Neniyo 7:13 - The Keyagana NT and 25 OT books

¹³ Haniʼilagamo nagaemo ani ageʼnova alagamunafiʼmo vemo mafaʼnegana huʼna mago vekamo ageʼnove. Agaemo hiyateʼmo eno akeyaʼvilagamo neʼmaiya Gotitegamo eʼnigeʼa avaleliʼuʼa Goti aulagaleʼmo ateʼnae.

Neniyo 7:13 ပူးပေါင်းရင်းမြစ်များ

Samu 110:2

Ala kava neʼmoʼa kayotetiʼmo yagaika apatesana himamukamo Saiyoni taonifatiʼmo alino atesigeno ugiye. Kame vayakamogi folagapiʼmo maiʼneka yagaika apato, huno kaha paiʼniye.

Samu 2:8

Ge huka nafi gegeʼnao muki alu nofi vaya alu nofi vayaʼmo apavaleʼna kayapiʼmo apatesugeno muki mani mopamo kagaika mopamo haneno.

Samu 47:5

Gotiʼa kame huno aeno apaka seteno kokuʼnapiʼmo uno haiʼnigeʼa alopa gefatiʼmo huteʼa pikuliʼmo huʼnae.

Neniyo 2:44

Inagi ani teniʼa kini vayaʼmo maisaya afinaʼmo Gotiʼa mago kini vekamo alino afole aino atesigeno muki afinaʼmo yagaino apatege apatege huno maigiye. Mago alu kini vayaʼmo afole aiteʼa Gotiʼa alino afole aino atesiya kini vekamo afaʼa aliʼa afepi oʼategayaʼmonanafa agaekeʼmo alino afepi apateteno muki kini vayaʼmo alino hosu huno apataleteno agaemo muki afinaʼmo alagepa huno yagaino apatege apatege huno maigiye.

Neniyo 7:12

Mago loleʼe magoʼe afu anagaʼmogi yagaiʼa apatesaya lokiyaʼapimo aliʼa hano huʼa apateteʼa afaʼa apateʼnageʼa magoʼe afinaʼmo maiʼnae.

Neniyo 7:2

Neniyoʼmo hunoʼaeʼmo, Nagaemo mago alagamuna ageʼnovana loleʼe loleʼe yasimo kokuʼnapati alinineno solovala aniteʼmo aliʼnigeno solovala aniʼmoʼmo aino holakau holakau huʼniye.

Neniyo 7:22

Aeno apaka selino apaka selino neʼvigeno akeyaʼvilagamo neʼmaiya Gotiʼa eno agoti huno apateteno alino fako huno apaote vayaʼmo alino asagauno apateteno lokiya vekamo alino afepi ateʼniye. Ani afinaʼmo aeno apaka seno alagi anaga Gotiʼa apaote vayaʼamogi yagaiʼa apatesaya lokiyaʼapimo apamisigeʼa yagaiʼa apatesaya afinaʼmo afole aiʼniye.

Neniyo 7:9

Nagaemo ageliʼna ageliʼna uʼnovana mago kini siyakoʼmo aliniʼeʼa maleʼnae. Akeyaʼvilagamo neʼmaiya Gotiʼa eno fai maiʼniye. Kukenaʼamoʼmo hiyakana huno yaveyaveʼage huteno agenopa ayokaʼmoʼa sipisipimo ayokakana huno magoʼe huno yaveyave huʼniye. Siyaʼafiʼmo kale aiyagana huno haneʼnigeno ani siyapatiʼmo alopa atamo le teno

Neniyo 8:15

Nagaemo Neniyoʼnamo ani alagamuna ageteʼnaeʼmo aepaʼaeʼmo nagesa afiʼna kahauya nehugenoʼaeʼmo malage huno mago vayakana vekamo afole aiteno naulagale he tiʼniye.

Matiyu 13:41

Vemo mafaʼnemoʼmo enisole vayaʼamo alino apatesigeʼa uʼa yagaino neʼapateya kegiʼyafatiʼmo aliʼa hapafaiʼa apatalegae. Hosu kavaʼmo hisayafeʼmo aliʼa he tiʼa neʼapataya vayanagi muki hosu vayanagi huʼa apavaleliʼuʼa

Matiyu 24:30

Ani afinaʼmo Vemo mafaʼnemo eminesiya alagena kavaʼmo kokuʼnapiʼmo afole neʼaisigeʼapaeʼmo muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. Apakaemo agesayana Vemo mafaʼnemo kokuʼnapi hiya mopaleʼmo lokiyaʼaʼe ha le konali yaʼaʼeʼmo alinino eminesigeʼa agegae.

Matiyu 25:31

Vemo mafaʼnemoʼa ha le konali yaʼamo aliteno enisole vayaʼaʼeʼmo emineno yagaino apatesiyafeʼmo kini siyateʼmo fai maigiye.

