmogimo mafaʼneʼamo ageʼa alagepa huʼa oʼageʼnafa afoʼamokeʼmo ageno alagepa huno ageʼniye. Ani kavaʼmo huʼa vayaʼmogimo muki yaʼmo Afoʼamoʼmo ageʼa alagepa huʼa oʼageʼnafa mafaʼneʼamokeʼmo ageno alagepa huno ageʼniye. Ani kavaʼmo huno mafaʼneʼamoʼmo lekana paino apateʼnisiya vayaʼmo alino apave lisigeʼapaeʼmo muki yaʼmo Afoʼamoʼmo ageʼa alagepa huʼa agegae, huno hapa paiʼniye.

Yoni 12:34

Asole vayaʼmogi huʼapaeʼmo, lagae keʼaepa gemoʼa hunoʼaeʼmo, Kalaisi vekamo alagi maige maige huno maigiye, huno huʼniyaʼmonanafa na kava higekaeʼmo Vemo Mafaʼnemo aliʼa he tiʼa ategae, huka nehane. Ani Vemo Mafaʼnemo ina laʼmae, huʼa afi geʼnae.

Yoni 3:35

Muki yaʼmo Afoʼamoʼmo mafaʼneʼaeʼmo hau ayamopafiʼmo hauʼnigenoʼaeʼmo muki yateʼe vayaʼaiteʼeʼmo yagaino apatesiya himamuʼamo amiʼniye.

Himulu 12:28

Lagaemo yagaiʼnaya kini vayaʼmogi nehaya kavaʼmo lateʼnigeta aliʼnonanageta alagepa huta maige maige huta maigune. Ani kavaʼmoʼa kanage kanage osugiyaʼmonanafa hanege hanege huno haneʼneno haneno hano osuno afaʼa hanegaiye. Ago lamiʼniyaʼmofeʼmo hao ke heteta Goti aiyafiʼmo maiʼneta koli huʼneta mono higetao.

1 Pita 3:22

Kalaisiʼa he tino kokuʼnapiʼmo uno haino Goti lamaga haopaleʼmo maiʼneno muki vayaʼaiteʼmo yagaino neʼapate. Gotiʼa enisole vayanagi yagaiʼa neʼapataya vayanagi lokiya apauneʼapameʼe vayanagi huno alino Kalaisi aiyafiʼmo apateʼnigeno yagaino neʼapate.

Leveleseni 1:6

Agaemo afoʼamo Goti aliʼyaʼamo alisunafeʼmo yagaita apatesuna ala kini vayaʼe mono huta neʼapatona vayaʼeʼmo alino hamaleno lateʼniye. Yesu Kalaisiʼa ha le konali yaʼaʼe himamuʼaʼeʼmo aliteno muki afinaʼmo maige maige huno maino. He, lama ge.

Leveleseni 11:15

Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo

Leveleseni 17:14

Apakaemo aikeli sipisipiʼeʼmo kamemo hisayana sipisipimoʼmo ago huno aeno apakasegaiye. Agaemo ala kava vayaʼai ala kava vekaʼapimo maiʼneno kini vayaʼaiteʼmo yagaino neʼapateya kini vekamo maiʼniyaʼmofeʼmo huno aeno apakasegaiye. Lekana paino apateʼneno keya aeno ge huʼniyanageʼa oʼataleʼa akame nehaya vayaʼmogimo agaeʼeʼmo magokepi lokaeʼa maigae, huno huʼniye.

Leveleseni 3:21

Nagaemo kamemo huʼa aeʼa neʼapakasaya vayaʼmo apamisugeʼa fai maiʼneʼna yagaiʼna neʼapatova siyateʼmo nagaeʼeʼmo fai maigae. Nagaemo kamemo huʼna aeʼna apakaseʼnogeno afoʼnimoʼmo fai maiʼneno yagaino neʼapateya siyaʼamo namiʼnigeʼna fai maiʼnova kava huʼa nagaeʼeʼmo fai maigae.