Neniyo 5:23 - The Keyagana NT and 25 OT books

²³ Kagaemo kokuʼnapi Ala kava netegamo hosu kavaʼmo huka kagikaleʼmo alika asaga huka kateʼnane. Kagaemo aliteyo, huka hapa paiʼnanageʼa Ala kava neʼmo kapumo noʼafatiʼmo kumayaʼmo alini eʼa maleʼnaya kapufiʼmo kagaegi ala vayakagi aʼne anagakagi fikumo aliʼnana aʼne anagakagi hutapa ani kapufatiʼmo nofi alagafati aniʼmo neʼnae. Neʼnetapaeʼmo gotitapimogimo goliletinagi siluvaletinagi haesa aeniletinagi afa aeniletinagi yosaletinagi yafatetinagi huʼa alo huʼnaya gotigi apakiʼapileʼmo alitapa asaga huʼnae. Ani gotigimo apaulaga oʼagege gemo oʼafige apakesamo ohanege huʼniya gotigi apakiʼapileʼmo alika asaga huʼnanana kagae kavamusaʼmo ayapi aliteno afaʼa maisana kavateʼmo yagaino kateʼniya Goti agiʼaleʼmo alika asaga huka oʼateʼnane.

Neniyo 5:23 ပူးပေါင်းရင်းမြစ်များ

Aepa Gemae 14:19

Agaemo Emalemifeʼmo alino auleno ateteno ha painoʼaeʼmo, Gotiʼa aeno apaka seno anaga vekamoʼmo muki kokuʼnapi yanagi muki ma mopafi yanagi huno agaiʼa yaʼmo haneʼniya vekamoʼmo alino auleno kateno.

Aepa Gemae 2:7

Ala kava neʼmo Gotiʼa mopamo aliteno ve kanomo alo huʼniye. Agaemo agoʼya katalapiʼmo avamusamo aino fu huʼnigeno afaʼa maisiya vekamo ha maleʼniye.

Samu 104:29

Kagaemo kakameʼyamo apamiʼnanageʼapaeʼmo lusi kava huʼa kolikamo nehae. Kagaemo apavamusateʼmo aliʼnanageʼapaeʼmo faliteʼa halate mopamo aliʼa nehamalae.

Samu 115:16

Kokunaʼmo Ala kava neʼmo koʼamo haneʼnigenoʼaeʼmo agaemo ma mopamo lamiʼniye.

Samu 139:3

Umenitata huge havaege nehugekaeʼmo nageteka muki nehuva kavaʼnimo ago nageʼnane.

Samu 146:4

Apakaemo falisaya afinaʼmo halate aiʼa afeleʼa mopamo aliʼa hamalegae. Ani afinaʼmo apakaemo muki hugune, huʼa apakesamo neʼafiya kavaʼmo afaʼa osugae.

Mai'naya kavane 20:24

Ala kava neʼmoʼa vayaʼmogimo hisaya kavaʼmo alino ho huno neʼapateyaʼmofeʼmo haiya kava huʼa apakaiʼapimo hisaya kavaʼmo agegae.

Aiyeya 2:12

Muki vayaʼaiteʼmo yagaino neʼapateya Ala kava neʼmo afinaʼmo afole aisigeʼapaeʼmo muki vayaʼmogimo apakaiʼapi apakiʼapileʼmo aliʼa asaga nehaya vayanagi ala agi kavanagi ala apaki vayanagi ala agimo haneʼniya yanagi huno alino afepiʼmo apategaiye.

Aiyeya 33:10

Ala kava neʼmoʼa hunoʼaeʼmo, Hemenimo he tiguve. Hemenimo ala nagiʼnimo aliguve. Hemenimo nagiʼnileʼmo aliʼna asaga huguve.

Aiyeya 42:5

Ala kava neʼmo Gotiʼa kokuʼnaʼmo alo huteno palaketimo aliʼa api aiteʼa aliʼa yatala nehaya kava huno kokuʼnaʼmo alino api aiteno alino yatala huʼniye. Agaemo ma mopamo alo huteno muki ma mopafiʼmo maiʼnaya vayaʼe haneʼniya yaʼeʼmo alo huʼniye. Agaemo ma mopafiʼmo maiʼnaya vayaʼaina apavamusaʼmo apamige umenitata nehaya vayaʼmo apauneʼapameʼmo apamige nehiye. Ani Gotiʼa aliʼyaʼamo neʼaliya vekaeʼmo ina gemo huno ha painoʼaeʼmo.

Neniyo 11:12

Agaemo kalavusi huno apateteno apavalelino neʼunoʼaeʼmo agaiʼa agufamo alino asagauno ategaiye. Agaemo asole tauseniʼa ati vayaʼmo kamitimo hapaegiyaʼmonanafa afaʼa aise afinaʼmo hogote vekamo maigiye.

