Neniyo 5:28 - The Keyagana NT and 25 OT books

²⁸ PERES gemo aepaʼamo haneʼniyana Gotiʼa yagaika apateʼnana vayapatiʼmo alino fako huno Mitiya vayaʼaitegamo apatege Pesiya vayaʼaitegamo apatege huʼniye, huno ha paiʼniye.

Neniyo 5:28 ပူးပေါင်းရင်းမြစ်များ

2 Sitoli 36:23

Sailasiʼa Pelesiya kote kini vekamoʼmo hunoʼaeʼmo, Ala kava neʼmo kokuʼnapi Gotiʼa muki kini vayaʼmogi mopaʼaleʼmo yagaisuvafeʼmo namitenoʼaeʼmo, Kagaemo Yuta kotega Yulusalemu taonifiʼmo noʼnimo kika nato, huno naha paiʼniye. Inagi vayaʼafatiʼmo haiya vayaʼmogi uʼa haiʼa noʼamo kigae. Ala kava neʼmo Gotiʼapimoʼmo apakaeʼeʼmo magokepi lokaeno maigiye, huno hapa paiʼniye.

Neniyo 2:32

Auneʼmo agenopaʼamo alagepa goliletiʼmo alo huge haifiʼyaʼe lole ayatalaʼeʼmo siluvatetiʼmo alo huge afafaʼamo haesa aeniletiʼmo alo huge lole aiyalaʼmo aeniletiʼmo alo huge afelaga lole aiya agusalaʼmo aeniʼe kalipa mopaletiʼeʼmo alo huge huʼniye.

Neniyo 2:39

Alu kini vekamo kagae kakamelegatiʼmo henagaʼamo afole aigiyaʼmonanafa kagaekana huno lokiya kini vekamo oʼmaigiye. Henagaʼamo napa talimo afole aisiya kini vekamo haesa aenigana huno maiʼneno ma mopafiʼmo muki haopalegamo yagaigiye.

Neniyo 5:31

Ani afinaʼmo Mitiya nofi vekamo agiʼamo Naliyasiʼa Melisasa aimuʼyaleʼmo kini vekamo maiteno Mamiloni vayaʼaiteʼmo yagaino apateʼniye. Ani afinaʼmo Naliyasiʼa sigisiti tuʼa kafugamo maiʼniya afinaʼmae.

Neniyo 6:28

Kini vekamo Naliyasiʼmo yagaino apateʼniya afinaʼe Sailasiʼmo Pesiya nofi kini vekamoʼmo yagaino apateʼniya afinaʼeʼmo Neniyoʼmo aliʼyaʼamoʼmo alagepa huno afole aiʼniye.

Neniyo 6:8

O kini vekamogae, huta, mani keʼaepa gemo afole aisiyafeʼmo hapa paigeʼa ani keʼaepa gemo avoʼmo kaeyo. Avoʼmo kaetesagekaeʼmo alika lokiya vaika atesanafeʼmo kagaika kagimo avoʼmo kaetesanageʼa muki vayaʼmogimo akame hugae. Ani keʼaepa gemo lagaemo Mitiya vayaʼe Pesiya vayaʼeʼmo magoke keʼaepa getimo hanesigeno mago vekamoʼmo alu gemo afaʼa osugiye.

Neniyo 8:20

Kagaemo mago lole lokiyaʼamo haneʼniya ve sipisipimo ageʼnane. Lole lokiyaʼamo haneʼniya kava huno Mitiya kini vayaʼe Pesiya kini vayaʼeʼmo maiʼnae.

Neniyo 9:1

Naliyasiʼa Sekesi mafaʼnemo Mitiya nofi vekamoʼmo Mamiloni vayaʼaiteʼmo yagaino apatesiyafeʼmo kini vekamo hamaleʼniye.

Apa 2:9

Lagaemo Patiya vayaʼmo eta maige Mitiya vayaʼmo eta maige Elami vayaʼmo eta maige Mesopotemiya vayaʼmo eta maige Yutiya vayaʼmo eta maige Kapanosiya vayaʼmo eta maige Ponitasi vayaʼmo eta maige Esiya vayaʼmo eta maige