Neniyo 5:5 - The Keyagana NT and 25 OT books

⁵ Neʼnagenoʼaeʼmo mago vekamo ayaʼmo afole aiteno kini vekamo noʼafiʼmo kaleso yosale latapa yaʼmo maleʼnaya yateʼmo avoʼmo kaeʼniye. Ani yateʼmo lamumoʼmo alagepa huno aeno ha leʼnigeno kini vekamoʼmo ani avoʼmo kaeʼniya ayaʼmo ageno alagepa huʼniye.

Neniyo 5:5 ပူးပေါင်းရင်းမြစ်များ

Mai'naya kavane 29:1

Gotiʼa asole afinaʼmo mago vekaeʼmo hosu kavaʼmo nehane, huno hisiya gemo noʼafisigenoʼaeʼmo malage huno alino agoʼya laga uno atalesigeno ha maesiya vekamo alagi oʼmaigiye.

Neniyo 4:31

Ani gemo nehigenoʼaeʼmo mago vekamoʼmo kokuʼnapati ha painoʼaeʼmo, Kini vekamo Nepukanesao, huʼna, kagaefeʼmo ge nehuve. Yagaika neʼapatana himamukamo kayapatiʼmo aliʼna kahafaleʼna ataleʼnove.

Neniyo 4:33

Inagi ani afinaʼmo Nepukanesafeʼmo ha paiʼniya gemo afole aiʼnigeʼa vayaʼmogi apakaetegatiʼmo aliʼa hafai atalageno pulumakagana huno kahaumo neʼniye. Lao yaʼmoʼa kokuʼnapatiʼmo emineno agufaleʼmo alino lanitani huʼniye. Ayokaʼmo hakiki namamo ayokakana huno aeʼniye. Aginagomo namamo aginagogana huno huʼniye.

Neniyo 5:15

Afiteʼa ageʼnaya vayaʼmo kanefi ageʼa aiyaka neʼaliya vayaʼmogi avoʼmo kaeʼniya gemo lekana paiteʼa aepaʼamo naha paisayafeʼmo apavaleliʼa eʼnayaʼmonanafa afaʼa naha opaiʼnae.

Neniyo 5:4

Apakaemo nofi alagafati aniʼmo neʼneʼapaeʼmo goliletiʼmo alo huge siluvaletiʼmo alo huge haesa aeniletiʼmo alo huge afa aeniletiʼmo alo huge yosaletiʼmo alo huge yafatetiʼmo alo huge huʼnaya gotigi apakiʼapileʼmo aliʼa asaga huʼnae.

Neniyo 5:6

Inagi kini vekamoʼmo agetenoʼaeʼmo aeto agufa augosamo kaliteno agesa neʼafigenoʼaeʼmo lusi kana yaʼmo aipafiʼmo afole aitegeno aumiʼyalaʼmo hatu maeʼnigeno aiyamoʼa lusi atete huʼnigeno aiyalaʼmo alino salukiʼniye.

Neniyo 5:8

Inagi kini vekamo muki afiteʼa ageʼnaya vayaʼamo ani nopiʼmo uʼa haiʼa maiʼnayaʼmonanafa avoʼmo kaeʼniya gemo lekana paige aepaʼamo afiteʼa kini vekaeʼmo ha paige osuʼnae.

Kolosi 2:14

anonatilefeʼmo avoʼmo kae maleʼniya gemo ani kavaʼmo hiyo ina kavaʼmo osiyo, huno huʼniya keʼaepa gemo aeno kalo paeno ataleʼniye. Gotiʼa ani gemoʼmo aeno lagaseno kame huno lateʼniya gemo alino ataleteno malipu yosaleʼmo nili aiʼniye.