Neniyo 12:4 - The Keyagana NT and 25 OT books

⁴ Inagi hemenimo kagaemo Neniyogamo mani gemo haneʼniya mukumo aika akaniyo. Ani mukumo aino akanino haneʼnisigeno atupa afinaʼmo afole aigiye. Asole vayaʼmo nagu nagu huʼa u eʼa hisageʼa magoʼe huʼa afiteʼa agegae, huno naha paiʼniye.

Neniyo 12:4 ပူးပေါင်းရင်းမြစ်များ

Aiyeya 11:9

Vayaʼmogimo naote aveʼnileʼmo muki kotegamo kaveta osuge aliʼa hosu huʼa oʼapatege huteʼa alagepa huʼa maigae. Aniʼmoʼa muki solovala aniteʼmo aino ati nekaeya kava huno Ala kava nefeʼmo ava gemo afiʼnaya gemoʼmo muki haopalegamo hanegaiyaʼmofeʼmo muki vayaʼmogi aliʼa hosu huʼa oʼapatege oʼapamagige huteʼa alagepa kavaʼage huʼa magokepiʼmo lokaeʼa maigae.

Aiyeya 32:3

Ageʼnisaya vayaʼmogi apaulagamo ali osisigeʼa agege afiʼnisaya vayaʼmogi apakesamo aino halo aisigeʼa alagepa huʼa gemo afige hugae.

Neniyo 10:1

Sailasiʼa Pesiya kini vekamo loleʼe magoʼe kafugamo yagaino neʼapategenoʼaeʼmo Gotiʼa mago gemo Neniyoʼmo alu agiʼamo Melatasasafeʼmo ha paiʼniye. Ani gemo alopa kame kavafeʼmo alagi lama gemo afole aisiya kavafeʼmo huʼniye. Neniyoʼmo alagamuna agetenoʼaeʼmo aepaʼamo ageʼniye.

Neniyo 10:14

Atupa afinaʼmo vayakalegamo afole aisiya kavafeʼmo ava gemo kaha paisuvafeʼmo emiʼneʼnove. Alagamuna gemo afole aisiya kavafeʼmo ava gemo haneʼniyaʼmofeʼmae, huno naha paiʼniye.

Neniyo 11:33

Afiteʼa ageʼnaya vayaʼmogimo asole vayaʼaina aliʼa apaya malesageʼa kame vayaʼapimo naipeletiʼmo apaige atafiʼmo kaege kalavusi huʼa apatege kagemiyaʼapimo kumayaʼmo alige hugae.

Neniyo 11:40

Atupa afinaʼmo hogo nehisigenoʼaeʼmo Isipi kini vekamoʼmo eno agaeʼeʼmo kamemo hugiye. Ani kava huno Siliya kini vekamoʼmo lusi yasigana huno kame talalaʼagi hosiʼagi sipiʼagi huno malage huno aliteno agaetegamo eno kamemo hugiye. Ani lole kini vekalaʼmoganimo kamemo haesaʼageno agaemo alopa aniʼmo neheya agufa kava huno asole nofi vayaʼai kotegamo kamemo huno aeno apaka selino ugiye.

Neniyo 12:13

Kagaemo Neniyogamo mailika neʼugenoʼao atupa afinaʼmo afole aino. Kagaemo maika falu huka atupa afinaʼmo he tika Gotiʼa lekana paino kateʼniya yaʼmo aliteka maika haga legane, huno naha paiʼniye.

Neniyo 12:5

Naha paitegeʼnaeʼmo nagaemo Neniyoʼnamo anakeʼnovana mago alu lole vekalaʼmo he tiʼana maiʼnaʼageʼna anakeʼnove. Anakaemo ani haigileʼmo he tiʼana maiʼnaʼae. Mago vekamo magayaga faliga he tino maiʼnigeno mago vekamo mugagayaga faliga he tino maiʼniye.

Neniyo 12:9

Neniyo, huno, hemenimo afaʼa ato. Hemenimo mukumo ago aino akaniʼniyanageno vaka olegaiyaʼmofeʼmo atupa afinaʼmo afole aigiye.

Neniyo 8:17

nahaopaleʼmo eʼnigeʼnaeʼmo koli huteʼna naugosalegatiʼmo mopafi asagauʼna aiʼnove. Gemaliyoʼmo ani ge huno naha paiʼniye. Vemo mafaʼneo, huno, alagamuna gemo atupa afinaʼmo afole aisiya kavafeʼmae.

Neniyo 8:19

Agaemo hunoʼaeʼmo, Afiyo, huno, Gotiʼa Isaleli vayaʼaifeʼmo aipamo leno apatesiya kavaʼmo atupa afinaʼmo afole aisiya kavafeʼmo kaha nepauve. Gotiʼa lekana pai maleʼnisiya afinaʼmo hano hugiye.

Neniyo 8:26

Haniʼilagaʼe neteʼeʼmo afole aisiya kavafeʼmo ageʼnana alagamuna gemo alagi lama gemae. Yatala afinaʼmo utesigenoʼaeʼmo ani kavaʼmo afole aigiyaʼmofeʼmo mani alagamuna gemo hapa opaika afaʼa ato, huno naha paiʼniye.

Matiyu 24:14

Mago vayaʼmogimo muki alu nofi alu nofi vayaʼmogi afisayafeʼmo mani gemo Gotiʼa yagaino neʼapateya kavafeʼmo alagepa faigoko geʼamo aeʼa hakalo huʼa hapa paisageno muki ma mopafiʼmo aino atagu faeno uneno nehisigenoʼaeʼmo hano hisiya afinaʼmo afole aigiye.

Lomu 10:18

Afole neʼaiyaʼmonanafa Goti geʼamo oʼafiʼnafiye, huʼna loka huʼna lapafi nekove. Haʼao, ago afiʼnae. Avoʼmo kae maleʼniya gemoʼa hunoʼaeʼmo, Apake neʼaiya apakemoʼmo ma mopafi muki haopalegamo aino atagu faeno uneno huʼniye. Geʼapimoʼa muki ma mopamo atupalegamo aino atagu faeno uneno huʼniye, huno huʼniye.

Leveleseni 10:4

Age aiʼnigeʼna aepa faiʼna avoʼmo kaegefeʼmo nehugenoʼaeʼmo mago vekamoʼmo kokuʼnapatiʼmo hunoʼaeʼmo, seveniʼa afinaʼmo hakalu hakalu hugekana huno age aiʼniya vekamoʼmo huʼniya gemo avoʼmo okaeka kagesafiʼmo afaʼa haneno, huno naha paiʼniye.

Leveleseni 22:10

Alagi afole aisiya afinaʼmo hogo nehiyaʼmofeʼmo mani gemo mukufiʼmo avoʼmo kae maleʼnana gemo aeka ati okaegeʼa agegae.

Leveleseni 5:1

Ageʼnovana yagaino neʼapateya siyateʼmo fai maiʼniya vekamoʼmo apepaleʼmo aluga alugaʼamo avoʼmo kaeteno alino kafage ki maleʼneno seveniʼa afinaʼmo kameletiʼmo faleteno aino kamaeteno lamaga ayapiʼmo aliʼniye.