Neniyo 5:22 - The Keyagana NT and 25 OT books

²² Kagaemo Melisasagae, huʼna, mafaʼneʼamo maiʼnananageka agaete afole aiʼniya kavaʼmo ago ageʼnanaʼmonanafa kagaemo kagaikamo alika afepi okateʼnane.

Neniyo 5:22 ပူးပေါင်းရင်းမြစ်များ

2 Sitoli 33:23

Huʼniyaʼmonanafa agaemo afoʼamoʼmo Ala kava neʼmo aulagaleʼmo agaiʼamo alino afepiʼmo ateʼniya agufa kavaʼmo osuʼniye. Haʼao, Emoniʼmo magoʼe magoʼe huno hosu kavaʼmo huʼniye.

2 Sitoli 36:12

Agaemo Ala kava neʼmo Gotiʼamo aulagaleʼmo hosu kavaʼmo huʼniye. Agaemo Gotitegati gemo alinineno aeno hakalo huno hapa nepaiya vekamo Yelemaiya aulagaleʼmo agaiʼamo alino afepiʼmo oʼateʼniye. Yelemaiyaʼmo Ala kava neʼmo avayafatiʼmo huʼniya gemo ha paiʼniyana Yeʼnekaiyaʼmo oʼafiʼniye.

Samu 119:46

Nagaemo kavayafatiʼmo nehana gemo aliʼna yagaiʼnaya kini vayaʼaifeʼmo aeʼna hakalo huʼna hapa paisugenoʼaeʼmo navagage osugiye.

Hatu maeno apate'niya gemae 10:3

Inagi Moseseʼe Eloniʼeʼmo Felotegamo uʼana ha paiʼanaeʼmo, Ala kava neʼmo Himulu vayaʼmogita Gotitimoʼmo kagaefeʼmo hunoʼaeʼmo, Na magi afinaʼmo geʼnimo amagika ataleteka naiyafiʼmo oʼmaiʼnane. Vayaʼnimo afaʼa apatalegeʼa uʼa nagaetefeʼmo mono hiyo.

Aiyeya 26:10

Gotiʼa hosu vayaʼaina fiku hapa maeno apamisiyaʼmoʼmo fatago kavaʼmo hisaya kavaʼmo oʼagegae. Apakaemo fatago vayaʼmo maiʼnaya koteʼmo hosu kavaʼmo huteʼa Ala kava neʼmo ha le konali yaʼamo oʼagegae.

Neniyo 5:18

O kini vekamogae, huʼna, Aeno apaka seno alagi anaga Gotiʼa lotokamo Nepukanesaʼmo yagaino apatesiya kini vekamo alino hamaleno ateteno kini vayaʼmogi afaʼa neʼaliya lokiyaʼamo amige konali yaʼamo amige ala agiʼamo amige huʼniye.

Matiyu 21:32

Yoniʼa lapakaetegamo eno alagepa kavaʼmo hisaya kavafeʼmo ago alino lapave liʼnigetapa ageʼnayaʼmonanafa lapakesamo afita fatago osuʼnageʼapaeʼmo takesi moni neʼaliya vayaʼe kumai kavaʼmo nehaya aʼnemogiʼeʼmo apakesamo afiʼa fatago huʼnae. Mani kavaʼapimo lapakaemo ago ageʼnayaʼmonanafa lapaipamo alita afe oletapa Yoni geʼaeʼmo lapakesamo afita fatago osuʼnae, huno hapa paiʼniye.

Luki 12:47

Aliʼyaʼmo neʼaliya vekamoʼmo aliʼyaʼmo afoʼamoʼmo geʼamo ago afiʼniyana alo huteno akame nosisiyana lusi kava huno amagigiyaʼmonanafa

Yoni 13:17

Lapakaemo ani gemo afita alagepa huʼnetapa ani kavaʼmo nehisayana Goti aulagaleʼmo alagepa hutapa maiʼnayanagetapa afaʼa lapamogaga aigae.

Yemisi 4:17

Alagepa kavaʼmo hisaya kavaʼmo haneʼnigeʼa ageʼnayaʼmonanafa nosisayana hosu kavaʼmo nehae.

Yemisi 4:6

Haʼye nehiyaʼmonanafa Gotiʼa fikumo laha maeno magoʼe huno nelamiye. Ani kavatefeʼmo hunoʼaeʼmo, Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fikumo hapa maeno neʼapamiye, huno huʼniye.