Neniyo 6:10 - The Keyagana NT and 25 OT books

¹⁰ Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.

Neniyo 6:10 ပူးပေါင်းရင်းမြစ်များ

Esala 9:5

Ani ofalini nehaya afinaʼmo afole aiʼnigeʼnaeʼmo inagi nagaemo nagufamo aliʼna afepiʼmo ateʼnova kavapatiʼmo he tiʼna naleʼyamo faiʼna maiʼneʼnaeʼmo Ala kava neʼmo Gotiʼnimofeʼmo nunumuʼmo hisuvafeʼmo lole nayatalaʼmo aliʼna asagauʼnove. Ani aliʼna apake aiʼnova kukena yaʼnimo vaiteʼna maiʼnove.

Samu 34:1

Nagaemo Ala kava nefekeʼmo muki afinaʼae afinaʼaeʼmo hao ke hegauve. Agiʼaleʼmo aliʼna asaga huge huge huʼna maiguve.

Samu 5:7

Ani kava huka maiʼnanaʼmonanafa nagaefeʼmo muki kahau huka neʼnatana kavakaletiʼmo nokafiʼmo uʼna haiguve. Kagaefekeʼmo koli huteʼnaeʼmo aote mono nokamo ageteʼna mono huguve.

Samu 55:17

Netepinagi alopa yegefinagi haniʼilagaʼenagi huʼna nagaemo nunumuʼmo huʼna alopa gefatiʼmo keya aesugeno afigiye.

Samu 95:6

Eta ape higetao Ala kava neʼmoʼa alo huno lateʼniya vekaeʼmo laleʼyaʼmo faiʼneta mono hugune.

Neniyo 6:13

Inagi apakaemo kini vekaeʼmo ani gemo ha paiʼnae. Neniyoʼmo Yuta kotegatiʼmo kalavusi huʼa ateteʼa avaleliʼa eʼnaya vekamoʼmo ala kagikalefeʼmo agesamo oʼafino kaiyafiʼmo oʼmaiʼniye. Keʼaepa gemo apepaleʼmo kagimo avoʼmo kaeʼnana keʼaepa gemo akame nosiyaʼmonanafa magoke afinaʼmo loleʼe magoʼe kanaleʼmo gotiʼamofeʼmo ge huno afi geʼniye, huʼa ha paiʼnae.

Neniyo 9:4

Nagaemo Ala kava neʼmo Gotiʼnimofeʼmo nunumu huʼna hosu kavatieʼmo aeʼna hakalo huʼnaeʼmo, O Ala kava nene, huʼna, kagaemo aeka apaka seʼnanageta kagaefeʼmo koli nehuna Gotigae, huʼna, muki afinaʼmo kagaefeʼmo hapau apayamopafiʼmo hapauge keʼaepa gekamo akame huge nehaya vayaʼeʼmo magokepi kotalakemo hu maleʼnana gekamo akame huka kahau huka neʼapatane.

Yona 2:4

Ago alika naha faika nataleʼnanaʼmonanafa halate kagae aote mono nofeʼmo aulu heʼna agegauve.

Maki 3:3

Yesuʼa ayaʼmo kalage kiʼniya vekaeʼmo hunoʼaeʼmo, he tika manile eno, huno hutenoʼaeʼmo

Luki 14:26

Nagaetegamo esiya vekamoʼmo afoʼamofenagi itaʼamofenagi aʼaenagi mafaʼneʼaenagi konagaʼamogifenagi asaʼamogifenagi agaiʼamo alagepa huno maisiya kavafenagi huno aini osuʼnisiyaʼmoʼmo geʼnimo neʼafiya vekamo afaʼa oʼmaigiye.

Luki 22:41

apatalenuno yafa kayoʼmo yaga aunageno uno nehaneya agufa afafaleʼmo uno aleʼya faiʼneno nunumuʼmo hunoʼaeʼmo,

Apa 10:9

Egaʼamo Yopa haopalega kateʼmo neʼagenoʼaeʼmo Pitaʼa felugakukuʼmo nehavaeya noʼmo nokatoʼmuʼmo otu nokatoʼmumo haneʼnigeno nunumuʼmo hisiyafeʼmo uno haiʼniye.

