Neniyo 11:34 - The Keyagana NT and 25 OT books

³⁴ Kame vayaʼapimogi hapaesaya afinaʼmo aise vayaʼmo hapa maesageʼa asole aigofe vayaʼmo eʼa anifi lokaeʼa maigae.

Neniyo 11:34 ပူးပေါင်းရင်းမြစ်များ

Neniyo 11:21

Ani vekamo falitesigenoʼaeʼmo alagi hosu vekamoʼmo agae aimuʼyaleʼmo maigiye. Siliya vayaʼmogimo agaefeʼmo kini vekamo maiʼniye, huʼa osugayaʼmonanafa kamemo huno aeno apaka oseno apakesamo faiteno agaiʼamo Siliya kotega kini vekamo alino hamaleno ategaiye.

Neniyo 11:32

Agaemo Gotiʼa hu maleʼniya kotalakemo amagiʼa ataleʼnaya vayaʼaifeʼmo aigofe geletiʼmo huno amuse huno apateʼniya geletiʼmo huno alino hosu huno apategaiyaʼmonanafa Gotiʼapimoʼmo ageʼnaya vayaʼmogi lokiyaʼapimo afaʼa haneʼnisigeʼa alagepa kavaʼmo afaʼa hugae.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Lomu 16:18

Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.

Galesiya 2:4

mago vayaʼmo aigofe konagatimogimo agufamo lagausayafeʼmo hapauʼniye. Ani vayaʼmo kesi katetiʼmo lamata huliʼa eʼa alita anupa huta maiʼnona vayapiʼmo eʼa maiʼnae. Kalaisi Yesuʼa hatu maeno lateʼnigeta agaepiʼmo afa vayaʼmo maiʼnonageʼapaeʼmo kalavusi huʼa lateteʼa keʼaepa gemo afeʼalumelagamo aliʼa latesayafeʼmo eʼa lamata huʼa maiʼnayaʼmonanafa

2 Timoti 4:3

Henagaʼamo kaita haugekana huno ohaneʼneno vayaʼmo alino hapageno neʼapateya geeʼmo ohapaugiyaʼmofeʼmo ani agufa gemo alika apaya malo. Apakaiʼapi nehapaiya kavaʼmo akame huteʼa hapauʼniya gemo afisayafeʼmo aliʼa apaya neʼmalaya vayaʼmo apavaleliʼa ete ete hugae.

Taitasi 1:11

Ani agufa vayaʼmogi monimo alisayafeʼmo afaʼa osisaya agufa gemo aliʼa apaya neʼmaleʼapaeʼmo muki afamo anaga vayaʼae vayaʼaeʼmo aliʼa hosu huʼa neʼapatae. Ge osisayafeʼmo apavayaleʼmo huka apatafauka apato.

1 Yoni 4:1

Nahauʼniya vayaʼnimogitapae, huʼna, Asole aigofe vayaʼmogi gemo aeʼa hakalo huʼa hapa nepaiya vayaʼmo muki ma mopafiʼmo umenitata nehae. Umenitata nehayanagi lama gemo nehae, huta oʼafitapa alagepa huta alita fako hutapa afitetapaeʼmo, Gotitegatiʼmo eʼnafi oʼmeʼnafi, hutapa afiyo.

1 Yoni 4:5

Apakaemo ma mopafi vayaʼmo maiʼnayaʼmofeʼmo ma mopafi kavafekeʼmo ava gemo huʼa hapa nepaigeʼapaeʼmo ma mopafi vayaʼmogi neʼafiye.

2 Yoni 1:7

Asole vayaʼmogimo vayaʼaifeʼmo humi neʼapataya vayaʼmo ma mopafiʼmo umenitata nehae. Apakaemo huʼapaeʼmo, Yesu Kalaisiʼa ma mopafi vayaʼmogi agufamo aliteno vayaʼmo hamaleʼniye, huʼa aeʼa hakalo nosae. Ani gemo nosaya vayaʼmo Kalaisi kame vayaʼamo maiʼnae.

Yuti 1:4

Mago vayaʼmogimo Gotifeʼmo alagepa huʼa mono nosaya vayaʼmo kesi katetiʼmo eʼa lagae folagapiʼmo afole aiʼnae. Apakaemo hapaʼye nehigeʼa kumai kavaʼmo hisayafeʼmo Goti geʼamoʼmo fikumo laha maeno nelamiya kavafeʼmo ava gemo aliʼa afe leʼa alu gemo nehae. Magoke vekamo yagaino neʼapateya Ala kava netimo Yesu Kalaisifeʼmo apakameʼyamo amiʼnae. Akeyaʼvilagamo Gotiʼa ani kavatefeʼmo lekana pai maleʼniyana agoti huʼna apateteʼna kayoʼmo apamiguve, huno hu maleʼniye.

Leveleseni 12:13

Nagaloʼyavemo aliʼa hafaiʼa ma mopafiʼmo ataleʼnagenoʼaeʼmo ago aliʼa nahafaiʼa nataleʼnae, huno agetenoʼaeʼmo mafaʼnemo alino ateʼniya a kanomo uno vegala aeʼniye.

Leveleseni 2:20

Maiʼnayaʼmonanafa mago gemo aliʼna api aiʼna lapatesuva gemo haneʼniye. Lapakaefeʼmo mago a kanomo Yesemeliʼa, Gotitegati gemo aliniʼneʼna aeʼna hakalo huʼna hapa nepauva a kanomo maiʼnove, huno nehiya a kanomo alitapa ha faita oʼataletapa afaʼa ateʼnae. Agaemo alino apaya maleteno apayate aliʼnigeʼapaeʼmo aliʼyaʼnimo neʼaliya vayaʼmogimo kumai kavaʼmo huteʼapaeʼmo aigofe gotiʼapimogi neʼapamiya ofalini neʼyaʼmo neʼnae.