Neniyo 12:1 - The Keyagana NT and 25 OT books

¹ Ma mopafi vayakana agufa vekamoʼmo nagaemo Neniyoʼnaeʼmo magoʼe gemo naha painoʼaeʼmo, Ani afinaʼmo hogote enisole vekamo Maikoʼa lapakaemo Isaleli vayaʼmogitapaleʼmo yagaino nelapateya ala vekamo he tigiye. Ani afinaʼmo alagi alopa kana yaʼmo afole aigiye. Akeyaʼvilaga aepa faiʼniya afinatetiʼmo mago afole oʼaiʼniya agufa kana yaʼmo afole aigiye. Ani afinaʼmo Gotiʼa kagae nofi vayaʼmogi apakiʼapimo mukuʼafiʼmo avoʼmo kae maleʼnisiya vayaʼai apakufamo alino katino apategaiye.

Neniyo 12:1 ပူးပေါင်းရင်းမြစ်များ

Samu 56:8

Na magi afinaʼmo kana yaʼmo aliʼnofi huka lekana nepaine. Naunumo alika ani kekafiʼmo lakiyo. Mukukafiʼmo avoʼmo okaeʼnapiye. He, avoʼmo ago kae maleʼnane.

Samu 69:28

Maige maige huʼa maisaya vayaʼai apakiʼapimo haneʼniya mukufatiʼmo apakiʼapimo aeka kalo paeka atalo. Fatago vayaʼai apakiʼapimo haneʼniya mukufiʼmo apakiʼapimo avoʼmo kaeka oʼmalo.

Aiyeya 4:3

Logufaʼa vayaʼe atupa vayaʼeʼmo Saiyoni taonifiʼe Yulusalemu taonifiʼeʼmo maiʼnaya vayaʼaifeʼmo huʼapaeʼmo, Alagepa apaote vayane, huʼa hugae. Ala kava neʼmoʼa ani afaʼa maiʼnaya vayaʼmogi apakimo mukuʼafiʼmo avoʼmo kae maleʼniye.

Aiyeya 9:7

Yagaino apatesiya vayaʼmo magoʼe huʼa asole vayaʼmo afole aiteʼa magoʼe huʼa alagepa huʼa maigae. Kini vekamo Neviniʼa yagaino apateʼniya kava huno Nevini aimuʼyaleʼmo maiʼnenoʼaeʼmo vayaʼaleʼmo yagaino apateme apateme uno yagaino apateno hano osuno yagaino apategaiye. Agaemo alagepa huno alino fako huno apateteno yagaino apateme apateme uno muki afinaʼaeʼmo yagaino apategaiye. Ala kava neʼmoʼa asole vayaʼaiteʼmo yagaino neʼapateya vekamoʼmo ayamukiki huno ani kavaʼmo alino afole aino ategaiye.

Neniyo 10:13

Nagaemo emiʼnesuvafe huvaʼmonanafa Pesiya kote neʼyagaiya vekamoʼmo tuveti vani afinaʼmo ka akanino nateʼniye. Inagi nagaiʼnigeʼmo Pesiya kote neʼyagaiya vayaʼeʼmo maiʼnovaʼmofeʼmo Maikoʼmo ala vekamo hogoteʼa neʼyagaiya vayapati vekamoʼmo naha maesiyafeʼmo eʼniye.

Neniyo 11:45

Agaemo seli no koʼamo alopa solovala anitalaʼmo folagapi aote konali avefiʼmo alino he tino ategaiyaʼmonanafa faligefeʼmo hisiya afinaʼmo mago vayaʼmogi alagi ha oʼmaesageno faligiye.

Neniyo 7:10

aulagaleʼmo aeno ha lelino uʼniye. Asole tauseniʼa vayaʼmogi aliʼyaʼamo aliʼnageʼapaeʼmo agae aulagaleʼmo asole asole miliyoniʼa vayaʼmo he tiʼa maiʼnae. Agoti gemo afisaya vayaʼmo fai maiʼnageno asole mukumo alino vaga leʼniye.

