Neniyo 10:18 - The Keyagana NT and 25 OT books

¹⁸ Halate ma mopafi vayakana agufa vekamoʼmo name aliteno alino lokiya vaino nateʼniye.

Neniyo 10:18 ပူးပေါင်းရင်းမြစ်များ

Samu 138:3

Nagaemo kagaefeʼmo keya aeʼna ge huʼnova afinaʼmo geʼnileʼmo aeka atagaina huka alika lokiya vaika nateʼnanageno nagupi mafaʼnemoʼmo lokiya vaino maiʼniye.

Neniyo 10:10

Mago vekamoʼmo name aliteno ayatetiʼmo alino he tino nateʼnigeʼna naleʼya faiteʼna nayatetiʼmo mopaleʼmo faiteʼna maiʼnogeno lusi atete nahauʼniye.

Neniyo 10:16

Inagi malage huno mago ma mopafi vayakana agufa vekamoʼmo navayaleʼmo ame aliʼnigeʼna aka huʼna aepa faiʼna nage aiʼnove. Nagaemo naulagaleʼmo he tino maiʼniya vekaeʼmo huʼnaeʼmo, Ala vekaʼnimogae, huʼna, nagaemo mani alagamuna agegekana huʼna ageʼnova kavaʼmoʼa kana yaʼmo nati kaeʼnigeno lokiyaʼnimo ohaneʼniye.

Neniyo 8:15

Nagaemo Neniyoʼnamo ani alagamuna ageteʼnaeʼmo aepaʼaeʼmo nagesa afiʼna kahauya nehugenoʼaeʼmo malage huno mago vayakana vekamo afole aiteno naulagale he tiʼniye.

Neniyo 8:18

Agaemo ge nehigeʼnaeʼmo naugosalegatiʼmo mopafiʼmo nau kaleʼnove. Agaemo name aliteno alino he tino nateʼnigeʼna he tiʼnove.

Luki 22:32

Ha paiʼniyaʼmonanafa kagesamo afika fatago nehana kavakamo hano osisiyafeʼmo nunumuʼmo huʼna kateʼnovaʼmofeʼmo kaipamo alika afe letekaeʼmo konagakamogimo alika lokiya vaika apato, huno ha paiʼnigenoʼaeʼmo,

Luki 22:43

Mago enisole vekamo kokuʼnapatiʼmo emineno agaemo lokiya vaino ateʼniye.

Apa 18:23

Mago afinaʼmo maiteno ataleno uno Galesiya kotegaʼe Filisiya kotegaʼeʼmo umenitata huno muki vayaʼmogi geʼamo afiʼnaya vayaʼmo Goti geʼaletiʼmo alino lokiya vaino apatemale apatemale huʼniye.

Efasasi 3:16

Nunumuʼmo nehuʼnaeʼmo, lusi kava huka ha le konali vekamo maiʼnanaʼmofeʼmo ha le konali kagemi yakalefeʼmo himamukaletiʼe Kaunekametetiʼeʼmo apakupi mafaʼnemo lokiya vaika apato. Kalaisiʼa agaefeʼmo apakesamo afiʼa fatago nehaya kavatetiʼmo apaipafiʼmo alagi maiyo. Kalaisiʼa apaipafiʼmo maiʼnisigeʼapaeʼmo hapau apayamopafiʼmo hapauʼnisigeʼa hapafuʼyamo aegekana huʼa maiʼneʼa noʼmo faiʼa neʼataya yateʼmo alagi atafauʼa alagi huʼa maiyo.

Filipai 4:13

Nagaemo Kalaisipiʼmo maiʼneʼnaeʼmo lokiya vaino neʼnateya himamuʼaletiʼmo muki kavaʼamo afaʼa huguve.

Kolosi 1:11

Gotiʼa ha le konali lokiyaʼaʼe vekamoʼmo lokiyaʼaletiʼmo lokiya vaino lapateno. Lokiya vaino lapatesigetapa hosu afinaʼmo oʼataleta hosu lapaipamo okalita lapamogaga aiʼnetapa muki yaʼmo Afoʼamofekeʼmo hao ke hegae.

1 Samiyo 23:15

Neviniʼmo ageʼniyana Soloʼmo kamitimo namagisiyafeʼmo eʼniye, huno ageteno Sifa yahaofilagamo maiʼniye.