Neniyo 5:12 - The Keyagana NT and 25 OT books

¹² Ani vekamo agiʼamo Neniyoʼmae. Kini vekamo Nepukanesaʼmo Melitesasaʼae huno agi ateʼniye. Nepukanesaʼmo ageʼniyana alagepa aunemeʼamo aipa agesafi mukufi gemo alagepa huno afige alagepa agesa afi yaʼmo hanege alagamuna gemo aepaʼamo alagepa huno afige aune gemo afige fala kiʼniya gemo afige huʼnigeno ageʼniye. Maiʼniyaʼmofeʼmo agaefeʼmo ge huʼnigeno eno ani gemo aepaʼamo kaha paino.

Neniyo 5:12 ပူးပေါင်းရင်းမြစ်များ

Mai'naya kavane 12:26

Fatago vekamoʼmo haopaleʼmo maiʼniya vekamo kaʼmo alino ho huno ategaiyaʼmonanafa hosu vayaʼmogimo hosu kavaʼapimoʼa alagepa kaʼmo ataleʼa hosu kateʼmo visayafeʼmo apavalelino neʼviye.

Mai'naya kavane 17:27

Afiʼniya vekamoʼmo gemo hugefeʼmo asole gemo nosiye. Afino aeto huʼniya vekamoʼmo malage huno aipamo nole.

Neniyo 1:17

Gotiʼa ani loleʼe loleʼe neya vayaʼmo afisaya kavaʼe afiteʼa agesaya kavaʼe mukufiʼmo ageteʼa afisaya apakesaʼeʼmo apamiʼniye. Neniyoʼa alagamuna agegekana huno muki kavaʼmo aepaʼamo agege alagamunamo aepaʼamo agege huʼniye.

Neniyo 1:7

Apakaemo meku vayaʼaiteʼmo yagaiʼniya vekamoʼmo saufa apakimo apateʼniye. Neniyofeʼmo Melitesasaʼae huno atege Hananaiyafeʼmo Satalakiʼae huno atege Misayelifeʼmo Misakiʼae huno atege Asalaiyafeʼmo Ameʼnagoʼae huno atege huʼniye.

Neniyo 2:26

Kini vekamoʼmo Neniyoʼmo alu agiʼamo Melitesasafeʼmo ha painoʼaeʼmo, Kagaemo ageʼnova alagamuna geʼe aepaʼaʼeʼmo afaʼa naha paigapiye, huno ge huno afi geʼniye.

Neniyo 4:19

Inagi Neniyoʼmo alu agiʼamo Metasasaʼa ani alagamuna gemo afitenoʼaeʼmo hau aiteno aipamo kana huʼniye. Aipamo kana huʼniyaʼmofeʼmo kini vekamoʼmo hunoʼaeʼmo, Metasasao, huno, Afaʼa atenageno ani alagamuna gemo aepaʼamoʼmo kaipa kana yaʼmo alino okamino, huno huʼnigeno Metasasaʼmo geʼaleʼmo aeno atagaina hunoʼaeʼmo, Ala neʼnimogae, huno, mani alagamuna gemo kagaefeʼmo alagi ohapauʼniya vayaʼaiteʼmo afole aisiya agufa kavaʼmae. Alagamuna gemo aepaʼamo kame vayakalegaeʼmo hisiya agufa kavaʼmae.

Neniyo 4:8

Henagaʼamo Neniyoʼmo eʼniye. Alu agiʼamo Melitesasaʼae. Ani agimo gotiʼnimo agiye. Apaote gotigi apauneʼapameʼmo aipafi maiʼnae. Nagaemo alagamuna gemo ha paiʼnaeʼmo,

Neniyo 5:14

Nagaemo kava gemo afiʼnovana kagaemo gotigi apauneʼapameʼmo kaipafiʼmo maiʼnageka alagepa huka agege mukufi gemo alagepa huka afige alagepa huka afiteka agege huʼnane.

Neniyo 5:16

Vayaʼmogi kagaefeʼmo huʼapaeʼmo, agaemo gemo aepaʼamo afige fala kiʼniya yaʼmo agege huno maiʼniye, huʼa huʼnageʼna afiʼnove. Kagaemo ani gemo lekana paiteka aepaʼamo naha paisanana kini vayaʼmogi neʼvaiya agufa haesa kukenamo vaiʼna kateteʼna goli seli nofiʼmo lugokafiʼmo huʼna katesugeka napa tali gamani vekamo yagaika apatesana vekamo maigane, huno ha paiʼniye.

Neniyo 6:3

Neniyo aipafiʼmo alagepa aunemeʼamo maiʼniyaʼmofeʼmo muki ani yagaiʼnaya vayaʼaina ago aeno apaka seʼnigeno kini vekamoʼa Neniyoʼmo lekana paino atesigeno muki Mamiloni kote yagaisiyafeʼmo agesamo afiʼniye.

Neniyo 6:4

Agesamo afiʼniyaʼmofeʼmo ani kavafeʼmo ohapauʼnigeʼa lole hogote vekalanagi polovenesile yagaiʼnaya vayanagi huʼa Neniyoʼmo gamani aliʼyaʼafiʼmo mago afole aiʼnisiya hosu kavaʼamo ageteʼa agoti huʼa atesayafeʼmo amalageka huʼa kahauya huʼnayaʼmonanafa mago hosu kavaʼamo oʼageʼnae. Muki afinaʼmo alagepa aliʼyaʼmo aliʼniyaʼmofeʼmo mago kayagi kayaga kavaʼamofi hosu kavaʼamofi huʼa oʼageʼnae.

Kolosi 1:29

Nagaeʼeʼmo mani kavaʼmo afole aisiyafeʼmo Kalaisi ayamufaʼaletiʼmo naipafiʼmo lusi kava huno aliʼyaʼmo neʼaligeʼnaeʼmo ayamufaʼaletiʼmo naya mukiki huʼna aliʼyaʼamo neʼaluve.