Neniyo 2:20 - The Keyagana NT and 25 OT books

²⁰ Neniyoʼa hunoʼaeʼmo, Muki afinaʼmo Goti agiʼamo aliʼa auleʼa atege atege huʼa maigae. Afiteno ageʼniya kavaʼamogi lokiya kavaʼamogi huno agaiʼa yaʼmo haneʼniyaʼmofeʼmo aulena agiʼamo hanegaiye.

Neniyo 2:20 ပူးပေါင်းရင်းမြစ်များ

Aepa Gemae 14:20

Gotiʼa aeno apaka seno anaga vekamoʼmo kaha maeʼnigeka kamemo vayakamo kame huka aeka apaka seʼnanaʼmofeʼmo aliʼna auleʼna ateʼnove, huno ha paiʼnigenoʼaeʼmo muki kagemi yaʼamo naya loleʼa agufa yapatiʼmo magoke yaʼmo alino Melekisetekina taesimo amiʼniye.

2 Sitoli 20:21

Inagi agaemo vayaʼaeʼmo, na agufa yane, hutapa lapakesamo neʼafiye, huno ge huno apafi geʼnigeʼapaeʼmo ha paiʼnageno Ala kava nefeʼmo yokemo hisaya vayaʼmogi Ala kava neʼmo aote kavaʼamo ha le konali kavaʼalefeʼmo yokemo hisaya vayaʼmo lekana paino apateʼniye. Inagi apakaemo hogoteʼa uʼapaeʼmo, Muki afinaʼmo hau ayamopafiʼmo hauge hauge huno hauno neʼmaiyaʼmofeʼmo Ala kava neʼmo agiʼaleʼmo alita asaga hiyo, huʼa yokemo hume hume uʼnageʼa ati vayaʼmo apakame huʼa uʼnae.

Samu 113:1

Ala kava neʼmo agiʼaleʼmo alitapa asaga hiyo. O Ala kava neʼmo aliʼyaʼamo neʼaliya vayaʼmogitapae, huʼna, agiʼaleʼmo alitapa asaga hiyo.

Samu 113:2

Vayaʼmogi Ala kava neʼmo agiʼalefeʼmo aliʼa auleʼa ateyo. Hemeniʼe muki afinaʼeʼmo aliʼa auleʼa ateyo.

Samu 115:18

Nosayaʼmonanafa lagaemo afaʼa maiʼnona vayamogitamo hemenigekeʼmo Ala kava neʼmo agiʼaleʼmo alita auleta ateme ateme ugune.

Samu 147:5

Ala kava netimo ala agi vekamo maiʼnigeno lokiya himamuʼamo haneʼniye.

Samu 41:13

Ala kava neʼmo Isaleli vayaʼai Gotiʼapimoʼmo akeyaʼvilagamo maige hemenimo maige muki afinaʼaeʼmo maige huno aulena Gotiʼa maino.

Samu 50:23

Nagaefeʼmo, alagepa kavaʼmo huʼniye, huʼa nehaya vayaʼmogimo ala nagiʼnimo neʼnamiye. Nehaya kavaʼapilefeʼmo apakesa afifi huʼa maiʼnisaya vayaʼmo Gotiʼa apakufamo alino katino neʼapateya kavaʼamo aliʼna apave liguve.

Samu 62:11

Gotiʼa magoke afinaʼmo ge huʼniye. Nagaemo lole afinaʼmo nagesamo afiʼnovana Goti lokiyaʼamo haneʼniye, huʼna ago afiʼnove.

Mai'naya kavane 8:14

Nagaemo geʼniletiʼmo alagepa huʼna aliʼna ho huʼna neʼapatove. Nagaemo afiteʼna ageʼnove. Nagaemo muki geʼamo afiʼnogeno lokiyaʼnimo haneʼniye.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Yuti 1:24

Laha neʼmaeya Gotiʼa agaiʼageʼmo ageteno afiʼniya vekamo agiʼaleʼmo alita asaga huta ategetao. Agaemo alagi asagauta oʼaisayafeʼmo lapatafauno maigiye. Ha le konali vekamo aulagaleʼmo afaʼa lapavalelino esigenoʼaeʼmo vaiʼmo olapamisigetapa lusi kava hutapa lapamogaga aita maigae.

Leveleseni 5:12

Apakaemo alopa gefatiʼmo huʼapaeʼmo, amagiʼnageno faliʼniya aikeli sipisipimoʼa alagi alisiya vekamo maiʼniyaʼmofeʼmo himamuʼamo alige muki alagepa kagemi yaʼamo alige afiteno ageʼniya kavaʼamo alige lokiyaʼamo alige ala agiʼamo alige ha le konali yaʼamo alige muki yaʼamo fikumo alige hisiya vekamo maiʼniye, huʼa huʼnae.