Neniyo 11:17 - The Keyagana NT and 25 OT books

¹⁷ Ani Siliya kini vekamoʼmo, muki ami vayaʼnimo apavaleliʼna uguve, huno hutenoʼaeʼmo apavalelinuno Isipi vayaʼeʼmo kamemo osisiya kotalakemo hu malegaiye. Agaemo Isipi kini vekamo aeno agasesiyafeʼmo aʼmafaʼneʼamo alino atesigeno uno Isipi kini vekaleʼmo maigiye. Aʼmafaʼneʼamo uno maigiyaʼmonanafa ani kavaʼmo hisiya kavaʼmoʼa ha oʼmagaiye.

Neniyo 11:17 ပူးပေါင်းရင်းမြစ်များ

2 Sitoli 20:3

Kini vekamo Yihosafatiʼa ani gemo afitenoʼaeʼmo koli huʼniye. Agaemo lokiya agesamo afinoʼaeʼmo Ala kava neʼmoʼa hauʼniya kavaʼmo kahauya huno agesiyafeʼmo muki Yu vayaʼmo maiʼnaya kotegamo ge huno atalegeno uʼniya gemoʼmo neʼyaʼmo mo siʼnetapa Ala kava nefeʼmo nunumuʼmo hiyo, huno huʼniye.

Samu 56:9

Nagaemo kagaefeʼmo keya aeʼna ge hisuva afinaʼmo kame vayaʼnimo apaune hegae. Gotiʼa nagae aupaligamo maiʼniye, huʼna ago afiʼnove.

Mai'naya kavane 19:21

Vayaʼmogimo asole kavafeʼmo ani kavaʼmo hugune, huʼa apaipafiʼmo apakesamo neʼafiyaʼmonanafa Ala kava neʼmoʼa ani kavaʼmo afole aigiye, huno ago ageʼniya kavaʼageʼmo afole aigiye.

Neniyo 11:19

Inagi Siliya kini vekamo halate koʼalegamo uno lokiya yafa kegiʼyamo haneʼniya taonifiʼmo maigiyaʼmonanafa agaemo alagi asagauno aiteno hosusigeʼa vayaʼmogimo magoʼe huʼa oʼagegae.

Neniyo 9:26

Inagi sigisiti tuʼa sotamo utesigeʼa Mesaiya vekamo agoti huʼa ateteʼa amagisageno faligiyaʼmonanafa agaiʼalefeʼmo ofaligiye. Falitesigeʼapaeʼmo afole aisiya kini vekamo ami vayaʼamogimo eʼa Yulusalemu taoniʼe mono noʼeʼmo heʼa halagape vaiʼa atalegae. Alopa aniʼmoʼa ani heteno muki yaʼmo alinino neʼviya kava huno ani kamemoʼmo muki yaʼe vayaʼeʼmo alinino ugiye. Gotiʼa hu maleʼniya alopa kana yaʼmo afole aime aime neʼvisigenoʼaeʼmo ani kamemoʼmo hano hugiye.

Hamakaki 1:9

Ani ati vayaʼmogimo kumayaʼmo alige vayaʼmo hapaege hisayafeʼmo neʼae. Yasimo alinino eno ani kahaepamo alino halelino neʼviya kava huʼa tauseni tauseniʼa ati vayaʼmo eʼa kalavusi huʼa apateteʼa apavaleliʼa ugae.

Matiyu 12:30

Mago vekamo nao vekamo oʼmaiʼnisiyana kameʼnimo maiʼniye. Mago vekamoʼmo aliʼna anupa huʼna apatesuvafeʼmo naha noʼmaesiyana alino atagu faeno alino hapa faino neʼapatale.

Luki 11:23

Nao vayaʼmo oʼmaiʼnisayana kame vayaʼnimo maiʼnae. Nagae sipisipimo aliʼa anupa huʼa noʼapataya vayaʼmogimo aliʼa atagu faeʼa neʼapatalae, huno hapa paiʼniye.

Luki 9:51

Gotiʼa Yesuʼmo kokuʼnapiʼmo avalelino uno haisiya afinaʼmo ago eno hogo huʼnigenoʼaeʼmo Yesuʼa lokiya agesamo afinoʼaeʼmo, Yulusalemu taonifiʼmo uʼna haiguve, huno agesamo afitenoʼaeʼmo

Lomu 8:31

Ani kavaʼmo nehiya kavatefeʼmo na agufa gemo hugune. Gotiʼa lagaekeʼmo laha neʼmaeyaʼmofeʼmo haiya vayaʼmogimo lagaefeʼmo kame huʼa lategae.