Neniyo 11:27 - The Keyagana NT and 25 OT books

²⁷ Ani lole kini vekalaʼmoganimo ge vaisaʼafeʼmo anaipafiʼmo afaʼa haneʼnigeʼana magokepi maiʼneʼana hiʼyalamuteʼmo neʼyaʼmo neʼneʼanaeʼmo anavayaʼaletikeʼmo gege huʼana maigaʼaʼmonanafa hosu kavaʼanimo ani folagapiʼmo afole oʼaigiye. Gotiʼa hano hisiya afinaʼmo lekana pai maleʼniyaʼmofeʼmo anaipafiʼmo haneʼnisiya kavaʼmo afaʼa afole oʼaigiye.

Neniyo 11:27 ပူးပေါင်းရင်းမြစ်များ

Samu 12:2

Muki vayaʼmogimo afa gegeʼmo hapa nepaiye. Hapa paiteʼa aigofe geletiʼmo huʼa hapaoke nehae.

Samu 58:2

Haʼao, lapakaemo hosu kavakeʼmo hisayafeʼmo lapakesamo neʼafiye. Lapakaemo ma mopafi vayaʼmo alita hosu hutapa apatesayafeʼmo aliʼyaʼmo neʼaliye.

Samu 62:9

Apaki ohaneʼnisiya vayaʼmo afa vayaʼmo maiʼnae. Apaki haneʼnisiya vayaʼmo aigofe vayaʼmo maiʼnae. Sigelileʼmo asaisunagenoʼaeʼmo kanaʼapimo ohanegaiye.

Samu 64:6

Hosu kavaʼmo hisayafeʼmo apakesamo afiteʼapaeʼmo, Hosu kavaʼmo hisuna kafeʼmo lagesamo afitetaeʼmo ago ageʼnone, huʼa nehae. Vayaʼmogimo apakesamo neʼafiya kavaʼe apaipafiʼeʼmo alagi fala kino haneʼniye.

Mai'naya kavane 12:20

Vayaʼmogi hosu kavaʼmo hisayafeʼmo apakesa afifi huʼa maiʼnaya vayaʼai apaipafiʼmo aigofe kavaʼmo haneʼniyaʼmonanafa muki vayaʼmo alagepa huʼa magokepi lokaeʼa maisayafeʼmo ge nehaya vayaʼmogi apamogaga aigae.

Mai'naya kavane 19:21

Vayaʼmogimo asole kavafeʼmo ani kavaʼmo hugune, huʼa apaipafiʼmo apakesamo neʼafiyaʼmonanafa Ala kava neʼmoʼa ani kavaʼmo afole aigiye, huno ago ageʼniya kavaʼageʼmo afole aigiye.

Mai'naya kavane 26:23

Hosu aipa agesa vekamoʼmo alagepa kavaʼmo hisiyafeʼmo lokiya gemo nehiya vekamo mopa yuvapaleʼmo aigofe siluva yafatetiʼmo faleʼa ati nekaya yuvapakana huno maiʼniye.

Neniyo 10:1

Sailasiʼa Pesiya kini vekamo loleʼe magoʼe kafugamo yagaino neʼapategenoʼaeʼmo Gotiʼa mago gemo Neniyoʼmo alu agiʼamo Melatasasafeʼmo ha paiʼniye. Ani gemo alopa kame kavafeʼmo alagi lama gemo afole aisiya kavafeʼmo huʼniye. Neniyoʼmo alagamuna agetenoʼaeʼmo aepaʼamo ageʼniye.

Neniyo 11:28

Siliya kini vekamoʼmo muki kamefatiʼmo alisiya kagemi yaʼmo halate alinino koʼalegamo ugiye. Neʼunoʼaeʼmo Gotiʼa aote kotalakemo hu maleʼniya geleʼmo kame hisiyafeʼmo agesamo afiteno alino hosu hu maleno koʼalegamo uno avaʼyi hugiye.

Neniyo 11:29

Gotiʼa lekana pai maleʼniya afinaʼmo Siliya kini vekamoʼmo halate Isipi kotegamo uno Isipi vayaʼeʼmo kamemo hugiyaʼmonanafa akeyaʼvilagamo huʼniya agufa kava huno aeno oʼapaka segaiye.

Neniyo 11:35

Alagi alino alagepa huno apatege hosu kavaʼapimo aeno kalo paeno atalege yaveyave vayaʼmo alino hamaleno apatege huteno hapa maesiyafeʼmo mago afiteʼa ageʼnaya vayaʼmo faligae. Hapa maelino neʼvisigenoʼaeʼmo atupa afinaʼmo Gotiʼa lekana pai maleʼniya afinaʼmo afole aigiye.

Neniyo 11:40

Atupa afinaʼmo hogo nehisigenoʼaeʼmo Isipi kini vekamoʼmo eno agaeʼeʼmo kamemo hugiye. Ani kava huno Siliya kini vekamoʼmo lusi yasigana huno kame talalaʼagi hosiʼagi sipiʼagi huno malage huno aliteno agaetegamo eno kamemo hugiye. Ani lole kini vekalaʼmoganimo kamemo haesaʼageno agaemo alopa aniʼmo neheya agufa kava huno asole nofi vayaʼai kotegamo kamemo huno aeno apaka selino ugiye.

Neniyo 8:17

nahaopaleʼmo eʼnigeʼnaeʼmo koli huteʼna naugosalegatiʼmo mopafi asagauʼna aiʼnove. Gemaliyoʼmo ani ge huno naha paiʼniye. Vemo mafaʼneo, huno, alagamuna gemo atupa afinaʼmo afole aisiya kavafeʼmae.

Neniyo 8:19

Agaemo hunoʼaeʼmo, Afiyo, huno, Gotiʼa Isaleli vayaʼaifeʼmo aipamo leno apatesiya kavaʼmo atupa afinaʼmo afole aisiya kavafeʼmo kaha nepauve. Gotiʼa lekana pai maleʼnisiya afinaʼmo hano hugiye.

Hamakaki 2:3

Alagamuna agegekana huka agesana kavaʼmo Gotiʼa lekana pai maleʼniya afinaʼmo mago vekamo afole aigiye. Afole aitenoʼaeʼmo atupa afinaʼmo afole aisiya kavafeʼmo lama geeʼmo ava gemo hugiye. Aigofe gemo osugiye. Malage huno afole oʼaisigekaeʼmo agava mainegenoʼao ge afino oʼmaigifa malage huno afole aigiye.

Apa 1:7

Afoʼnimoʼmo lekana pai maleʼniya afinaʼe kanaleʼeʼmo agaiʼa yanageno hainu afinaʼmo afole aisifigetapa oʼafigae.

Apa 17:31

Gotiʼa agoti huno apatesiya afinaʼmo lekana pai maleteno agoti huno apatesiya vekamo ago lekana paino ateʼniye. Lekana paino ateʼniya vekamoʼmo alagi lama geʼaletikeʼmo alino alagepa huno agoti huno apategaiye. Muki vayaʼmogimo ani kavatefeʼmo magoke apaipa apakesamo alisayafeʼmo Gotiʼa ani vekamo faliʼniyatetiʼmo ago alino he tino ateʼniye, huno hapa paiʼniye.

1 Tesaloniyani 5:1

Konagatimogitapae, huta, hainu afinaʼmo afole aisifi hainu afinaʼmo eminesifi huta ani kavafeʼmo avoʼmo kaesuna gemo alagi ohaneʼniye. Lapakaemo ago afiʼnayaʼmofeʼmae.