Neniyo 4:34 - The Keyagana NT and 25 OT books

³⁴ Seveniʼa kafugamo hano huʼnigeʼnaeʼmo nagaemo Nepukanesaʼnamo kokuʼnapi aliʼna aulu heʼna neʼagogenoʼaeʼmo alagepa nagesa afi yaʼmo halate afole aiʼnigeʼna aeno apakaseno alagi anaga Goti aliʼna auleʼna ateʼnove. Nagaemo muki afinaʼmo maige maige huno neʼmaiya Goti ala agiʼamo amiʼnove. Yagaino neʼapateyanageno muki afinaʼmo yagaino hano osuno yagaino apatelino ugiye. Afole aime aime hisaya vayaʼaiteʼmo yagaino apategaiye.

Neniyo 4:34 ပူးပေါင်းရင်းမြစ်များ

Samu 10:16

Ala kava neʼmoʼa muki afinaʼmo kini vekamo maiʼneno yagaino apateme apateme ugiye. Agaefeʼmo mono nosaya nofi vayaʼmo agaiʼa mopaletiʼmo alino hapa faino apataleʼniye.

Samu 107:15

O, huʼna, Vayaʼmogi Ala kava neʼmoʼa muki vayaʼaitegamo huʼniya alagepa kavaʼamo ageteʼa hapau aiʼnaya kavafeʼmo hao ke heyo.

Samu 107:22

Apakaemo Gotifeʼmo hao ke hesaya ofalinimo amagiʼa amiyo. Amiteʼa aliʼyaʼalefeʼmo apamogaga aiteʼapaeʼmo aeʼa hakalo hiyo.

Samu 107:31

O, huʼna, Vayaʼmogimo Ala kava neʼmoʼa muki vayaʼaitegamo huʼniya alagepa kavaʼamo ageteʼa hapau aiʼnaya kavaʼaeʼmo hao ke heyo.

Samu 107:8

O, huʼna, Vayaʼmogi Ala kava neʼmoʼa muki vayaʼaitegamo huʼniya alagepa kavaʼamo ageteʼa hapau aiʼnaya kavafeʼmo hao ke heyo.

Samu 111:7

Ayatetiʼmo aliʼa amufa amisayafeʼmo lamage aliʼyaʼmo neʼaliye. Muki keʼaepa gemoʼmo lokiyaʼamo hanesigeno hanege hanege huno hanegaiye. Agaemo lama geʼaletiʼe fatago kavaʼaletiʼeʼmo polomasi gemo huʼniya kavaʼmo alagi hugiye.

Samu 121:1

Nagaemo avelega aulu heʼna agesufiye. Haiyategatiʼmo naha maesiya yaʼmo afole aigiye.

Samu 123:1

Kokuʼnapi maiʼnana Ala vekamogae, huʼna, Nagaemo aliʼna maku huʼna nekagove.

Samu 145:13

Muki afinaʼmo yagaime yagaime ugane. Ala kava neʼmoʼa, ina kavaʼmo huguve, huno huʼniya gemo akame huno ani kavaʼmo nehiye. Muki nehiya kavaʼamo alagepa kavaʼageʼmo haneʼniye.

Samu 146:10

Ala kava neʼmoʼa muki afinaʼae afinaʼaeʼmo kini vekamo maiteno yagaino apategaiye. Lapakaemo Saiyoni vayane, huʼna, Gotitapimoʼmo kini vekatapaimo muki afinaʼae afinaʼaeʼmo maigiye. Ala kava neʼmo agiʼaleʼmo alita asaga hiyo.

Samu 50:14

Gotifekeʼmo hao ke hesaya agufa ofalinimo amiyo. Lapakaemo ani kavaʼmo hugune, hutapa ha paiʼnaya gemo akame hutapa ani agufa ofalinimo hogote vekamo anaga vekamo amiyo.

Samu 66:7

Agaemo alopa lokiyaʼaletiʼmo yagaino neʼapateyanageno muki afinaʼmo alagi yagaino apatege apatege huno yagaino apategaiye. Agaemo muki alu nofi vaya alu nofi vayaʼmogimo nehaya kavaʼmo apakeʼniye. Fiku yanageʼa geʼamo oʼafiʼa he tiʼa kame huʼa ategae.

