Neniyo 4:35 - The Keyagana NT and 25 OT books

³⁵ Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

Neniyo 4:35 ပူးပေါင်းရင်းမြစ်များ

Samu 115:3

Gotitimoʼmo kokunapiʼmo maiʼniye. Agaemo muki hisiyafeʼmo hauʼniya kavaʼmo nehiye.

Samu 135:6

Haiya agufa kavafeʼmo hauʼnifi ani kavaʼmo nehiye. Agaemo kokuʼnapinagi ma mopafinagi solovala anipinagi afepilaga anipiʼenagi huno hisiya kavafeʼmo hauʼniya kavaʼmo nehiye.

Samu 49:1

Muki vayaʼmogitapae, huʼna, afiyo. Muki ma mopafiʼmo maiʼnaya vayaʼmogitapamo mani gemo afiyo.

Mai'naya kavane 21:30

Vayaʼmogimo afiteʼa ageʼnaya kavaʼapiletiʼmofi afiʼa aeto nehaya kavaʼapiletiʼmofi vege nehaya kavaʼapiletiʼmofi huʼa Ala kava neʼeʼmo kamemo hugayana huʼa aeʼa aga osegae.

Aiyeya 26:9

Haniʼilagamo nagupi mafaʼnemoʼmo kagaefeʼmo lusi kava huno hauʼniye. He, gotilamiyapiʼmo kagesuvafeʼmo kahauya huʼna kagegauve. Kagaemo alika fako huka apatesanageʼapaeʼmo ma mopafi vayaʼmogi fatago kavafeʼmo afiteʼa agegae.

Aiyeya 43:13

Akeyaʼvilagamo hogote afinaʼmo Gotiʼnamo maiʼnovanageʼna Gotiʼnamo maige maige huʼna maiguve. Nagaemo apatafauʼnisuva vayaʼmo mago vekamoʼmo nayapatiʼmo afaʼa alino hapa faino oʼapatalegaiye. Nagaemo aliʼyaʼnimo neʼaluvanageno haiya vekamoʼmo aliʼyaʼnimo afaʼa atafauno ateteno alu aliʼyaʼmo aligiye.

Neniyo 6:27

Agaemo hosu kavategatiʼmo apavalelino ege apakufamo alino katino apatege nehiye. Agaemo kokuʼnapiʼe ma mopaleʼeʼmo alagena aune kavaʼmo huge ageteʼa hapau neʼaiya kavaʼmo huge nehiye. Ani Gotiʼmo Neniyoʼa laiyoni anagapatiʼmo agufamo alino katino ateʼniye.

Yona 1:14

Apakaemo Ala kava nefeʼmo huʼapaeʼmo, Ala kava nene, huʼa, Mani vekamo asagauta anipiʼmo yaga auta atalegaunaʼmofeʼmo ani kavaʼmo anonaʼatimo alagi olategeta afaʼa maino. Vayaʼmo neʼapamagiya vayaʼmo agoti huka neʼapatana kava huka agoti huka olato. Ala kava nene, huʼa, Kagaemo ani kavaʼmo alika lave liʼnane, huʼa ha paiteʼa

Apa 11:17

Lagaemo Yesu Kalaisi Ala kava nefeʼmo lagesamo afita fatago huʼnonagenoʼaeʼmo Gotiʼa Aunemeʼamo lamiʼniya kava huno alu nofi vayaʼmo apamiʼniyaʼmofeʼmo nagaemo ina agufa vekamogeʼna Goti kaʼmo afaʼa akaniʼna oʼategauve, huno hapa paiʼniye.

Apa 4:28

Kagesa afiteka himamukaletiʼmo alika afole aika ateʼnana kavaʼmo hisayafeʼmo aliʼa anupa huʼa maiʼnae.

Apa 5:39

Inagi Gotiʼa alino aepa faiʼnisiyaʼmoʼmo lapakaemo alitapa hano hutapa oʼatalegae. Fiku yanagetapa lapakaemo Goti kameʼamo maigae. Mago kavaʼmo apakaetegamo osutapa afaʼa apataleyo, huʼna lapa nepauve, huno hapa paiʼniye.

Apa 9:5

Ala kava nene, huno, kagaemo ina lagae, huno afi geʼnigenoʼaeʼmo, Nagaemo Yesuʼnamo kaini huka neʼnatana vekamo maiʼnove.

1 Kolitiyani 10:22

Lagaefeʼmo Ala kava neʼmoʼa aipa kana huno lateteno kaino faisiyafeʼmo alita he tita atesunafeʼmo nehupiye. Lagaemo lokiyatimoʼa Ala kava neʼmo lokiyaʼamo aeno agasesifiye.

1 Kolitiyani 2:16

Ani kavatefeʼmo Goti geʼamoʼa hunoʼaeʼmo, Ina lagimo Ala kava neʼmoʼa agesa neʼafiya agesamo ageteʼa afaʼa aliʼa aya malegae, huno huʼniye. Aliʼa aya malesaya agufa vayaʼmo alagi oʼmaiʼnayaʼmonanafa lagaemo Kalaisi aipa agesamo aliʼnone.

Efasasi 1:11

Mafaʼneʼapimogimo muki afoʼapimogi yaʼmo neʼaliya kava huta Gotiʼa muki maleʼniya yaʼamo alisunafeʼmo agaemo muki kavaʼmo hisiyafeʼmo hauʼnigeno agaiʼamo ani kavaʼmo huguve, huno huʼniya geʼaleʼmo akame huno nehiya Gotiʼa hunoʼaeʼmo mafaʼneʼnimo maigae, huno hu maleʼniye.

Yasuva 2:2

Maiʼnaʼageʼapaeʼmo mago vayaʼmogimo Yeliko kote kini vekaeʼmo ina ge huʼa ha paiʼnae. Afiyo, huʼa, hemeni haniʼilagageʼmo mago Isaleli vekalaʼmo kagae koʼmo ageʼana alagepa hisaʼafeʼmo eʼana avaʼyi huʼnaʼae.

1 Samiyo 3:18

Inagi Samiyoʼmo mago gemo fala okino muki geʼamo ha paiʼnigeno Ilaiʼmo afitenoʼaeʼmo, Agaiʼageʼmo Ala kava neʼmae. Hauʼnisiya kavaʼmo afaʼa hugiye.