Neniyo 11:40 - The Keyagana NT and 25 OT books

⁴⁰ Atupa afinaʼmo hogo nehisigenoʼaeʼmo Isipi kini vekamoʼmo eno agaeʼeʼmo kamemo hugiye. Ani kava huno Siliya kini vekamoʼmo lusi yasigana huno kame talalaʼagi hosiʼagi sipiʼagi huno malage huno aliteno agaetegamo eno kamemo hugiye. Ani lole kini vekalaʼmoganimo kamemo haesaʼageno agaemo alopa aniʼmo neheya agufa kava huno asole nofi vayaʼai kotegamo kamemo huno aeno apaka selino ugiye.

Neniyo 11:40 ပူးပေါင်းရင်းမြစ်များ

Aiyeya 5:28

Keveʼapimoʼmo magoʼe huno akoʼya huʼnigeʼa hapaesayafeʼmo alo huʼa yagailiʼa egae. Hosiʼapimogi apaiya apayaʼmo apakinagomoʼmo lokiya yafakana huno hanege kame hisaya talalaʼapimoʼmo lusi kava huno nagu nagu huteno talala aiyaʼamoʼmo alino vego vego nehiya yasigana huno aino vego vego huge huʼniye.

Aiyeya 66:15

Afiyo, huʼna, Ala kava neʼmoʼa atamo aeno alisigeno asole talalaʼamoʼeʼmo lokiya yasimo aligekana huno nagu nagu huno emineno ayamukiki huno aipamo neleya atamoʼmo kame vayaʼamo alagi apaleno hano huno apatalegaiye.

Neniyo 11:10

Henagaʼamo Siliya kotega kini vekamo mafaʼne anagaʼmogimo asole ati vayaʼmo apavaleʼa aliʼa anupa huteʼa uʼa alopa aniʼmo neheya agufa kava huʼa aeʼa apaka segae.

Neniyo 11:11

Inagi Isipi kini vekamoʼmo lusi kava huno aipamo leʼnisigeno kamemo hugiyaʼmofeʼmo Siliya kini vekamoʼmo asole ami vayaʼmo alino anupa huteno kamemo hugiyana Isipi kini vekamoʼmo ago kame huno aeno apaka seteno kalavusi huno apategaiye.

Neniyo 11:13

Halate Siliya Kini vekamoʼmo asole ati vayaʼmo hogoteʼa uʼa kamemo huʼnaya agufa ati vayaʼmo ago aeno agaseno apavaleno alino anupa huno hisigeʼa kamemo hisaya yaʼmo asole yaʼmo aliniʼa uʼa Isipi kini vekaʼeʼmo kamemo hugae.

Neniyo 11:22

Alopa aniʼmoʼa aniʼmo heteno muki yaʼmo hulinino neʼviya agufa kavaʼmo huno kamemo huno asole ami vayaʼmo aeno apaka seno ami vayaʼe kotalakemo hu maleʼniya vayaʼaiteʼmo yagaiʼniya vekaʼeʼmo alagi alino hano huno apatalegaiye.

Neniyo 11:25

Agaemo asole ami vayaʼmo apavaleno alino anupa huteno koli osuno magoʼe huno lokiyaʼamo aliteno Isipi kini vekamo asole lokiya ami vayaʼaʼeʼmo kamemo hugiye. Isipi kini vekamoʼmo ani kavaʼmo huno asole lokiya ami vayaʼmo apavaleno alino anupa huteno kamemo hugiye. Isipi kini vekamo vayaʼmogi haga neʼyaʼageʼmo neʼnaya vayaʼmogimo agaefeʼmo vege hugayaʼmofeʼmo kamemo hugiyana afaʼa aeno apaka osegaiye. Siliya ami vayaʼmogi kamemo huʼa Isipi kini vekamo vayaʼmo aeʼa apaka sesageʼa asole Isipi ami vayaʼmo faligae.

Neniyo 11:35

Alagi alino alagepa huno apatege hosu kavaʼapimo aeno kalo paeno atalege yaveyave vayaʼmo alino hamaleno apatege huteno hapa maesiyafeʼmo mago afiteʼa ageʼnaya vayaʼmo faligae. Hapa maelino neʼvisigenoʼaeʼmo atupa afinaʼmo Gotiʼa lekana pai maleʼniya afinaʼmo afole aigiye.

Neniyo 11:39

Agaemo lokiya yafa kegiʼyamo haneʼniya taonigoʼmo alisiyafeʼmo ani alu nofi vayaʼmogi gotigimo ha maesiyafeʼmo mono huteno ge huno afi gegaiye. Agaemo akame hisaya vayaʼai apakiʼapileʼmo alino asaga huno apateteno asole vayaʼaiteʼmo yagaiʼa apatesaya vayaʼmo alino hamaleno apategaiye. Agaemo akame hisaya vayaʼmogi miyaʼapimo mago mopamo apamigiye.

Neniyo 11:7

Apakaemo ani a kanomo kamitimo amagigayaʼmonanafa mago vekamo ani afamo anaga vayapatiʼmo afole aiteno ami vayaʼeʼmo eno Siliya vayaʼeʼmo kamemo huno aeno apaka segaiye.

Neniyo 12:4

Inagi hemenimo kagaemo Neniyogamo mani gemo haneʼniya mukumo aika akaniyo. Ani mukumo aino akanino haneʼnisigeno atupa afinaʼmo afole aigiye. Asole vayaʼmo nagu nagu huʼa u eʼa hisageʼa magoʼe huʼa afiteʼa agegae, huno naha paiʼniye.

Neniyo 12:9

Neniyo, huno, hemenimo afaʼa ato. Hemenimo mukumo ago aino akaniʼniyanageno vaka olegaiyaʼmofeʼmo atupa afinaʼmo afole aigiye.

Neniyo 8:17

nahaopaleʼmo eʼnigeʼnaeʼmo koli huteʼna naugosalegatiʼmo mopafi asagauʼna aiʼnove. Gemaliyoʼmo ani ge huno naha paiʼniye. Vemo mafaʼneo, huno, alagamuna gemo atupa afinaʼmo afole aisiya kavafeʼmae.

Hamakaki 3:14

Vayaʼmo kesi kateti eʼa aliʼa afepi apateʼnaya vayaʼai neʼyaʼapimo kumaya aliteʼa apamogaga aiʼnaya kava huʼa ani ati vayaʼmogi aliʼa laha faiʼa latalesayafeʼmo eʼa apamogaga aiʼnae. Apamogaga aiʼnayaʼmonanafa apakaeteʼmo yagaino apateʼniya vekamo agaiʼa hayoletiʼmo alika agufafiʼmo aeʼnane.

Leveleseni 16:12

Napa sigisi enisole vekamoʼmo yuvapaʼamo alinino uno alopa aniʼmo uno nelamiya aniʼmo agiʼamo Yufaletisi anipiʼmo aino lakiʼnigeno yegemo haine neʼeya kotegamo yagaiʼa neʼapataya kini vayaʼmo esaya kaʼmo valino apatesiyafeʼmo aniʼmo leno laneʼniye.

Leveleseni 9:16

Hosileʼmo fai maiʼnaya ati vayaʼmo na magi vayaʼmo maiʼnafi huno naha painoʼaeʼmo tu hataleti miliyoniʼamo vayaʼmo maiʼnae, huno naha paiʼniye.