Neniyo 4:24 - The Keyagana NT and 25 OT books

²⁴ O kini vekae, huno, alagamuna gekamo aepaʼamo haneʼniyana aeno apaka seno alagi anaga Gotiʼa hu maleʼniya gemo ala kini vekaʼnimogaleʼmo afole aiʼniye.

Neniyo 4:24 ပူးပေါင်းရင်းမြစ်များ

Samu 107:40

Agaemo kame vayaʼapileʼmo yagaiʼnaya vayaʼmo alino afepi apateʼnigeʼa kaʼmo ohaneʼniya kaʼme kotegamo afaʼa umenitata nehae.

Samu 148:6

Agaemo muki afinaʼmo hanege hanege huno hanesiyafeʼmo maleʼniye. Gemo ago hu maleʼniyanageno geʼamo alagi hano osugiye.

Samu 2:7

Kini vekamoʼmo hunoʼaeʼmo, Ala kava neʼmoʼa hu maleʼniya gemo aeʼna hakalo huʼna lapa paiguve, huno huʼniye. Agaemo, Hemeni afinaʼmo mafaʼneʼnimo aliʼna kateʼnogeka maiʼnane, huno naha paiʼniye.

Mai'naya kavane 16:6

Ala kava neʼmoʼa hau ayamopafiʼmo nehaiya kavatetiʼe lama geʼaletiʼeʼmo vayaʼai hosu kavaʼapimo alino neʼatale. Ani kava huʼa vayaʼmogi Ala kava nefeʼmo koli nehaya kavatetiʼmo hosu kavaʼapimo neʼatalae.

Mai'naya kavane 20:28

Kini vekamoʼmo hau huno apatege lama gemo huge nehisiyaʼmoʼmo alagepa huno yatala afinaʼmo kini vekamo maigiye. Hau huno apatesiya kavatetiʼmo yagaino apatesiyaʼmoʼmo lokiya vaino maigiye.

Neniyo 4:17

Yagaiʼa neʼapataya enisole vayaʼmogimo ani agufa kavaʼmo afole aisiyafeʼmo ago vege hu maleʼnae. Muki vayaʼmo aeno apaka seno alagi anaga Gotiʼa muki kini vayaʼaiteʼmo yagaino neʼapateya kavaʼamo agesayafeʼmo apaote vayaʼmogimo ago vegemo hu maleʼnae. Gotiʼa ina laʼmo yagaino apatesiya himamuʼmo amiguve, huno hisifi afaʼa amigiye. Agaemo henagamo neʼmaiya vayapatikeʼmo yagaisayafeʼmo lekana paino neʼapate, huno huʼniye.

Neniyo 4:19

Inagi Neniyoʼmo alu agiʼamo Metasasaʼa ani alagamuna gemo afitenoʼaeʼmo hau aiteno aipamo kana huʼniye. Aipamo kana huʼniyaʼmofeʼmo kini vekamoʼmo hunoʼaeʼmo, Metasasao, huno, Afaʼa atenageno ani alagamuna gemo aepaʼamoʼmo kaipa kana yaʼmo alino okamino, huno huʼnigeno Metasasaʼmo geʼaleʼmo aeno atagaina hunoʼaeʼmo, Ala neʼnimogae, huno, mani alagamuna gemo kagaefeʼmo alagi ohapauʼniya vayaʼaiteʼmo afole aisiya agufa kavaʼmae. Alagamuna gemo aepaʼamo kame vayakalegaeʼmo hisiya agufa kavaʼmae.

Neniyo 4:2

Nagaemo aeno apaka seno alagi anaga Gotiʼa naha maeya aune kavaʼe oʼageʼnaya lokiya kavaʼefeʼmo ava gemo lapa paigesuve. Lapa paisuva kavaʼmo alagepa kava huguve, huʼna nagesamo afiʼnove.