Samu 7:17

Ala kava neʼmoʼa fatago kavaʼmo huno alino fako nehiyaʼmofeʼmo haoke hegauve. Nagaemo Ala kava neʼmo magoʼe huno anaga Goti agiʼaleʼmo yokemo huʼna aliʼna asaga huʼna ategauve.

Samu 9:2

Kagaetefeʼmo lusi kava huʼna namogaga aiguve. O magoʼe huka anaga Gotigae, huʼna, kagaefeʼmo yokemo huʼna kagikaleʼmo aliʼna asaga huʼna kategauve.

Samu 92:1

O Ala kava nene, huʼna, kagaefeʼmo kahao ke hesuva kavaʼmo alagepa kavaʼmo haneʼniye. O Gotiyo, huʼna, alagi anaga hogote Gotiʼapimogamo maiʼnane. Nagaemo yokemo huna kagikaleʼmo aliʼna asaga huguve.

Aiyeya 2:11

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Neniyo 12:7

Alagepa yaveyave kukena vaino aliteno aniʼmo anagamo maiʼniya vekamoʼmo lole ayatalaʼmo alino asagaulino kokuʼnatega uno nehaino agoʼyamo ataletenoʼaeʼmo muki afinaʼmo neʼmaiya Goti agiʼaletiʼmo alagi lama gemo huʼnaeʼmo mani aeto agufa kavaʼmo afole neʼaiya kavaʼmo loleʼe magoʼe kafugaʼe sigisiʼa kaiʼeʼmo hano hugiye. Apakaemo apaote vayaʼai lokiyaʼapimo alagi hano hisigeʼa ho sisaya afinaʼmo mani kavaʼeʼmo alagi hano hugiye, huno naha paiʼniye.

Neniyo 2:44

Inagi ani teniʼa kini vayaʼmo maisaya afinaʼmo Gotiʼa mago kini vekamo alino afole aino atesigeno muki afinaʼmo yagaino apatege apatege huno maigiye. Mago alu kini vayaʼmo afole aiteʼa Gotiʼa alino afole aino atesiya kini vekamo afaʼa aliʼa afepi oʼategayaʼmonanafa agaekeʼmo alino afepi apateteno muki kini vayaʼmo alino hosu huno apataleteno agaemo muki afinaʼmo alagepa huno yagaino apatege apatege huno maigiye.

Neniyo 4:2

Nagaemo aeno apaka seno alagi anaga Gotiʼa naha maeya aune kavaʼe oʼageʼnaya lokiya kavaʼefeʼmo ava gemo lapa paigesuve. Lapa paisuva kavaʼmo alagepa kava huguve, huʼna nagesamo afiʼnove.

Neniyo 4:26

Enisole vayaʼmogi huʼapaeʼmo, Yosa atufaʼaʼe hafuʼyaʼaʼeʼmo afaʼa ategeno haneno, huʼa huʼnayaʼmofeʼmo halate kini vekamo maiteka yagaika apategane. Gotiʼa muki vayaʼaiteʼmo yagaino neʼapate, huka agetekaeʼmo yagaika apategane.

Neniyo 4:3

Agaemo lokiya himamuʼaletiʼmo lokiya kavaʼmo huʼnigeʼa vayaʼmogi ageteʼapaeʼmo hapau neʼaiye. Yagaino neʼapateyanageno muki afinaʼmo yagaino hano osuno yagaino apateme apateme ugiye. Afole aiʼa maite maite hume visaya vayaʼaiteʼmo alagi yagaino apategaiye.

Neniyo 4:32

Vayaʼmogi apakaetegatiʼmo aliʼa kahafaiʼa katalesageka uka kahaufilaga afuʼeʼmo maigane. Pulumaka anagaʼmogi kahaumo neʼnaya kava huka kahaumo negane. Seveniʼa kafugamo utesigeka agekaeʼmo aeno apaka seno alagi anaga Gotiʼa kini vayaʼaiteʼmo yagaino neʼapate, huka agegane. Agaemo ina laʼmo yagaigiye, huno hisifi afaʼa lekana paino atesigeno yagaigiye.