Neniyo 9:12

Kagaemo alopa kana yaʼmo alisunafeʼmo lapakaetegaʼe yagaiʼa lapateʼnaya vayaʼaitegaʼeʼmo huguve, huka laha paiʼnana kavaʼmo lagaetegamo huʼnane. Kagaemo muki ma mopafi vayaʼaitegamo alika afole aika oʼateʼnana agufa kana yaʼmo Yulusalemu taonifi vayaʼmogitaleʼmo alika afole aika ateʼnane.

Malakai 3:16

Inagi Ala kava nefeʼmo koli nehaya vayaʼmogimo ge huge afige huʼa maiʼnagenoʼaeʼmo Ala kava neʼmoʼa agetafo huno neʼafiye. Ala kava nefeʼmo koli huteʼa agiʼalefeʼmo apakesamo neʼafiya vayaʼaifeʼmo age okanino agesamo afisiyafeʼmo Ala kava neʼmo aulagaleʼmo mukufiʼmo avoʼmo kae maleʼnae.

Matiyu 24:21

Ani afinaʼmo afole aisiya hanageke yaʼmoʼa hogote hanageke yaʼmo ma mopamo alo huʼniya afinatetiʼmo afole aite afole aite huʼniya hanageke yaʼmo aeno aga seno muki afole aisiya hanageke yaʼeʼmo alagi aeno aga seno afole aigiye.

Maki 13:19

Ani afinaʼmo afole aisiya hanageke yaʼmoʼa hogoteno afole aiʼniya hanageke yaʼmo Gotiʼa ma mopamo alo huʼniya afinatetiʼmo afole aime aime eʼniya hanageke yanagi muki afole aisiya hanageke yanagi huno ago aeno aga seno afole aigiye.

Luki 10:20

Himamuʼnimo ago aliʼnayaʼmofeʼmo hosu apaune vayaʼmogi getapimo afiʼnaya kavafekeʼmo lapamogaga oʼaita Gotiʼa kokuʼnapi haneʼniya mukufiʼmo lapakitapimo avoʼmo ago kae maleʼniya kavafekeʼmo ago lapamogaga aiyo, huno hapa paiʼniye.

Lomu 11:15

Gotiʼa Yu vayaʼmo apataleʼniya kavatetiʼmo muki ma mopafi vayaʼmo alino nanu aeno neʼapatesiyaʼmoʼmo agaetegamo esageno alino falu huno apatesiya kavatetiʼmo na agufa kavaʼmo afole aigiye. Vaehae, huʼna, faliʼnayatetiʼmo alino he tino neʼapateya agufa kavaʼmo afole aigiye.

Lomu 11:26

Gotiʼa ani kavaʼmo huno muki Isaleli vayaʼai apakufamo alino katino apategaiye. Ani kavatefeʼmo Goti mukufiʼmo huʼniya gemoʼa hunoʼaeʼmo, Apakufamo alino katino apatesiya vekamo Saiyoni kotegatiʼmo eno muki Yekopu aginago vayaʼai hosu kavaʼapimo alino atalegaiye.

Efasasi 1:21

Kalaisiʼa kokuʼnapiʼmo maiʼnenoʼaeʼmo hemenimo yagaiʼa neʼapataya vayanagi enisole vayanagi himamu vayanagi ala kava vayanagi ala apaki vayanagi huno ago aeno apakaseno hemenimo yagaino neʼapateyanageno henagaʼamo afole aisiya afinaʼeʼmo ani kavakeʼmo huno yagaino apategaiye.

Filipai 4:3

Goti aliʼyaʼamo nagaeʼeʼmo magokepi lokaeka neʼalina veʼnimogae, huʼna, Kagaefeʼmo kahao ke nehovanagi, ani lole atalaʼmo nagaeʼeʼmo alagepa faigoko gelefeʼmo magokepi lokaeʼana aliʼyaʼmo aliʼnaʼa atalaʼmo alagepa huka hana mao. Anakaegi Kilemeniʼagi muki vayaʼmo nagaeʼeʼmo magokepi lokaeta aliʼyaʼmo neʼaluna vayanagi huno apakiʼapimo Gotiʼa maige maige huʼa maisaya vayaʼai apakiʼapimo avoʼmo kae maleʼniya mukufiʼmo avoʼmo kae maleʼniye.

