Neniyo 11:36 - The Keyagana NT and 25 OT books

³⁶ Mago kini vekamoʼmo hauʼnisiya kavaʼmo hugiye. Agaemo muki gotigimo aeʼna apaka seʼnove, huteno agaiʼa agiʼaleʼmo alino asagauno ategaiye. Agaemo alagi anaga Gotifeʼmo huno faipa huno ategaiye. Agaemo aliʼyaʼamo alime alime neʼvisigenoʼaeʼmo Gotiʼa aipamo leno apatesiya afinaʼmo hano hugiye. Gotiʼa afole aigiye, huno lekana pai maleʼniya kavaʼmo afole aigiyaʼmofeʼmae.

Neniyo 11:36 ပူးပေါင်းရင်းမြစ်များ

Samu 136:2

O, huʼna, Gotiʼa muki gotigimo Gotiʼapimoʼmo maiʼniye. Agaemo muki afinaʼmo hau huno latege latege huno maigiyaʼmofeʼmo hao ke heyo.

Mai'naya kavane 19:21

Vayaʼmogimo asole kavafeʼmo ani kavaʼmo hugune, huʼa apaipafiʼmo apakesamo neʼafiyaʼmonanafa Ala kava neʼmoʼa ani kavaʼmo afole aigiye, huno ago ageʼniya kavaʼageʼmo afole aigiye.

Aiyeya 26:20

Gotiʼa agaemo hapa painoʼaeʼmo, Vayaʼnimogitapae, huno, Notapifiʼmo uta haiʼnetapa kitamo ki maleyo. Aise afinaʼmo fala kitapa maime maime neʼvigenoʼao aipamo leno neʼapateya kavaʼamo hano hugiye.

Aiyeya 57:9

Lapakaemo alagepa atumo neʼaiya uvelimo alita lapakufaleʼmo faletetapa uta aigofe gotiʼmo Molekitefeʼmo mono nehae. Lapakaemo aigofe mono kavaʼmo hisayafeʼmo apa vayatapimo afagi kotegamo alita apateʼnageʼa uʼnae. Ani kavatefeʼmo lapakaemo ago faliʼnaya vayaʼmo uʼa lamiʼnaya kotegaʼeʼmo uta lamisayafeʼmo lapakufamo alita afepiʼmo ateʼnae.

Neniyo 11:16

Siliya kini vekamoʼmo agaiʼamo hauʼnisiya kavaʼmo nehisigenoʼaeʼmo mago vekamoʼmo afaʼa atafauno oʼategaiye. Agaemo ha le konali mopaleʼmo maiʼnenoʼaeʼmo alino hosu huno atesiya lokiyaʼamo aligiye.

Neniyo 11:3

Inagi mago lokiya kini vekamo afole aiteno lokiya vaino yagaino apatetenoʼaeʼmo muki hauʼnisiya kavaʼmo afaʼa hugiye.

Neniyo 11:37

Ani kini vekamoʼmo aginago vayaʼmogi Gotiʼapimofeʼmo agesamo afige aʼne anagaʼmogi hapaʼye nehiya mafaʼneʼapieʼmo agesamo afige muki gotigifeʼmo agesamo afige osuno mukiʼamo ago aeʼna apaka senove, huno hugiye.

Neniyo 12:7

Alagepa yaveyave kukena vaino aliteno aniʼmo anagamo maiʼniya vekamoʼmo lole ayatalaʼmo alino asagaulino kokuʼnatega uno nehaino agoʼyamo ataletenoʼaeʼmo muki afinaʼmo neʼmaiya Goti agiʼaletiʼmo alagi lama gemo huʼnaeʼmo mani aeto agufa kavaʼmo afole neʼaiya kavaʼmo loleʼe magoʼe kafugaʼe sigisiʼa kaiʼeʼmo hano hugiye. Apakaemo apaote vayaʼai lokiyaʼapimo alagi hano hisigeʼa ho sisaya afinaʼmo mani kavaʼeʼmo alagi hano hugiye, huno naha paiʼniye.

Neniyo 2:47

Neniyofeʼmo ha painoʼaeʼmo, Gotikamoʼmo muki alu gotigimo ago aeno apaka seʼniye. Agaemo muki kini vayaʼaiteʼmo yagaino neʼapate. Kagaemo ani fala kiʼniya gemo naha paiʼnanaʼmofeʼmo nagaemo afiʼnovana Gotikamoʼmo fala kiʼniya gemo alino apave neliye, huno huʼniye.

