Neniyo 2:42 - The Keyagana NT and 25 OT books

⁴² Aiya aginagomo aeniʼe kalipa mopaletiʼmo alo huʼniya kava huno vayaʼaiteʼmo yagaino apatesiya kavaʼmoʼa lokiyaʼamo hanege lokiyaʼamo ohanege hugiye.

Neniyo 2:42 ပူးပေါင်းရင်းမြစ်များ

Neniyo 2:41

Kagaemo alagamuna ageʼnana aiyagi aginagogi huʼa kalipa mopaʼe aeniletiʼmo alo huʼniya auneʼmo ageʼnane. Ani kava huʼa kini vekamoʼmo yagaino apatesiya vayaʼmo aliʼa fako hugae. Fako hugayaʼmonanafa lokiya aenigana huno hanesigeʼa yagaino apatesiya vayaʼmo lokiya vaiʼa maigae.

Neniyo 2:43

Ageʼnana aeniʼe kalipa mopaʼeʼmo magokepiʼmo lokaeʼana haneʼnaʼa kava huʼa ani vayaʼmo magokepi lokaeʼa maigayaʼmonanafa aeniʼe kalipa mopaʼeʼmo alagepa huʼana magokepi nohanaʼa kava huʼa alagepa huʼa magokepi lokaeʼa oʼmaigae.

Neniyo 7:24

Ani afumo naya loleʼa lokiyaʼamo haneʼniya kava huʼa ani gamanifatiʼmo naya loleʼa kini vayaʼmo afole aigae. Apakamelegatiʼmo mago kini vekamo afole aigiye. Ani kini vekamoʼmo hogoteʼa afole aiʼnaya kini vayakana huno oʼmaigifa alu kava huno maigiye. Agaemo naya loleʼa kini vayaʼaipatiʼmo loleʼe magoʼe kini vayaʼaina kame huno apateteno aeno apaka segaiye.

Leveleseni 13:1

Uʼna solovala ani agiʼnaleʼmo he tiʼna maiʼneʼna ageʼnovana mago afela afumo solovala anipatiʼmo afole aiʼnigeʼna ageʼnove. Naya loleʼa lokiyaʼamo haneʼnigeno seveniʼa agenopamo haneʼnigeno kakolitaʼamo kini vayaʼmogi neʼmalaya agufa kakolitamo lokiyaʼaleʼmo haneʼniye. Muki agenopaʼaleʼmo Goti agiʼagana agufa agimo Goti agiʼaleʼmo huno faipa huno ateʼniya agiʼamo avoʼmo kae maleʼniye.