Neniyo 4:30 - The Keyagana NT and 25 OT books

³⁰ Mani Mamiloni taonimo alo huʼnova taonimo vayaʼmogi ageʼa amuse nehaya taonimo ohaneʼnifiye. Nagaiʼni ala nagiʼnilefeʼmo himamuʼniletiʼmo alo hutove, huno huʼniye.

Neniyo 4:30 ပူးပေါင်းရင်းမြစ်များ

Aepa Gemae 10:10

Nimalotiʼa kini vekamo maiteno aepa faino Sina kotegamo Mameli taonifi maiʼnaya vayaʼaitenagi Eleki taonifi maiʼnaya vayaʼaitenagi Akati taonifi maiʼnaya vayaʼaitenagi Kalana taonifi maiʼnaya vayaʼaitenagi huno yagaino apateʼniye.

Esata 1:4

Ani neʼyaʼmo magoʼe huno apamime apamime uʼnigeʼa sigisiʼa kaimo neʼa maiʼnagenoʼaeʼmo ani kini vekamoʼa muki noʼafi konali yaʼamogi kagemi yaʼamogi muki alu ya alu yaʼamogi huno alino apave liʼniye. Ani yaʼmo ageʼnayana alagepa yaʼmo haneʼnigeno mago hogote yaʼmo haneʼnigeʼa ageʼnae.

Samu 104:1

Nagupi mafaʼneo, huʼna, Ala kava neʼmo alika auleka ato. O Ala kava neʼmo Gotiʼnimogae, huʼna, Kagaemo alagi hogote Gotigamo maiʼnane. Kagaemo kini vekamo hale konali yakamo alige ala kagikamo alige huka maiʼnane.

Samu 49:20

Ala apakimo aliteʼa alagepa huʼa ageteʼa oʼafiʼnisaya vayaʼmo faliʼnaya agufa afugana huʼa maiʼnae.

Samu 73:8

Huʼa faipa huʼa apatege apaini huʼa apatege nehae. Himuʼnamu gemo huteʼapaeʼmo alita afepi lapategaune, huʼa nehae.

Mai'naya kavane 11:2

Vayaʼmogimo apakiʼapileʼmo aliʼa asaga huʼa atesayana apavagage hugiyaʼmonanafa apakiʼapileʼmo aliʼa afepi neʼataya vayaʼmogimo afiteʼa neʼagae.

Mai'naya kavane 16:18

Apakiʼapileʼmo aliʼa asaga huʼa neʼataya kavaʼapimo akamelegaʼamo haneʼniyana alino apagoʼya lagauno apatalesiya kavaʼmo afole aigiye. Apakufamo avaleliʼa nehaiya kavaʼmo akamelegaʼamo haneʼniyana asagauʼa aisaya kavaʼmo afole aigiye.

Mai'naya kavane 29:23

Mago vekamoʼmo agaiʼaeʼmo amogaga neʼaisiyana agiʼaleʼmo aliʼa afepi ategayaʼmonanafa ina agufa vekamo maiʼnove, huno agesamo neʼafiya vekamo ala agiʼamo hano osuno afaʼa hanegaiye.

Neniyo 4:31

Ani gemo nehigenoʼaeʼmo mago vekamoʼmo kokuʼnapati ha painoʼaeʼmo, Kini vekamo Nepukanesao, huʼna, kagaefeʼmo ge nehuve. Yagaika neʼapatana himamukamo kayapatiʼmo aliʼna kahafaleʼna ataleʼnove.

Hamakaki 1:11

Ati vayaʼamogimo kamemo huʼa aeʼa apaka seʼnagenoʼaeʼmo kini vekamoʼmo magoʼe huno hosu kavafeʼmo agesamo afiteno magoʼe huno hosu kavaʼmo nehiye. Agaemo aigofe gotiʼamo himamuʼaletiʼmo aeʼna apaka seʼnove, huno agesamo neʼafiye, huno ha paiʼniye.

Luki 14:11

Muki vayaʼmogimo apakaiʼapi apakiʼapileʼmo aliʼa asaga nehisayaʼmoʼmo Gotiʼa apakiʼapileʼmo alino afepi apategaiye. Mago vayaʼmogimo apakaiʼapi apakiʼapileʼmo aliʼa afepi neʼatesayaʼmoʼmo Gotiʼa apakiʼapileʼmo alino asaga huno apategaiye, huno hapa paiʼniye.

Luki 14:9

lanakaefeʼmo ge huʼniya vekamoʼmo eno kaha painoʼaeʼmo, he tika ugenoʼao ani vekamo maino, huno hisigekaeʼmo lusi kava huno kavagage hisigeka uka lamika henaga siyateʼmo fai maigane.

1 Kolitiyani 10:31

Inagi lapakaemo muki kavaʼmo hisaya afinaʼmo neʼyaʼmo nege aniʼmo nege nehutapaeʼmo Goti agiʼalekeʼmo alita asaga hisayafekeʼmo muki kavaʼmo hiyo.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.

Leveleseni 14:8

Huteno uʼnigenoʼaeʼmo mago napa tu enisole vekamo akame huno eno, Alopa taonimo Mamiloni kotegamo atamo leno sagalino hano huʼniye, he, leno sagalino hano huʼniye. Ani taonimoʼa kumai kavaʼamoʼmo lokiya aniʼmo nofi alagafati anikana huno haneʼnigeno muki vayaʼmo apamitenoʼaeʼmo neyo, huno huʼniye, huno huʼniye.

Leveleseni 16:19

Lusi imimaʼmo aliteno alopa taonifi mopamo alino aino akaka vaeʼnigeno alino fako huno loleʼe magoʼe atupamo hamaleʼniye. Muki alu kotega alu kotegamo haneʼniya taonimo asagauno aiʼniye. Gotiʼa alopa taonimo Mamiloni taonieʼmo age okanino agesamo afiteno nofi alagafati aniʼmo kapufiʼmo havai teʼniya aniʼmo alino amiʼniya kava huno aipamo leno apateteno lusi kayoʼmo apamiʼniye.

Leveleseni 17:5

Hanileʼmo haneʼniya agimo aepaʼamo fala ki agiʼamo avoʼmo kae maleʼniya agimo Alopa Mamiloniʼae. Kumai aʼne anagaʼmogi itaʼapimoʼmo maiʼniye. Huʼa faipa huʼa neʼataya vayaʼai itaʼapimoʼmo maiʼniye, huno huʼniye.

Leveleseni 18:10

Agafu kisigeʼapaeʼmo lusi kava huʼa apamoʼya aiteʼa afagitega maiʼneʼapaeʼmo, kage kage huteʼa, alopa taonimo Mamiloniyo, huʼa, himamu taoniyo. Aise afinaʼmo magoke aovafiʼmo hosu kavakamo anonakalefeʼmo aliʼnane, huʼa hugae.

Leveleseni 18:21

Hapa paitegeno lokiya enisole vekamoʼmo alopa yafaʼmo monu yafakana agufa yafatetiʼmo vitimo lata nepaiya agufa yafakana huno alino solovala anipiʼmo yaga auno ataletenoʼaeʼmo, ani kava huno ayamukiki huno alopa Mamiloni taonimo alino yaga auno atalesigeʼapaeʼmo halate magoʼe huʼa oʼagegae.