Neniyo 2:45 - The Keyagana NT and 25 OT books

⁴⁵ Kagaemo ageʼnanana yafaʼmo ma mopafi oʼmaiʼniya vekamoʼmo yafa avefatiʼmo amagino anaku paetalegeno asagauno aino emineno ani auneʼamo aeniletinagi haesa aeniletinagi kalipa mopaletinagi siluva yafatetinagi goli yafatetinagi huno alo huʼniya yaʼmo amagino aino atagino aise aise huʼnigeka ageʼnane. Ala kava neʼmo Gotiʼa ageʼnana kavaʼmo henagaʼmo afole aisiya kavaʼmo alino kave liʼniye. Kaha pauva kavaʼmo alagi afole aigiye. Alagamunakamo aepaʼaeʼmo alagi lama gemo huʼna kaha pauve.

Neniyo 2:45 ပူးပေါင်းရင်းမြစ်များ

Aepa Gemae 41:26

Seveniʼa apafayaʼe pulumaka anagaʼmo maiʼnaya kava huno seveniʼa kafugae. Ani kava huno seveniʼa alagepa viti avoyamo haneʼniya kava huno seveniʼa kafugamae. Ani lole alagamunalaʼmoʼmo magoke agufa aepaʼamo haneʼniye.

Aepa Gemae 41:28

Kaha paiʼnova agufa kava huno Gotiʼa hisiya kavafeʼmo alino kave liʼniye.

Aepa Gemae 41:32

Gotiʼa alagi afole aigiye, huno agesamo afiʼniyaʼmofeʼmo Gotiʼa lole kanaleʼmo magoke agufa aepaʼamo haneʼniya alagamunalaʼmo alino kave liʼniye. Aise afinaʼmo utesigeno Gotiʼa ani kavaʼmo alino afole aino ategaiye.

Samu 135:5

Nagaemo ago ageʼnovana Ala kava neʼmo ala Gotiʼa maiʼniye, huʼna ageʼnove. Ala kava netimoʼa muki gotigiʼmo aeno apaka seʼniye.

Samu 145:3

Ala kava neʼmo ala vekamo maiʼniyaʼmofeʼmo agiʼaleʼmo aliʼa asaga huʼa atesaya vekamo maiʼniye. Ala agiʼamo haneʼniyaʼmofeʼmo ageta aeto osugune.

Samu 2:9

Kalipa mopaletiʼmo alo nehaya samomo kayotetiʼmo amagiʼnageno aino atagino aise aise nehiya kava huka aeni kayotetiʼmo apamagigane, huno naha paiʼniye.

Samu 48:1

Ala kava neʼmoʼa ala agiʼamo aliʼniye. Lagaemo alino aote maleʼniya aveleʼmo eta haiteta Gotitimo taoniʼafiʼmo uta haita agiʼaleʼmo alita asaga huta ategetao.

Samu 96:4

Ala kava neʼmo maiʼniyaʼmofeʼmo magoʼe hutapa agiʼaleʼmo alita asaga hiyo. Aigofe gotiʼapimogimo alagi aeno apakaseʼniyaʼmofeʼmo agaefekeʼmo magoʼe hutapa koli huʼnetapa mono hiyo.

Neniyo 2:24

Inagi Neniyoʼmo Aliyokitegamo uʼniye. Kini vekamoʼmo Aliyokifeʼmo afiteʼa ageʼnaya Mamiloni vayaʼmo kamitimo apamagiyo, huno lekana paino ateʼniya vekalegamo uno ha painoʼaeʼmo, Kagaemo afiteʼa ageʼnaya vayaʼmo kamitimo oʼapamagiyo. Navalelika kini vekalegamo ugeʼna alagamuna gemo aepaʼamo ha paiguve, huno huʼniye.

Neniyo 2:28

Afaʼa kaha opaigayaʼmonanafa kokuʼnapi maiʼniya Gotiʼa fala kiʼniya kavaʼmo afaʼa alino apave neliye. Agaemo kini vekamo Nepukanesaʼa atupa afinaʼmo afole aisiya kavaʼmo alino ave liʼniye. Kagaemo hipakaleʼmo havaeʼnekaeʼmo ageʼnana alagamuna gemo aepaʼamo haneʼniyana

Neniyo 2:29

O kini vekae, huʼna, Kagaemo kau kaleʼnanagenoʼaeʼmo Gotiʼa henagaʼamo afole aisiya kavaʼmo alagamuna kategatiʼmo alino kave liʼniye. Ani Gotiʼa agaemo fala kino haneʼniya yaʼmo alino afole neʼaiya Gotiʼmogeno afole aisiya kavaʼmo alino kave liʼniye.