Apa 2:15

Lapakaemo hutapaeʼmo, Ani vayaʼmogi aniʼmo neteʼa negi nagi nehae, hutapa lapakesamo neʼafiyaʼmonanafa hemenimo netepiʼmo yegemo ago leno hakale huʼniya afinaʼmogeʼa negi nagi nosae.

Apa 20:24

falisuva kavaʼmo ina agufa kavaʼmogeʼna nagesa oʼafiʼnove. Gotiʼa fiku hapa maeno neʼapamiya gemo Ala kava neʼmo Yesufeʼmo alagepa faigoko geʼamo aeʼna hakalo huʼna hapa paisuva aliʼyaʼamo namiʼniye. Nagaemo ofaliʼna afaʼa maisuvafeʼmo ataleʼna maiʼna halove huʼna maiguve, huʼna nagesa noʼafufa namiʼniya aliʼyaʼnimo aliʼna hano huʼna atesuvafeʼmo nagu nagu huʼna uʼna atupaleʼmo avaʼyi huteʼna namogaga aiguve, huʼna nagesamo neʼafuve.

Apa 20:36

Ani gemo hapa paitenoʼaeʼmo apakaeʼeʼmo magokepi aleʼyamo faino maiʼnenoʼaeʼmo nunumuʼmo huʼniye.

Apa 21:5

Apakaeʼeʼmo lokaeta maiʼnona afinaʼmo ago hano huʼnigeta apataleta uʼnone. Apakaemo muki ve aʼneʼe mafaʼneʼapiʼe lagaeʼeʼmo taonifatiʼmo ataleta magokepi lokaeta uta ani agiʼnaleʼmo laleʼyamo faiʼneta nunumuʼmo hutetaeʼmo

Apa 3:1

Mago afinaʼmo Pitaʼe Yoniʼeʼmo Yulusalemu taonifiʼmo alopa mono notegamo yegemo uno lamino folaga huʼniya kanaleʼmo Yu vayaʼmogi nunumuʼmo nehaya kanaleʼmo uʼnaʼae.

Apa 4:29

Ala kava nene, huʼa, Hemenimo lokiya gemo lamagisaya kavafeʼmo laha paiʼnaya gemo afiyo. Afiteka lokiya vaika lategetao aliʼyakamo neʼaluna vayaʼmogita gekamo aeta hakalo huta hapa paino.

Apa 5:20

Utapa alopa mono nopiʼmo uta haitapa he tita maiʼnetapa ani saufa kavafeʼmo ava gemo aetapa hakalo hutapa hapa paiyo, huno hapa paiʼniye.

Apa 5:29

Pitaʼe mago apa vayaʼmogiʼeʼmo geʼaleʼmo aeʼa atagaina huʼa hapa paiʼapaeʼmo, Hosu kavanageta vayaʼai geʼapimo akame hugunaʼmonanafa kanale kavanageta Goti geʼamo akame hugune.

Apa 7:60

Neʼamagigenoʼaeʼmo aleʼya faiʼneno alopa gefatiʼmo hunoʼaeʼmo, Ala kava nene, huno, mani hosu kavaʼapimo anonaʼapileʼmo apamisanafeʼmo kagesamo oʼafiyo, huno huteno au kaleʼniye. Soloʼa amagiʼnageno faliʼniya kavafeʼmo aipafiʼmo kanalene, huno agesamo afiʼniye.

Apa 9:40

Ave liʼnagenoʼaeʼmo Pitaʼa hunoʼaeʼmo, kumatega uta lamiyo, huno hapa paiʼnigeʼa uʼa lamiʼnageno aleʼya faino maiʼneno nunumuʼmo huteno aino afe leno agufaleʼmo ageʼnenoʼaeʼmo, Tamaitao, huno, he tiyo, huno nehigenoʼaeʼmo aulagamo ageno ayakeno Pitaʼmo agetenoʼaeʼmo he tino fai maiʼniye.