Neniyo 4:36

Ani afinaʼmo alagepa naipa nagesa afi yaʼmo halate afole aiʼniye. Ani afinaʼmo yagaiʼnova koʼmoʼa konali yaʼamo hanesiyafeʼmo ala nagiʼnimo aliteʼna konali yaʼnimo aliʼnove. Aliʼnogeʼa kanisole vayaʼniʼe ala vayaʼniʼeʼmo eʼa nagaeʼeʼmo halate lokaeʼa maiʼnae. Nagaemo halate kini vekamo maiʼnogeno ala nagiʼnimoʼmo akeyaʼvilaga aliʼnova ala nagiʼnimo ago aeno aga seʼniye.

Neniyo 5:18

O kini vekamogae, huʼna, Aeno apaka seno alagi anaga Gotiʼa lotokamo Nepukanesaʼmo yagaino apatesiya kini vekamo alino hamaleno ateteno kini vayaʼmogi afaʼa neʼaliya lokiyaʼamo amige konali yaʼamo amige ala agiʼamo amige huʼniye.

Neniyo 5:21

Gotiʼa afu anagaʼmogi apaipa apakesagana huno alino hamaleno ateʼnigeʼapaeʼmo vayaʼmogi apakaepatiʼmo aliʼa hafaiʼa ataleʼnageno uno afela noki anagaʼeʼmo magokepi lokaeno maiʼniye. Pulumakamogi nehaya kava huno kahaumo neno maiʼniye. Kokuʼnapatiʼmo lao yaʼmo emineno agufamo alino lanitani huʼniye. Ani kavaʼmo huno maime maime neʼunoʼaeʼmo ageʼniyana aeno apaka seno alagi anaga Gotiʼa kini vayaʼaiteʼmo yagaino neʼapate, huno ageʼniye. Agaiʼageʼmo kini vayaʼmo lekana paino apateteno yagaiʼa apatesayafeʼmo alino neʼapate, huno agetenoʼaeʼmo halate he tino kini vekamo hamaleʼniye.

Neniyo 6:26

Hemenimo mago keʼaepa gemo hu malovanagi muki yagaiʼna neʼapatova vayaʼmogimo Neniyo Gotiʼamofeʼmo koli huteʼa atete huʼa aiyafi maiyo. Agaemo afaʼa neʼmaiya Gotiʼa muki afinaʼmo maige maige huno maigiye. Muki afinaʼae afinaʼaeʼmo kini vekamo maiʼniyanageno neʼyagaiya lokiyaʼamo alagi hano osugiye. Agaemo yagaino apateme apateme neʼvisigenoʼaeʼmo atupa afinaʼmo afole aigiye.

Neniyo 7:14

Ani akeyaʼvilagamo neʼmaiya vekamoʼmo ani vekamo alino kini vekamo ateteno ha le konali yaʼe yagaino apatesiya himamuʼeʼmo amiʼniye. Muki vayanagi muki nofi vayaʼenagi muki alu apakemo alu apakemo neʼaiya vayanagi huʼa aiyafi maisageno yagaino apatesiyafeʼmo alino ateʼniye. Agaemo muki afinaʼmo yagaino apateno alagi yagaino apateno hano osugiye. Yagaino apatesiya kavaʼmo afaʼa aliʼa oʼatalegae.

Neniyo 7:27

Inagi aeno apaka seno alagi anaga Gotiʼa muki kini vayaʼmogi yagaiʼa neʼapataya kavanagi lokiyaʼapigi ala apakiʼapigi huno vayaʼamo apamigiye. Agaemo muki afinaʼmo yagaino apatesigeʼa muki kotega vayaʼmogi aiyafiʼmo maiteʼa geʼamo akame hugae, huno naha paiʼniye.

Neniyo 9:14

Akame osuʼnonaʼmofeʼmo ani kana yaʼmo alo huka maiʼneka lamiʼnane. Ala kava neʼmo Gotitimogamo muki huʼnana kavaʼmo fatago kavaʼageʼmo huʼnanaʼmonanafa lagaemo gekamo akame osuʼnone.

