Neniyo 2:29 - The Keyagana NT and 25 OT books

²⁹ O kini vekae, huʼna, Kagaemo kau kaleʼnanagenoʼaeʼmo Gotiʼa henagaʼamo afole aisiya kavaʼmo alagamuna kategatiʼmo alino kave liʼniye. Ani Gotiʼa agaemo fala kino haneʼniya yaʼmo alino afole neʼaiya Gotiʼmogeno afole aisiya kavaʼmo alino kave liʼniye.

Neniyo 2:29 ပူးပေါင်းရင်းမြစ်များ

Aepa Gemae 41:25

Yosefeʼa Kini vekamo Felofeʼmo ha painoʼaeʼmo, Ani lole alagamunalaʼmoʼmo magoke agufa aepaʼamo haneʼniye. Gotiʼa hisiya kavafeʼmo alino kave liʼniye.

Neniyo 2:22

Agaemo aeno ati kaeno alagi huʼniya kavaʼmo alino apave neliye. Agaemo hanipi haneʼniya kavaʼmo ha le yaʼmo agaeʼeʼmo lokaeno haneʼnigeno ageʼniye.

Neniyo 2:23

O Gotiyo, huʼna, naginago vayaʼmogi Gotiʼapimogae, huʼna, kahaoke heʼna ala kagikamo nekamuve. Kagaemo afiteʼna ageʼnova kavaʼe himamuʼniʼeʼmo namiʼnane. Lagaemo nunumuʼmo huta ge huta kafi geʼnonageka ago alika nave liʼnane. Kini vekamoʼmo, aepaʼamo naha paiyo, huno huʼnigekaeʼmo alagamuna gemo aepaʼamo ago alika lave liʼnane, huno huʼniye.

Neniyo 2:28

Afaʼa kaha opaigayaʼmonanafa kokuʼnapi maiʼniya Gotiʼa fala kiʼniya kavaʼmo afaʼa alino apave neliye. Agaemo kini vekamo Nepukanesaʼa atupa afinaʼmo afole aisiya kavaʼmo alino ave liʼniye. Kagaemo hipakaleʼmo havaeʼnekaeʼmo ageʼnana alagamuna gemo aepaʼamo haneʼniyana

Neniyo 2:45

Kagaemo ageʼnanana yafaʼmo ma mopafi oʼmaiʼniya vekamoʼmo yafa avefatiʼmo amagino anaku paetalegeno asagauno aino emineno ani auneʼamo aeniletinagi haesa aeniletinagi kalipa mopaletinagi siluva yafatetinagi goli yafatetinagi huno alo huʼniya yaʼmo amagino aino atagino aise aise huʼnigeka ageʼnane. Ala kava neʼmo Gotiʼa ageʼnana kavaʼmo henagaʼmo afole aisiya kavaʼmo alino kave liʼniye. Kaha pauva kavaʼmo alagi afole aigiye. Alagamunakamo aepaʼaeʼmo alagi lama gemo huʼna kaha pauve.

Neniyo 2:47

Neniyofeʼmo ha painoʼaeʼmo, Gotikamoʼmo muki alu gotigimo ago aeno apaka seʼniye. Agaemo muki kini vayaʼaiteʼmo yagaino neʼapate. Kagaemo ani fala kiʼniya gemo naha paiʼnanaʼmofeʼmo nagaemo afiʼnovana Gotikamoʼmo fala kiʼniya gemo alino apave neliye, huno huʼniye.