Neniyo 4:35

Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

Neniyo 5:19

Gotiʼa himamuʼamo amiʼniyaʼmofeʼmo muki kotega vayanagi muki nofi vayanagi muki alu apake alu apake neʼaiya vayanagi huʼa agaefeʼmo lusi kava huʼa koliʼamo huteʼa atete huʼnae. Agaemo mago vekamo kamitimo amagisugeno faligiye, huno hutenoʼaeʼmo ago alagi amagiʼniye. Agaemo mago vekamo afaʼa atesugeno maigiye, huno hutenoʼaeʼmo afaʼa ateʼnigeno maiʼniye. Agaemo mago vekamo agiʼaleʼmo aliʼna asaga huʼna ategauve, huno hutenoʼaeʼmo ani kavaʼmo afaʼa huʼniye. Agaemo mago vekamo aliʼna afepi ategauve, huno hutenoʼaeʼmo ani kavaʼmo afaʼa huʼniye.

Neniyo 5:20

Huʼniyaʼmonanafa lotokamoʼmo agaiʼamo alino asaga huno atege ge oʼafige huʼnigenoʼaeʼmo Gotiʼa alino hafaino ataleteno ayapatiʼmo konali yaʼamo alino ataleʼniye.

Neniyo 7:8

Nagaemo lokiyaʼamo ageteʼnaeʼmo nagesamo neʼafugenoʼaeʼmo mago aise lokiyaʼamo ani folagapatiʼmo afole aiʼniye. Ani saufa lokiyaʼmoʼmo hogoteʼa haneʼnaya lokiyafatiʼmo loleʼe magoʼe lokiyaʼamo aepafatiʼmo aeno akaino atale atale huʼniye. Ani saufa lokiyaʼamoʼa vayaʼmogita laulagagana huno aulagamo haneʼniye. Avayafatiʼmo himuʼnamu gemo huʼniye.

Neniyo 8:19

Agaemo hunoʼaeʼmo, Afiyo, huno, Gotiʼa Isaleli vayaʼaifeʼmo aipamo leno apatesiya kavaʼmo atupa afinaʼmo afole aisiya kavafeʼmo kaha nepauve. Gotiʼa lekana pai maleʼnisiya afinaʼmo hano hugiye.

Neniyo 8:4

Ageʼnovana agenopamo ape huʼneno nagu nagu huno uno muki afu anagaʼmo kame huno apateteno aeno apaka seʼniye. Agaemo nagu nagu huno yegemo uno lamino nefaleya haopalegagi lamaga haopalegagi hoga haopalegagi huno uneno huʼniye. Mago afuʼamogimo ani afumo lokiya ayapatiʼmo apakufamo afaʼa aliʼa katiʼa oʼapategae. Agaiʼamo hauʼniya kavaʼageʼmo huteno alopa agi aliʼniye.

Yoni 5:30

Nagaiʼnimo nagesa afiʼna mago kavaʼmo afaʼa osuguve. Muki yaʼmo Afoʼamokeʼmo naha paiʼnigeʼna aliʼna fako huʼna neʼapatove. Nahauʼniya kavaʼmo akame osuʼna alino nateʼnigeʼna emineʼnova vekamoʼa hauʼniya kavaʼamo akame nehuvaʼmofeʼmo fatago kava huʼna aliʼna fako huʼna neʼapatove.

Yoni 6:38

Ani kavatefeʼmo nagaiʼni nahauʼnisiya kavaʼmo hisuvafeʼmo emiʼnoʼmeʼnofa alino nateʼnigeʼna emiʼneʼnova vekamoʼa hauʼniya kavaʼmo hisuvafeʼmo emiʼneʼnove.

Apa 4:28

Kagesa afiteka himamukaletiʼmo alika afole aika ateʼnana kavaʼmo hisayafeʼmo aliʼa anupa huʼa maiʼnae.

2 Tesaloniyani 2:3

Mago vayaʼmogi alu ge alu geletiʼmo humi lapategayanagi oʼafiyo. Ala kava neʼmo afinaʼmo fikumo afole oʼaigiyaʼmonanafa hogoteʼa muki asole vayaʼmogimo Goti kaʼmo alagi atalesagenoʼaeʼmo hosu vekamo Gotiʼa ata kopiʼmo uno lamigiye, huno huʼniya vekamo afole aitesigenoʼaeʼmo ani afinaʼmo afole aigiye.