Yuti 1:9

Neʼapatayaʼmonanafa enisole vayaʼaiteʼmo hogote vekamo yagaino neʼapateya vekamo Maikoʼa Sataniʼeʼmo Mosese agufaʼalefeʼmo ge vaiteʼanaeʼmo Maikoʼa Satanifeʼmo koli huʼniyaʼmofeʼmo huno faipa huno ge ohauʼniyaʼmonanafa, Ala kava neʼmoʼa ge kahaugiye, huno ha paiʼniye.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.

Leveleseni 12:7

Utegeʼapaeʼmo kokuʼnapiʼmo kamemo huʼnae. Maikoʼagi yagaino neʼapateya enisole vayaʼagi huʼa nagaloʼyaveʼeʼmo kamemo huʼnae. Kame huteʼapaeʼmo nagaloʼyavemoʼmo yagaino neʼapateya enisole vayaʼamogiʼe apakaeʼeʼmo kamemo huʼnayaʼmonanafa

Leveleseni 13:8

Muki ma mopafi vayaʼmo afaʼa maisaya yaʼmo aliʼnisaya vayaʼai apakiʼapimo avoʼmo kae maleʼniya mukufiʼmo apakiʼapimo avoʼmo okaeʼnisiya vayaʼmogimo afela afulefeʼmo mono hugae. Ani mukumo ma mopamo faino ateʼniya afinaʼmo kamiti amagiʼnaya sipisipi vekamo mukuʼamo haneʼniye.

Leveleseni 17:14

Apakaemo aikeli sipisipiʼeʼmo kamemo hisayana sipisipimoʼmo ago huno aeno apakasegaiye. Agaemo ala kava vayaʼai ala kava vekaʼapimo maiʼneno kini vayaʼaiteʼmo yagaino neʼapateya kini vekamo maiʼniyaʼmofeʼmo huno aeno apakasegaiye. Lekana paino apateʼneno keya aeno ge huʼniyanageʼa oʼataleʼa akame nehaya vayaʼmogimo agaeʼeʼmo magokepi lokaeʼa maigae, huno huʼniye.

Leveleseni 20:12

Uʼna ageʼna apakeʼnovana faliʼnaya vayaʼmo apaki haneʼniya vayanagi apaki ohaneʼniya vayanagi huʼa yagaino neʼapateya vekamo siya aulagamo he tiʼa maiʼnageno muki mukuʼamo alino vaka leteno mago alu mukumo afaʼa maisaya yaʼmo aliʼnaya vayaʼai apakiʼapimo haneʼniya mukumo alino vaka leʼniye. Agaemo faliʼnaya vayaʼmogi huʼnaya kavaʼapimo muki asole mukufiʼmo avoʼmo kae maleʼniya kavaʼapilefeʼmo agoti huno apateʼniye.

Leveleseni 20:15

Mukufiʼmo afaʼa maisaya yaʼmo aliʼnaya vayaʼai apakiʼapimo haneʼniya mukufiʼmo agetenoʼaeʼmo apakiʼapimo avoʼmo okaeʼniya vayaʼmo ata kotupiʼmo alino yaga auno apataleʼniye.

Leveleseni 3:5

Kamemo huʼa aeʼa neʼapakasaya vayaʼmogi yaveyave kukenamo vaisageʼna afaʼa maisaya yaʼmo aliʼnisaya vayaʼai apakiʼapimo Goti mukufiʼmo avoʼmo kae maleʼniyanageʼna aeʼna kalo paeʼna oʼatalegauve. Nagaemo afoʼnimo aulagaleʼe enisole vayaʼai apaulagaleʼeʼmo apakiʼapimo aegauve.

Leveleseni 7:14

Ala vekae, huʼna, oʼapakeʼnove. Kagaemo apakeʼnanagi naha paiyo, huʼna afi geʼnogeno naha painoʼaeʼmo, Kalaisiʼa lusi kava huʼa apaini huʼa lapatesaya afinaʼmo afole aigiye, huno lapa paiʼniya afinaʼmo alopa hanageke yaʼmo ago afole aiʼnigeʼa Goti geʼamo oʼataleʼa eʼa maiʼnae. Yatala kukenaʼapimo aikeli sipisipi vekamo kolaʼaletiʼmo sese huʼnageno yaveyave kukenamo hamaleʼniye.