Efasasi 3:14

Gotiʼa fikumo lapa maeno lapamiʼniyaʼmofeʼmo Ala kava netimo Afoʼamo aulagaleʼmo naleʼyaʼmo faiʼneʼna nunumuʼmo nehuve.

Filipai 1:14

Kalavusifiʼmo maiʼnogeʼapaeʼmo asole konagatimogi nageʼnayaʼmofeʼmo lokiya vaiʼa maiʼneʼapaeʼmo Ala kava nefeʼmo magoʼe huʼa apakesamo afiʼa fatago nehuʼapaeʼmo koli osuʼa he tiʼa Goti geʼamo aeʼa hakalo huʼa hapa nepaiye.

Filipai 1:20

Hosu kavaʼmo huteʼna navagage hisiya kavafeʼmo alagi noʼnahaiye. Alagepa kavaʼmo huguve, huʼna naipamo kaliteʼna navayagunagu huʼna agava neʼmauve. Hogoteʼna Kalaisi agiʼaleʼmo muki afinaʼmo aliʼna asaga huʼnovanageʼna falisufi afaʼa maisufigeʼna hemeniʼeʼmo ani kavaʼmo huʼna aiseʼamo koli osuʼnovanageʼna agiʼaleʼmo aliʼna asaga hugesuve.

Filipai 4:6

Mago kavafeʼmo lapausoli osuta muki kavatefeʼmo nunumuʼmo hutapa afi neketapaeʼmo hao ke hetapa lapauʼnisiya yafeʼmo Gotifeʼmo ge huta afi gegenoʼao lapaipamo alino falu huno lapategaiye. Haiya kava huno laipamo alino falu huno nelatefi huta oʼageʼnonaʼmonanafa afaʼa alino falu huno lapatesiya kavaʼmoʼa Kalaisi Yesupiʼmo maiʼnayanageno lapaipa lapakesaleʼmo afaʼa yagaino lapategaiye.

Kolosi 3:17

Muki agufa kavaʼmo huge muki agufa gemo huge nehisayana Ala kava neʼmo Yesu agiʼalefeʼmo hutetapa agaetetiʼmo afotimo Gotifeʼmo hao ke heta maiyo.

Himulu 13:15

Inagi lagaemo agaetetiʼmo muki afinaʼmo Gotiʼmo ofalinimo amitetaeʼmo agiʼaleʼmo alita asaga huta atetetaeʼmo hao ke hegetao. Lavayafatikeʼmo ani ofalinimo amigetao.

Himulu 4:16

Inagi atete osuta Gotiʼa yagaino neʼapateya siyaʼaleʼmo fai maiʼnenoʼaeʼmo fikumo laha maeno nelamiya kavategamo vigetao, kana yaʼmo alisuna afinaʼmo hau huno lateteno fikumo laha maeno lamigiyaʼmofeʼmae.

Leveleseni 2:10

Aise afinaʼmo utesigeta kana yaʼmo aligayaʼmofeʼmo koli osiyo. Afiyo, huʼna, Sataniʼa lapamalageka huteno kalavusi huno lapatesigetapa naya loleʼa afinaʼmo hanageke yaʼmo aligae. Lapakesamo afita fatago huʼnaya kavatapileʼmo atafauta alagi huta maime maime utapa faliyo. Nehisageʼnaeʼmo aeʼa neʼapakasaya vayaʼmogi neʼaliya agufa kakolitagana yaʼmo maige maige hutapa maisaya yaʼmo lapamiguve.

Leveleseni 2:13

Lapakeʼnovana Sataniʼa yagaino neʼapateya koteʼmo maiʼnageʼna lapakeʼnove. Nagiʼnimo oʼataletapa atafauta alagi hutapa maiʼnae. Mago vayaʼmogimo lama ge nava gemo huʼniya vekamo agiʼamo Anitipasiʼa Sataniʼmo neʼmaiya kotegamo lapakae folagapiʼmo kamitimo amagiʼnayaʼmonanafa lapakaemo oʼnataletapa nagaefeʼmo magoʼe hutapa lapakesamo afita fatago nehae.