Neniyo 12:11 - The Keyagana NT and 25 OT books

¹¹ Apakaemo kame vayaʼapimogimo huʼapaeʼmo, gotitapimoʼmo muki afinaʼae afinaʼaeʼmo ofalini neʼamiya kavaʼmo magoʼe osiyo huʼa huge hosu yaʼmoʼa alino hosu huno neʼateya yaʼmo avenatuʼnaʼmo heno neʼataleya yakana huno haneʼniya yaʼmo aliʼa he tiʼa atege hisaya afinatetiʼmo vani tauseni tu hataleti naetiʼa afinaʼmo uno hano hutesigenoʼaeʼmae.

Neniyo 12:11 ပူးပေါင်းရင်းမြစ်များ

Hatu maeno apate'niya gemae 29:38

Lapakaemo muki afinaʼae afinaʼaeʼmo magoke kafugamo maiʼnisaʼa lole sipisipilaʼmo anavalelitetapa ofalini hiʼyalamuteʼmo anategae.

Neniyo 1:12

Kahaoke hovanagi, huno, lagaetegamo ani kavaʼmo amalageka huka agegane. Naya loleʼa agufa afinaʼmo hoyalega neʼyaʼagenagi anilafanagi huka lamisanageta negaune.

Neniyo 11:31

Ati vayaʼamogimo lokiya yafa kegiʼyafiʼmo haneʼniya mono noʼamo heʼa halagape vaige muki afinaʼae afinaʼaeʼmo Gotiʼa amiʼnaya ofalini kavafeʼmo haʼao osiyo, huʼa huteʼa alino hosu huno atesiya yaʼmo avenatuʼna heno atalegekana nehiya yaʼmo mono nopiʼmo alino he tino ategaiye.

Neniyo 7:25

Agaemo aeno apaka seno alagi anaga Gotitegamo himuʼnamu gemo huge aeno apaka seno alagi anaga Goti apaote vayaʼalegamo aini huno apatege afinaʼe keʼaepa geʼeʼmo aliʼna alu afinaʼe alu keʼaepa geʼeʼmo malegauve, huno agesamo afige hugiye. Gotiʼa apaote vayaʼamo apavaleno ayapiʼmo apatesigeno loleʼe magoʼe kafugagi sigisiʼa kaigi huno yagaino apategaiye.

Neniyo 8:26

Haniʼilagaʼe neteʼeʼmo afole aisiya kavafeʼmo ageʼnana alagamuna gemo alagi lama gemae. Yatala afinaʼmo utesigenoʼaeʼmo ani kavaʼmo afole aigiyaʼmofeʼmo mani alagamuna gemo hapa opaika afaʼa ato, huno naha paiʼniye.

Neniyo 9:27

Mago sotafiʼmo agaemo asole vayaʼeʼmo kotalakemo hu malegaiye. Ani sotamo folagapiʼmo afumo amagiʼa ofalini amige alu ofalini amige nehaya kavaʼmo alino hano huno atalegaiye. Mago ami vayaʼmo alagi hosu faipa vayaʼmo afole aisageno kini vekaʼapimoʼa muki yaʼmo alagi alino hosu huno atalesigeno muki mopamo kaʼme kokana huno haneme haneme neʼvisigenoʼaeʼmo atupa afinaʼmo hosu kavaʼmo ani alino hosu huno atalesiya vekaleʼmo asagauno aigiye.

Matiyu 24:15

Gotitegati gemo alinineno aeno hakalo huno hapa nepaiya vekamo Naniyoʼa alagi hosu faipa yaʼmoʼa alino hosu huno atesiya kavafeʼmo ava gemo huno avoʼmo kae maleʼniye. Lekana nepaiya vayaʼmogitapamo afiyo. Ani faipa yaʼmo aote mono nopiʼmo hanesigeta

Maki 13:14

Lekana nepaiya vayaʼmogitapamo mani gemo aepaʼamo alagepa huta afiyo. Lapakaemo agegayana lusi hosu yaʼmoʼa alino hano huno atalesiya agufa yaʼmo haneʼnisigetapa agegae. Neniyoʼa Gotitegati gemo alinineno aeno hakalo huno hapa nepaiya vekamoʼmo ani yafeʼmo avoʼmo kae maleʼniye. Ani agufa hosu yaʼmo ohaneʼnisiya nopiʼmo haneʼnisigetapa agetetapaeʼmo ataleta lapaune heyo. Yutiya kotega maiʼnisaya vayaʼmogi avelegamo apaune hetaleʼa uʼa haiʼa maiyo.

Leveleseni 11:2

Lekana paiganaʼmonanafa hogote kegiʼyamo malagamo haneʼniya mopaleʼmo kayotetiʼmo lekana opaiyo. Ani mopamo malaga vayaʼmo apamiʼniyanageʼa aote taonifiʼmo foti tuʼa kaileʼmo umenitata huʼa aliʼa hosu huʼa ategae.

Leveleseni 12:6

Ani a kanomo Gotiʼa kaʼme koʼmo mago alo huno ateʼniya kotegamo vani tauseni tu hataleti sigisitiʼa afinaʼmo ha maeno yagaino atesiyafeʼmo kaʼme kotegamo aune heno uʼniye.

Leveleseni 13:5

Afela afumoʼa agaiʼa agiʼaleʼmo alino asaga huno atetenoʼaeʼmo, ala vekamo maiʼnove, huno huteno Goti agiʼaleʼmo huno faipa huno ateʼniyaʼmofeʼmo foti tuʼa kaimo agaemo afaʼa yagaino apatesiyafeʼmo Gotiʼa afaʼa ageno ataleʼniye.