2 Tesaloniyani 2:4

Ani vekamoʼmo Gotitimoʼa maiʼniye, huʼa nehaya vayaʼai gotiʼapimogifeʼmo kamemo huno apatege mono nehaya gotiʼapimogifeʼmo kamemo huno apatege huno nehunoʼaeʼmo, aeʼna apakaseʼna hogote vekamo maiʼnove, huno hugiye. Agaemo Goti mono nopiʼmo uno haino maiʼnenoʼaeʼmo, Gotiʼnamo maiʼnove, huno hugiye.

2 Tesaloniyani 2:8

Ani afinaʼmo muki keʼaepa gemo amagino neʼataleya vekamoʼmo muki vayaʼai apaulagaleʼmo afole aisigenoʼaeʼmo Ala kava neʼmo alino alave nehisigeno emineno avamusa aisiya kayotetiʼmo alagi amagigiye.

Yasuva 22:22

Lokiyaʼamo haneʼniya Gotiʼa magokeʼageʼmo Ala kava neʼmoʼa muki gotigiteʼmo yagaino neʼapateya Gotiʼa huʼnona kavaʼmo aepaʼamo ago ageʼniye. Lapakaeʼeʼmo afaʼa agegae. Lagaemo Ala kava neʼmo geʼamo amagita ataleteta kotalake gemo ataleʼnisunaʼmoʼmo lapakaemo laha oʼmaetapa kamitimo lahaegae.

Leveleseni 10:7

Afinaʼamo afaʼa ohaneʼniyaʼmonanafa napa seveni enisole vekamoʼmo pikulimo nehisigenoʼaeʼmo Gotiʼa ani kavaʼmo huguve, huno huteno alino fala ki maleʼniya kavaʼmo afole aigiye. Aliʼyaʼamo neʼaliya vayaʼmogi agaetegati gemo alini eʼa aeʼa hakalo huʼa hapa nepaiya vayaʼaifeʼmo hapa paiʼniya kavaʼmo afole aigiye.

Leveleseni 12:14

A kanomo uno kaʼme kotegamo maisiyafeʼmo alo huno ateʼniya kotegamo halelino visiyafeʼmo lole hakulaʼmo alopa namamo hilomo hakumo amiʼnigeno aliʼniye. Nagaloʼyavemoʼmo ohaesiyafeʼmo loleʼe magoʼe kafugafiʼe atupa kafugafiʼeʼmo yagaino atesigeno alagepa huno maisiya kotegamo halelino visiyafeʼmo hakumo amiʼniye.

Leveleseni 13:1

Uʼna solovala ani agiʼnaleʼmo he tiʼna maiʼneʼna ageʼnovana mago afela afumo solovala anipatiʼmo afole aiʼnigeʼna ageʼnove. Naya loleʼa lokiyaʼamo haneʼnigeno seveniʼa agenopamo haneʼnigeno kakolitaʼamo kini vayaʼmogi neʼmalaya agufa kakolitamo lokiyaʼaleʼmo haneʼniye. Muki agenopaʼaleʼmo Goti agiʼagana agufa agimo Goti agiʼaleʼmo huno faipa huno ateʼniya agiʼamo avoʼmo kae maleʼniye.

Leveleseni 17:17

Na kava hinageʼapaene. Gotiʼa ani kavaʼmo hugae, huno hu maleʼniya kavaʼmo hisayafeʼmo ani agufa apaipamo apamiʼnigeʼa magoke apaipamo aliteʼa yagaisaya himamuʼapimo afela afumo amiteʼa aiyafiʼmo maime maime neʼagenoʼaeʼmo Goti geʼamo afole aiʼniye.

Leveleseni 17:3

Nagaemo Goti Aunemeʼafiʼmo maiʼneʼna naune kavaʼmo huʼna maiʼnogenoʼaeʼmo ani enisole vekamoʼmo kaʼme kotega navalelino uʼniye. Ageʼnovana mago a kanomoʼa haesa afela afuleʼmo fai maiʼniye. Afela afumo agufaleʼmo asole agimo Goti agiʼagana agufa agimo Goti agiʼaleʼmo huno faipa huno ateʼniya agimo haneʼniye. Afela afumoʼmo seveniʼa agenopamo haneʼnigeno naya loleʼa lokiyaʼamo haneʼniye.