Neniyo 3:27 - The Keyagana NT and 25 OT books

²⁷ Neʼyagaiya vayanagi hogote vayanagi napa tu vayanagi kini vekamo kanisole vayaʼagi huʼa apakesayafeʼmo eʼa aliʼa anupa huʼa maiʼnae. Apakaemo apakeʼnayana ata apaleʼniya apakufamo mago ohaneʼnigeno apakufaleʼmo atamo avamusaʼmo ohaneʼniye. Atamoʼmo apakenopa apayokaʼmo apaleno hapafo osuge kukenaʼapimo olege halina atumo apakufaleti oʼaige huʼniye.

Neniyo 3:27 ပူးပေါင်းရင်းမြစ်များ

Aiyeya 26:11

Ala kava nene, huʼna, koli hisayafeʼmo kayaʼmo alika asagauʼnanaʼmonanafa apakaemo oʼagegae. Oʼagegayaʼmonanafa vayakamo hapa maesanafeʼmo kahaʼye nehiya kavaʼmo ageteʼa apavagage hugiye. Kagaemo vayakaeʼmo lusi kava huno kahauʼnigeka hapa neʼmane, huʼa ageteʼa apavagage hugiye. He, kaipamo lesiya kavakamoʼmo kame vayakamo atakana huno apalegaiye.

Aiyeya 43:2

Lapakaemo aniʼmo lakaesaya afinaʼmo lapakaeʼeʼmo magokepi lokaeʼna maiguve. Alopa aniʼmo lakaesayaʼmoʼmo aeno lapati okaegaiye. Lapakaemo atafatiʼmo faitapa kasalo paesaya afinaʼmo leno lapasaga olisigeno ata vaiʼmoʼa lapaleno lapafo osugiye.

Neniyo 3:21

Apakaemo loleʼe magoʼe vayaʼmo kukena yaʼapiʼeʼmo nofi kiʼa apateteʼa alopa atafiʼmo apasagauʼa yaga auʼnae.

Neniyo 6:23

Kini vekamo lusi kava huno amogaga aiteno vayaʼaifeʼmo ge huʼnigeʼa laiyonimogi kelifatiʼmo avayu huliʼa hai eʼnae. Neniyoʼa Gotiʼamofeʼmo agesamo afino fatago huʼniyaʼmofeʼmo ageʼnayana mago agufa hanageke yaʼmo alagi oʼaliʼniye.

Neniyo 6:7

Lagaemo hogote vekalanagi yagaiʼnaya vayanagi kanisole vayanagi napa tu vayanagi huta mukiʼamogitamo kavayafatiʼmo mago lokiya keʼaepa gemo hu malesunafeʼmo vege huʼnone. Tetiʼa afinaʼmo muki vayaʼmogimo mago gotigifeʼmo nunumuʼmo osuge mago vayaʼaifeʼmo ge huʼa apafi okege hugae. Alagi haʼao, mago yaʼmo alisayafeʼmo huʼapaeʼmo kagaefekeʼmo ge huʼa kafi gegae. Ina lagimo ani gemo amagiʼa atalesafi laiyoni anagaʼmogi kelifiʼmo apasagauʼa yaga auʼa apatalesageʼa uʼa lamigae.

Matiyu 10:30

Ani kava huno muki lapayokaʼmo magoke magoke huno lekana paino neʼage.

Apa 26:26

Ala kini vekamoʼmo ani kavafeʼmo ava gemo ago afiʼniyaʼmofeʼmo koli osuʼna aeʼna hakalo huʼna ha nepauve. Ago afole yategamo afole aiʼniyaʼmofeʼmo ago afiʼnovana ani kavafeʼmo ava gemo ago afiʼniye.

Apa 27:34

Maiʼnayaʼmofeʼmo lokiya gemo huʼna lapa nepauve. Afaʼa maisayafeʼmo neʼyaʼmo neyo. Magoke lapayokaʼmo aino faino lageso osisiyana alagi afaʼa maigae, huno hapa paiteno

Himulu 11:34

Alopa atamoʼa leno pasagalisiya agufa atamo ago aeʼa yu heʼnae. Vayaʼmogi naipeletiʼmo apaiʼa kiʼa apatesayafeʼmo apaiʼnayana apaiʼa hatagauʼnae. Lokiya oʼvaiʼnaya vayaʼmogi lokiya vayaʼmo hamaleʼnae. Koli osuʼa lokiya vaiʼa kamemo huteʼa alu nofi ati vayaʼmo hapa faiʼa hapaetalageʼa uʼnae.