Neniyo 5:6 - The Keyagana NT and 25 OT books

⁶ Inagi kini vekamoʼmo agetenoʼaeʼmo aeto agufa augosamo kaliteno agesa neʼafigenoʼaeʼmo lusi kana yaʼmo aipafiʼmo afole aitegeno aumiʼyalaʼmo hatu maeʼnigeno aiyamoʼa lusi atete huʼnigeno aiyalaʼmo alino salukiʼniye.

Neniyo 5:6 ပူးပေါင်းရင်းမြစ်များ

Samu 22:14

Aniʼmo aliʼa mopafiʼmo lakitalageno uno lamino hano nehiya kava huno lokiyaʼnimo alagi ohaneʼniye. Muki nayamufaʼnimo uno aeno haniʼniya nayamufamo aino hatu maeʼniye. Naipamoʼmo ani hegekana huʼniye.

Samu 69:23

Magoʼe huʼa oʼagesayafeʼmo apaulagafatiʼmo haniʼageʼmo hino. Alopa kana yaʼmo alika apamigeʼapao aliteʼa muki afinaʼmo ape hulitata huʼa maiyo.

Aiyeya 35:3

Lapayaʼmoʼmo alagaʼmo nehaegeno lapaiyamoʼmo atete nehiyanagi alitapa lokiya vaita ateyo.

Aiyeya 5:27

Muki ani ami ati vayaʼmo lokiya vayaʼageʼmae. Magoke vekaʼapimoʼmo aiyafatiʼmo alaga haesigeno asagauno oʼaige aumiʼmi osuge ohavaege hugiye. Magoke vekamo mapaluʼamo aino hatu oʼmaegaiye. Magoke vekamo suʼamo oʼatalagaugiye.

Neniyo 2:1

Nepukanesaʼa lole kafugamo kini vekamo maiʼnenoʼaeʼmo mago haniʼilagamo alagamuna ageʼniyana lusi kava huno aipamoʼmo kana huʼnigeno magoʼe huno au okaleno maiʼniye.

Neniyo 3:19

Nepukanesaʼa ani gemo afitenoʼaeʼmo lusi kava huno aipa leʼnigeno ani vayaʼaifeʼmo augosamo alino lokiya vaiʼniye. Agaemo aliʼyaʼamo neʼaliya vayaʼaifeʼmo hunoʼaeʼmo, atamo kaegeno lusi kava huno leno amuko hino, huno huʼniye. Mago afinaʼmo kaeʼnigeno leno amuko nehiya kavaʼmo ago aeno aga seno magoʼe huno leno amuko huʼniye.

Neniyo 4:19

Inagi Neniyoʼmo alu agiʼamo Metasasaʼa ani alagamuna gemo afitenoʼaeʼmo hau aiteno aipamo kana huʼniye. Aipamo kana huʼniyaʼmofeʼmo kini vekamoʼmo hunoʼaeʼmo, Metasasao, huno, Afaʼa atenageno ani alagamuna gemo aepaʼamoʼmo kaipa kana yaʼmo alino okamino, huno huʼnigeno Metasasaʼmo geʼaleʼmo aeno atagaina hunoʼaeʼmo, Ala neʼnimogae, huno, mani alagamuna gemo kagaefeʼmo alagi ohapauʼniya vayaʼaiteʼmo afole aisiya agufa kavaʼmae. Alagamuna gemo aepaʼamo kame vayakalegaeʼmo hisiya agufa kavaʼmae.

Neniyo 4:5

Mago haniʼilagamo nagaemo hipaʼnile havaeʼneʼna alagamuna ageteʼnaeʼmo koli huteʼna maiʼnogeno ageʼnova kavaʼmoʼa naipa kana yaʼmo alino namiʼniye.

Neniyo 5:5

Neʼnagenoʼaeʼmo mago vekamo ayaʼmo afole aiteno kini vekamo noʼafiʼmo kaleso yosale latapa yaʼmo maleʼnaya yateʼmo avoʼmo kaeʼniye. Ani yateʼmo lamumoʼmo alagepa huno aeno ha leʼnigeno kini vekamoʼmo ani avoʼmo kaeʼniya ayaʼmo ageno alagepa huʼniye.

Neniyo 7:28

Muki ani ageʼnova alagamuna geʼnimo haiʼmae. Nagaemo Neniyoʼnamo nagesamo neʼafugenoʼaeʼmo naipafatiʼmo lusi kava huʼnigeʼna aeto agufa naugosamo kaliʼnovaʼmonanafa vayaʼaifeʼmo hapa opaiʼnofa afaʼa naipafiʼmo haneʼniye.

Neyomi 2:10

Niniva taonimo taoniʼageʼmo haneʼnigeno vayaʼmo oʼmaiʼnae. Muki yaʼmo alagi hosuʼnigeno no atufaʼageʼmo haneʼniye. Niniva taonifi vayaʼmogi lusi kava huʼa koli huʼnagenoʼaeʼmo apaiyamoʼmo atete huge lokiyaʼapimo hano huge huʼnigeno apaugosamoʼmo alino kola paige huʼniye.

Himulu 12:12

Inagi lapayaʼmoʼmo alagaʼmo nehaegeno lapaiyamoʼmo atete nehiyanagi alitapa lokiya vaita ateyo.