Yona 1:14

Apakaemo Ala kava nefeʼmo huʼapaeʼmo, Ala kava nene, huʼa, Mani vekamo asagauta anipiʼmo yaga auta atalegaunaʼmofeʼmo ani kavaʼmo anonaʼatimo alagi olategeta afaʼa maino. Vayaʼmo neʼapamagiya vayaʼmo agoti huka neʼapatana kava huka agoti huka olato. Ala kava nene, huʼa, Kagaemo ani kavaʼmo alika lave liʼnane, huʼa ha paiteʼa

Maika 4:7

Nagaemo logufa vayaʼmo apaiyamo hosuʼniya vayaʼmo aliʼna ha maleʼna apategauve. Apaini huʼa neʼapataya vayaʼmo lokiya nofi vayaʼmo magoke gamani vayaʼmo aliʼna ha maleʼna apategauve. Nagaemo ani kava huʼna Ala kava neʼmoʼnamo Saiyoni aveleʼmo maiʼnaya vayaʼaiteʼmo ani afinaʼmo aepa faiʼna yagaiʼna apateme apateme uʼna muki afinaʼaeʼmo yagaiʼna apategauve.

Luki 1:33

Agaemo Yekopu nofi vayaʼaleʼmo yagaino apateno hano osuno yagaino apateno maigiye, huno ha paiʼniye.

Luki 18:13

Huʼniyaʼmonanafa takesi monimo neʼaliya vekamo afagiʼaleʼmo he tino maiʼneno alino maku huno oʼageʼneno haifiʼyaleʼmo neʼamaginoʼaeʼmo, Gotiyo, huno, alagi hosu vekamo maiʼnovanagi kaipamo lanitani huka nateteka kahau huka nato, huno nunumuʼmo huʼniye.

Yoni 5:26

Muki yaʼmo Afoʼamoʼmo agaiʼamo afaʼa maisiya yaʼmo aepa vekamo maiʼniya kava huno Mafaʼneʼamoʼa agaiʼamo afaʼa maisiya yaʼmo aepa vekamo maisiyafeʼmo lekana paino ateʼniye.

1 Timoti 1:17

Ala kini vekamo ofalino maige maige huno neʼmaiya vekamo noʼagona vekamo agaiʼageʼmo ageteno afiʼniya vekamo ala agiʼaʼe ha le konali yaʼaʼeʼmo muki afinaʼmo hanege hanege huno haneno. He, lama ge.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

Leveleseni 10:6

apagoʼyamo ataleʼa ge nehaya kavakana huno Goti agiʼaletiʼmo ge huʼniye. Agaemo maige maige huno maiʼneno kokuʼnaʼe muki kokuʼnateʼmo haneʼniya yaʼenagi ma mopaʼe muki ma mopafiʼmo haneʼniya yaʼenagi solovala aniʼe muki solovala anipiʼmo maiʼnaya yaʼeʼmogi huno alo huʼniya vekamo agiʼaletiʼmo lokiya gemo hunoʼaeʼmo, afinaʼapimo ago hano hugiye, huno huʼniye.

Leveleseni 11:15

Napa seveni enisole vekamoʼmo pikuli huʼnigeʼapaeʼmo kokuʼnapatiʼmo alopa gefatiʼmo ge huʼapaeʼmo, Hemenimo ma mopafi vayaʼaiteʼmo yagaiʼa neʼapataya vayaʼai apaimuʼyaleʼmo Ala kava netiʼe lekana paino ateʼniya vekamo Kalaisi vekaʼeʼmo maigaʼae. Agaemo yagaino apateno hano osuno yagaino apateme apateme ugiye, huʼa huʼnageʼapaeʼmo

Leveleseni 4:10

Mono nehageʼapaeʼmo tuveti foʼa vayatama vayaʼmogimo maige maige huno neʼmaiya vekamo yagaino neʼapateya siyateʼmo maiʼniya vekalefeʼmo asagau aiʼneʼapaeʼmo mono nehae. Apakaemo kamemo huʼa aeʼa apakaseteʼa aliʼnaya kakolitamo asagiʼa yagaino neʼapateya vekamo siya aulagamo yaga auʼnae.

Leveleseni 4:9

Loleʼe loleʼe vayaʼmogimo maige maige huno neʼmaiya vekamoʼmo yagaino neʼapateya siyateʼmo fai maiʼniya vekaeʼmo mono huteʼa ala agiʼamo amige agiʼaleʼmo aliʼa asaga huʼa atege hao ke hege huʼa mono nehae.