Neniyo 4:18 - The Keyagana NT and 25 OT books

¹⁸ Nagaemo kini vekamo Nepukanesaʼnamo alagamuna ageʼnova kavafeʼmo kaha pauve. Inagi Metasasao, huʼna, aepaʼamo alika nave liyo. Yagaiʼna neʼapatova vayapatiʼmo muki afiteʼa ageʼnaya vayaʼmogimo aepaʼamo afaʼa naha opaigayaʼmonanafa kagaemo afaʼa naha paigane. Apaote gotigi apauneʼapameʼmo kagae kaipafiʼmo maiʼnayaʼmofeʼmae, huno ha paiʼniye.

Neniyo 4:18 ပူးပေါင်းရင်းမြစ်များ

Aepa Gemae 40:12

Yosefeʼa hunoʼaeʼmo, alagamunakamo aepaʼamo loleʼe magoʼe akopamo haneʼniya kava huno loleʼe magoʼe felugamae.

Aepa Gemae 41:15

Feloʼa Yosefefeʼmo ha painoʼaeʼmo, Mago alagamuna ageʼnova kavaʼmo aepaʼamo naha paisiya vekamo oʼmaiʼniye. Oʼmaiʼniyaʼmonanafa kagaefeʼmo ani ge huʼnageʼna afiʼnove. Alagamunamo gemo afiteka aepaʼaeʼmo afaʼa hugane, huʼa naha paiʼnae, huno huʼniye.

Aepa Gemae 41:8

Inagi netepiʼmo he tinoʼaeʼmo aipamoʼmo kana huʼnigeno afiteʼa ageʼnaya vayaʼaifeʼmo ge huʼnigeʼa eʼnageno Feloʼa lole alagumunamo ageʼniya kavafeʼmo hapa paiʼniyaʼmonanafa apakaepatiʼmo mago aepaʼamo ha paisiya vekamo oʼmaiʼniye.

Neniyo 1:20

Kini vekamoʼmo apakaefeʼmo asole yafeʼmo ge huno apafi ageʼniyana apakaemo afiteʼa ageʼnaya kavaʼmoʼa Mamiloni apaune vayaʼe afole aisiya kavaʼmo agesayafeʼmo kanefiʼmo ageʼa aiyaka neʼaliya vayaʼeʼmo afiteʼa ageʼnaya kavaʼmo ago aeno apaka seʼniye.

Neniyo 2:38

Agaemo muki nofi vayaʼaitenagi muki afu anagaʼaitenagi nama anagaʼaitenagi huka yagaisanafeʼmo lekana paino kateʼniye. Agaemo alino kayapiʼmo alino apateʼnigeka mukiʼamogiteʼmo yagaika neʼapatane. Goliletiʼmo alo huʼnaya agenopamo kagaemae.

Neniyo 2:7

Apakaemo halate geʼaleʼmo aeʼa atagaina huʼa huʼapaeʼmo, kini vekamo aliʼyaʼamo neʼaluna vayaʼamogitaeʼmo alagamuna gemo laha paisigeta aepaʼamo ha paigune, huʼa ha paiʼnae.

Neniyo 5:15

Afiteʼa ageʼnaya vayaʼmo kanefi ageʼa aiyaka neʼaliya vayaʼmogi avoʼmo kaeʼniya gemo lekana paiteʼa aepaʼamo naha paisayafeʼmo apavaleliʼa eʼnayaʼmonanafa afaʼa naha opaiʼnae.

Neniyo 5:8

Inagi kini vekamo muki afiteʼa ageʼnaya vayaʼamo ani nopiʼmo uʼa haiʼa maiʼnayaʼmonanafa avoʼmo kaeʼniya gemo lekana paige aepaʼamo afiteʼa kini vekaeʼmo ha paige osuʼnae.