Neniyo 10:7 - The Keyagana NT and 25 OT books

⁷ Nagaiʼnimo magoke Neniyoʼnageʼmo ani alagamuna agegekana kavaʼmo huʼna ageʼnove. Apakaemo nagaeʼe magokepi lokaeʼa maiʼnaya vayaʼmogimo ani alagamuna agegekana kavaʼmo huʼna ageʼnova kavaʼmo oʼageʼnayaʼmonanafa lusi kava huʼa koli huteʼa apaune heʼa uʼa fala kiʼnae.

Neniyo 10:7 ပူးပေါင်းရင်းမြစ်များ

Aepa Gemae 3:10

sapa sapa hulika eʼnageʼna afiteʼnaekeʼmo nagufalagaʼageʼmo maiʼnovaʼmofeʼmo koli huteʼna eʼna fala kiʼnove, huno huʼniye.

Aiyeya 2:10

Vayaʼmogitapae, huʼna, Ala kava neʼmoʼa ha le konali yaʼaʼe lokiyaʼaʼeʼmo afole aisigeta agetetapaeʼmo lusi kava huta koli hugayanagi lapaune hetaletapa uta yafa kapiʼmo fala kige mopafiʼmo kelimo kafi maleʼnetapa uta haitapa fala kige hiyo.

Apa 22:9

Nagaeʼeʼmo magokepi lokaeʼa uʼnaya vayaʼmogimo ha le yaʼmo ageʼnayaʼmonanafa naha paiʼniya gemo oʼafiʼnae.

Apa 9:7

Soloʼeʼmo lokaeʼa uʼnaya vayaʼmogi ani huʼniya gemo afiʼnayaʼmonanafa mago vekamo oʼageʼnayaʼmofeʼmo ge osuʼa afaʼa he tiʼa maiʼnae.

Himulu 12:21

Ageteʼapaeʼmo lusi kava huʼa koli huteʼa apamoʼya aiʼnigenoʼaeʼmo Moseseʼa hunoʼaeʼmo, lusi kava huʼna atete huteʼna koli nehuve, huno huʼniye.