Neniyo 2:11 - The Keyagana NT and 25 OT books

¹¹ Kini vekamoʼmo lusi kava huno lokiya vaiʼniya kavafeʼmo ge huno lafi geʼniye. Muki ma mopafiʼmo vayapatiʼmo magoke vekamoʼmo ani kavafeʼmo kaha opaigayaʼmonanafa ma mopafi oʼmaiya gotigigeʼmo afaʼa kaha paigae, huʼa huʼnageno

Neniyo 2:11 ပူးပေါင်းရင်းမြစ်များ

Aepa Gemae 41:39

Inagi Feloʼa Yosefefeʼmo ha painoʼaeʼmo, Gotiʼa muki ani kavaʼamo alino kave liʼniyaʼmofeʼmo kagaemo afiteka ageʼnana agufa kava huno mago afiteno ageʼniya vekamo alagi oʼmaiʼniye.

Aepa Gemae 41:8

Inagi netepiʼmo he tinoʼaeʼmo aipamoʼmo kana huʼnigeno afiteʼa ageʼnaya vayaʼaifeʼmo ge huʼnigeʼa eʼnageno Feloʼa lole alagumunamo ageʼniya kavafeʼmo hapa paiʼniyaʼmonanafa apakaepatiʼmo mago aepaʼamo ha paisiya vekamo oʼmaiʼniye.

Samu 68:18

O Ala kava nene, huʼna, Kagaemo muga anagamo uka haiʼnane. Kagaemo apatafauka kalavusi huka apateʼnana vayaʼmo apavalelika uka haiʼnane. Gotiʼa ma mopafi vayaʼaina apamisanafeʼmo fikumo kamiʼniye. Gekamo oʼafiʼnaya vayaʼeʼmo alisayafeʼmo kamiʼniye. Gotiʼmo Ala kava neʼmoʼa apakaeʼeʼmo magokepiʼmo lokaeno maisiyafeʼmae.

Hatu maeno apate'niya gemae 29:45

Nagaemo Isaleli vayaʼmogitapa folagapiʼmo maiteʼna Gotitapimoʼnamo maiguve.

Hatu maeno apate'niya gemae 8:19

Apaune vayaʼmogimo Felofeʼmo ha paiʼapaeʼmo, Ani kavaʼmo Goti aya akoyaletiʼmo himamu kavaʼmo afole aiʼniye, huʼa ha paiʼnayaʼmonanafa Feloʼa Ala kava neʼmoʼa hana paiʼniya kavaʼmo huno aipa agesamo aino akani maleʼnigeno magoʼe huno geʼanimo oʼafiʼniye.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Neniyo 4:4

Nagaemo Nepukanesaʼnamo alopa noʼnifiʼmo alagepa huʼna maiʼnogeno muki aliʼyaʼanimoʼmo alagepa huno afole aiʼniye.

Neniyo 5:11

Mago vekamo kagaemo yagaiʼnana koteʼmo apaote gotigi apauneʼapameʼamo aipafi maiʼnaya vekamo maiʼniye. Lotokamoʼmo kini vekamo Nepukanesaʼmo maiʼniya afinaʼmo agaemo ani alagepa huno afiteno ageʼniya vekamo ageʼniyana agaemo ageʼniya kavaʼamoʼmo alagepa huʼnigeʼa gotigi ageʼnaya kavakana huno haneʼniye. Lotokamoʼmo Nepukanesaʼmo ani vekamoʼmo lekana paino ateʼnigeno apaune vayaʼaitenagi kanefiʼmo ageʼa aiyaka neʼaliya vayaʼaitenagi Kalatiya vayaʼaitenagi afole aisiya kavafeʼmo ava gemo nehaya vayaʼaitenagi huno yagaino apateʼniye.

Matiyu 19:26

Yesuʼa aulu hapaeno apaketenoʼaeʼmo, vayaʼmogimo alagi osisaya agufa kavaʼmo Gotiʼa muki ani agufa kavaʼmo afaʼa hugiye, huno hapa paiʼniye.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 14:17

Gotiʼa Aunemeʼamo alagi lama geʼage aepa Aunemeʼamo lapamigiye. Ma mopafi vayaʼmogimo agaemo oʼageʼnayaʼmofeʼmo ageʼa aeto osuʼnayanageʼa afaʼa oʼagegayaʼmonanafa lapakaeʼeʼmo maiʼniyaʼmofeʼmo ago ageʼnae. Agaemo lapakaeʼeʼmo ago maiʼniyanageno lapakaepiʼmo maigiye.

Yoni 14:23

Yesuʼa geʼaleʼmo aeno atagaina huno ha painoʼaeʼmo, nagaefeʼmo hapau apayamopafiʼmo nehapaiya vayaʼmogimo geʼnimo akame hugae. Akame hisageno Afoʼnimoʼa apakaefeʼmo hau ayamopafiʼmo hauʼnisigetaʼa agaeʼe nagaeʼeʼmo apakaemo maiʼnisayategamo emitetaʼa magokepi lokaetaʼa maige maige huta maigune.

2 Kolitiyani 6:16

Haiya kava huʼa alo nehaya aigofe gotiʼapimogi Goti aote ha le mono nopiʼmo hanegae. Alu ya alu yaʼmo haneʼnayaʼmofeʼmo ohanegae. Lagaemo afaʼa neʼmaiya Goti aote ha le mono noʼamo maiʼnonaʼmofeʼmae. Gotiʼa ani kavatefeʼmo hunoʼaeʼmo, Nagaemo apakaepiʼmo maiʼneʼna apakae folagapiʼmo umenitata huguve. Gotiʼapimoʼnamo maisugeʼa vayaʼnimo maigae, huno huʼniye.

Leveleseni 21:3

Yagaino neʼapateya vekamo siyaʼaletiʼmo alopa gefatiʼmo ge hunoʼaeʼmo, Ageyo, huno, Gotiʼa hemenimo ma mopafi vayaʼeʼmo magokepi lokaeno maigiye. Agaemo apakaeʼeʼmo magokepi lokaeno maisigeʼapaeʼmo vayaʼamo maigae. Gotiʼa agaiʼamo apakaeʼeʼmo magokepi lokaeno maiʼneno Gotiʼapimoʼmo maigiye.