Neniyo 2:44

Inagi ani teniʼa kini vayaʼmo maisaya afinaʼmo Gotiʼa mago kini vekamo alino afole aino atesigeno muki afinaʼmo yagaino apatege apatege huno maigiye. Mago alu kini vayaʼmo afole aiteʼa Gotiʼa alino afole aino atesiya kini vekamo afaʼa aliʼa afepi oʼategayaʼmonanafa agaekeʼmo alino afepi apateteno muki kini vayaʼmo alino hosu huno apataleteno agaemo muki afinaʼmo alagepa huno yagaino apatege apatege huno maigiye.

Neniyo 8:25

Agaemo aigofe gemo hapa paiteno humi apategaiye. Nagaemo aeʼna apaka seʼna hogote vekamo maiʼnove, huno aipafiʼmo agesamo afigiye. Asole vayaʼmogimo, afaʼa maigune, huʼa apakesamo neʼafisagenoʼaeʼmo agaemo alagepa huʼa maiʼnisaya vayaʼmo alino hano huno apatalegaiye. Agaemo koli osuno yagaiʼnaya kini vayaʼaiteʼmo yagaiʼniya kini vekalegaʼeʼmo kame huno ategaiyaʼmonanafa aeno aga osegaiye. Ma mopafi vayaʼmogi kamitimo oʼamagisiyaʼmonanafa faligiye.

Hagai 2:22

Nagaemo yagaiʼa neʼapataya gamani vayaʼmo hapa faiʼna apatalege alu nofi vaya alu nofi vayaʼmogi lokiyaʼapimo aliʼna hano huʼna atalege hosimoʼmo halaulino neʼvigeʼapaeʼmo kamemo nehaya talalaʼapimo aliʼna hosu huʼna atalege talalafiʼmo maiʼnaya ati vayaʼeʼmo kamemo huge kamemo nehaya hosileʼmo kamemo hisayafeʼmo haiʼa fai maiʼnaya vayaʼmo apamagisugeʼa asagauʼa aige nehisageʼapaeʼmo ani kavaʼmo huʼa apakaiʼapi konagaʼapimogimo naipeletiʼmo apaigae.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.

Matiyu 21:24

Yesuʼa geʼapileʼmo aeno atagaina huno hapa painoʼaeʼmo, mago kavafeʼmo ge huʼna lapafi gegauve. Aeta atagaina hutapa naha paisageʼnaeʼmo haiya agufa alagena yaʼnimo yagaiʼnova yaʼmo aliʼneʼna mani kavaʼmo nehufi huʼna lapa paiguve. Yoniʼa aniʼmo faleno apatesiyafeʼmo haiyatetiʼmo alagena yaʼmo aliʼniye.

Matiyu 24:35

Kokuʼnaʼe mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.

Luki 17:20

Mago Falasi vayaʼmogimo Yesufeʼmo huʼapaeʼmo, hainu afinaʼmo Gotiʼa yagaino apatesiya kavaʼmo afole aigiye, huʼa ge huʼa afi geʼnagenoʼaeʼmo, Gotiʼa yagaino apatesiya kavaʼmo afole aisiyaʼmoʼmo muki vayaʼmogimo apaulagafatiʼmo oʼagegae.

Leveleseni 1:19

Kagaemo ageʼnana kavafenagi hemenimo haneʼniya kavafenagi henagaʼamo afole aisiya kavafeʼmogi huka avoʼmo kao.

Leveleseni 19:17

Ageʼnovana mago enisole vekamo yegemo neleya yaʼaleʼmo he tino maiʼneno muki nama anagaʼmo kokuʼnaʼmo folagateʼmo halelitata nehaya nama anagaʼaifeʼmo, Gotiʼa asole neʼyaʼmo lapamigiyanagi eyo, huno huʼniye.

Leveleseni 4:1

Ani gemo afiteʼna ageʼnovana kokuʼnapi kitamo naulagaleʼmo yaki maleʼnigeʼna ageʼnove. Hogoteʼna afiʼnovana pikuli huʼnageno age aigekana agufa gefatiʼmo naha painoʼaeʼmo, Manileʼmo haikeno. Henagaʼamo afole aisiya kavaʼmo aliʼna kaveliguve, huno naha paiʼniye.