Matiyu 26:64

ani gemo ago alagi nehane. Inagi nagaemo mukiʼamogitapaeʼmo magoʼe gemo lapa paiguve, lapakaemo agegayana Vemo mafaʼnemo lokiyaʼamo haneʼniya vekamo lamaga haopaleʼmo fai maiʼnenoʼaeʼmo he tino kokuʼnapi hiya mopaleʼmo eminesigetapa agegae, huno hapa paiʼniye.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Matiyu 8:20

Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

Maki 13:26

Neʼatalesigeʼapaeʼmo agesayana Vemo mafaʼnemoʼmo ha le konali yaʼamo aliteno himamuʼaʼeʼmo hiyateʼmo eminesigeʼa agegae.

Luki 21:27

Ani kavaʼmo hutesigenoʼaeʼmo Vemo Mafaʼnemo hiyateʼmo himamuʼaʼe alopa ha le konali yaʼaʼeʼmo eminesigeʼa agegae.

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Luki 24:27

Agaemo Moseseʼa agaefeʼmo ava gemo huno avoʼmo kae maleʼniya gemo aepa faiteno aepaʼamo alino anaya maleʼniye. Ani kavaʼmo huno muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo agaefeʼmo ava gemo huʼnaya gemo aepaʼamo alino anaya maleme maleme uʼniye.

Yoni 12:34

Asole vayaʼmogi huʼapaeʼmo, lagae keʼaepa gemoʼa hunoʼaeʼmo, Kalaisi vekamo alagi maige maige huno maigiye, huno huʼniyaʼmonanafa na kava higekaeʼmo Vemo Mafaʼnemo aliʼa he tiʼa ategae, huka nehane. Ani Vemo Mafaʼnemo ina laʼmae, huʼa afi geʼnae.

Yoni 3:13

Mago vekamoʼmo kokuʼnapi kavaʼmo uno haino oʼageʼniyaʼmonanafa Vemo Mafaʼnemo kokuʼnapatiʼmo emineʼniya vekamogeno hemeniʼeʼmo kokuʼnapiʼmo maiʼniye.

Yoni 5:27

Ani kava huno Mafaʼneʼamoʼmo alino fako huno apatesiyafeʼmo lekana paino ateʼniye. Vemo Mafaʼnemo maiʼniyaʼmofeʼmae.

Apa 7:56

Agetenoʼaeʼmo, Ageyo, huno, Kokuʼnaʼmo halo aiʼnigeʼna ageʼnovana Vemo Mafaʼnemo Goti lamaga haopaleʼmo he tino maiʼnigeʼna ageʼnove, huno hapa paiʼniye.

1 Tesaloniyani 4:17

He netisagenoʼaeʼmo agaemo afaʼa maiʼnona vayaʼeʼmo lavalesigeta apakaegiʼeʼmo magokepi lokaeta uta haita hiyapiʼmo Ala kava neʼeʼmo fotu huteta muki afinaʼmo agaeʼeʼmo maige maige huta maigune.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

Himulu 2:14

Mafaʼnemogi apakufaʼe kolaʼeʼmo neʼaliya kava huno falisiyafeʼmo agufaʼe kolaʼaʼeʼmo aliʼniye.

Himulu 9:24

Ani kavatefeʼmo Kalaisiʼa aote seli mono noʼmo vayaʼmogi ki maleʼnaya mono nopiʼmo lama ge aune mono nopiʼmo uno ohaiʼnifa laha maesiyafeʼmo kokuʼnapiʼmo Goti haopaleʼmo uno haiʼniye.

Leveleseni 1:13

Mago vekamo vemo mafaʼnegana vekamo hiʼyalamu folagapiʼmo maiʼneno yatala kukenamo vaitalegeno aiyalega uno lamiʼnigeno goli yafatetiʼmo alo huʼnaya kenamo haifiʼyaleʼmo vaino aliteno maiʼniye.

Leveleseni 1:18

Afaʼa neʼmauva vekamo maiʼnove. Afiyo, huno, faliʼnovanageʼna maige maige huʼna maiʼna hano osuʼna afaʼa maiguve. He, lama ge. Nagaemo kitamo yakiʼna apatesuva kiʼmo aliʼnovaʼmofeʼmo falisayafeʼmofi afaʼa maisayafeʼmofi huʼna muki vayaʼaiteʼmo yagaiʼna neʼapatove.

Leveleseni 1:7

Afiyo, huʼna, Hiyapiʼmo eminesigeʼa muki vayaʼmogimo agesageʼapaeʼmo agufafiʼmo nili aige faiteʼa atege huʼnaya vayaʼmogiʼeʼmo agegae. Muki ma mopafi alu nofi vaya alu nofi vayaʼmogimo ageteʼapaeʼmo yulagefa aigae. He, alagi lama ge, huno ani kavaʼmo afole aigiye.

Leveleseni 14:14

Hutegeʼna ageʼnovana yaveyave hiyaʼmo haneʼnigeno vemo mafaʼnemo ani hiyateʼmo fai maiʼnigeno agenopale kakolitamo aeʼa apakaseʼnaya vayaʼmogi neʼmalaya agufa kakolitamo haneʼnigeno ayapiʼmo ave nege nege naipemo aino fagagiʼniya naipemo aliʼnigeʼna ageʼnove.