Neniyo 4:37

Hemenimo nagaemo Nepukanesaʼnamo kokuʼnapi kini vekaeʼmo aliʼna auleʼna atege agiʼaleʼmo aliʼna asaga huge ala agiʼamo amige nehuve. Muki afinaʼmo agaemo lama ge kavaʼmo huge fatago kavaʼmo huno alino fako huge nehiye. Vayaʼmogimo apakaiʼapi apakiʼapileʼmo aliʼa asaga hugefeʼmo hisaya vayaʼmo afaʼa alino afepi apategaiye, huno huʼniye.

Neniyo 8:11

Ami vayaʼaiteʼmo neʼyagaiya vekamoʼmo ala agimo neʼaliya kava huno magoke agufa agimo aliteno ani vekamoʼmo agaiʼa agiʼaleʼmo alino asaga huʼniye. Agaemo muki afinaʼae afinaʼaeʼmo ofalini nehaya kavaʼapimo ago alino hano huno ataleteno Goti mono noʼamo alino hosu huno ateʼniye.

Hamakaki 2:4

Ago, huʼna, agaiʼaeʼmo amogaga neʼaiya vekamoʼmo fatago auneʼamo oʼaliʼniye. Oʼaliʼniyaʼmonanafa fatago vekamoʼmo agesamo afino fatago huʼniya kavatetiʼmo afaʼa maigiye.

Apa 17:25

Gotiʼa muki yaʼamo haneʼniya vekamo maiʼniyaʼmofeʼmo vayaʼmogi mago yaʼmo ha maeʼa amisafiye. Haʼao, agaiʼageʼmo hapa maeno apavamusanagi afaʼa neʼmaiya yanagi muki yanagi huno neʼapamiye.

1 Kolitiyani 8:4

Nehiyaʼmofeʼmo aigofe gotiʼapimogi afu ameʼamo neʼapamiya ofalinimo nesupi oʼnesupi ani kavafeʼmo avoʼmo kaegesuve. Aigofe gotiʼapimogimo ma mopafi ina agufa yaʼmo haneʼnigeno magoke Gotiʼa agaiʼageʼmo maiʼniyana mago alu gotigimo alagi oʼmaiʼnae, huta ago afiʼnone.

1 Timoti 3:6

Saufamo Goti mafaʼnemo hamaleʼnisiya vekamoʼmo vayatama vekamo oʼmaigiye. Sataniʼa himuʼnamu agesamo afiʼnigenoʼaeʼmo Gotiʼa hunoʼaeʼmo, hosu kagesamo afiʼnane, huno huʼniya agufa gemo huno saufamo agesamo afino fatago huʼnisiya Goti mafaʼnemoʼmo agufamo avalelino nehaisigenoʼaeʼmo Gotiʼa, hosu kavaʼmo huʼnane, huno hugiye.

Himulu 4:13

Lagaemo hutaeʼmo, ani kavaʼmo huʼnove, ina kavaʼmo huʼnove, huta ha paisuna vekamo aulagaleʼmo muki nehuna kavatimo alagi fala okino afole neʼaiye. Muki vayaʼmo aulagaleʼmo alagi fala okigayanageno apakegaiye.

Leveleseni 9:20

Ani kayotetiʼmo kamitimo oʼapamagiʼnaya vayaʼmogimo hosu enisole vayaʼaiteʼe alo huʼnaya aigofe gotiʼapimogiteʼeʼmo oʼapataleʼa magoʼe huʼa mono huʼnae. Apakaemo aigofe gotiʼapimogi goli yafatetiʼmo alo huge siluva yafatetiʼmo alo huge haesa yafatetiʼmo alo huge afa yafatetiʼmo alo huge yosaletiʼmo alo huge huʼnaya aigofe gotiʼapimogimo mago yaʼmo oʼagege ge oʼafige kaʼmo umenitata osuge nehaya aigofe gotiʼapimogimo oʼapataleʼnae.

1 Samiyo 17:26

Neviniʼmo agae haopaleʼmo maiʼnaya vayaʼaifeʼmo ina ge huno ge huno apafi geʼniye. Inagi kini vekamoʼmo ani Filisatini vekamo kamitimo haesigenoʼaeʼmo lagaemo Isaleli vayaʼmo alopa lavagage yaʼmo afole neʼaiya kavaʼmo alino atalesiya vekalegamo na agufa kavaʼmo hugiye. Ani Filisatini vekamo malaga afa vekageʼmae. Ina laʼmo afaʼa maiʼniya Goti ami vayaʼaeʼmo lame lame gemo nehiye.

1 Samiyo 17:36

Nagaemo laiyoniʼe meyaʼeʼmo kamiti anamagiʼnova kava huʼna malaga Filisatini vekamo kamiti amagiguve. Agaemo afaʼa maiʼniya Goti ami vayaʼaeʼmo lame lame gemo huno huno faipa huno apateʼniyaʼmofeʼmae.