Neniyo 10:17 - The Keyagana NT and 25 OT books

¹⁷ Lokiya yaʼnimo hano huʼnigeno navamusaʼmo oʼaisuva kava huʼniyaʼmofeʼmo nagaemo aliʼyakamo neʼaluva vekamoʼnamo haiya kava huʼna kagaeʼeʼmo gege huguve.

Neniyo 10:17 ပူးပေါင်းရင်းမြစ်များ

Aepa Gemae 32:20

Magoʼe gemo huta ha paitapaeʼmo, Aliʼyakamo neʼaliya vekamo Yekopuʼmo lakame huno neʼe, hutapa ha paiyo, huno hapa paiʼniye. Yekopuʼa ani kavatetiʼmo aipamo aliʼna falu huguve, huno agesa afiʼniye. Afiteno augosafiʼmo neʼagesugenoʼaeʼmo aipamoʼmo falu huʼninageno afaʼa navalesifi, huno agesa afiʼniye.

Hatu maeno apate'niya gemae 33:20

Nahaugiyaʼmonanafa naugosaʼafiʼmo afaʼa oʼnagegane. Naugosafiʼmo nagesiya vekamo afaʼa oʼmaigifa ago faligiyaʼmofeʼmae.

Neniyo 10:8

Inagi nagaiʼnimo magokeʼageʼmo maiʼneʼna alagamuna agegekana kavaʼmo huʼna magoʼe huʼna ageliʼna uʼnogeno lokiyaʼnimo hano huʼnigeno alu naugosamo kaliʼniye.

Neniyo 4:19

Inagi Neniyoʼmo alu agiʼamo Metasasaʼa ani alagamuna gemo afitenoʼaeʼmo hau aiteno aipamo kana huʼniye. Aipamo kana huʼniyaʼmofeʼmo kini vekamoʼmo hunoʼaeʼmo, Metasasao, huno, Afaʼa atenageno ani alagamuna gemo aepaʼamoʼmo kaipa kana yaʼmo alino okamino, huno huʼnigeno Metasasaʼmo geʼaleʼmo aeno atagaina hunoʼaeʼmo, Ala neʼnimogae, huno, mani alagamuna gemo kagaefeʼmo alagi ohapauʼniya vayaʼaiteʼmo afole aisiya agufa kavaʼmae. Alagamuna gemo aepaʼamo kame vayakalegaeʼmo hisiya agufa kavaʼmae.

Maki 12:36

Aote Aunemeʼamoʼmo Neviniʼmo mago gemo alino amiʼnigeno hunoʼaeʼmo, Ala kava Neʼmoʼa Ala kava neʼnieʼmo hunoʼaeʼmo, lamaga nahaopaleʼmo faika maime maime neʼugeʼnao kame vayakamo apamagisugeʼa kaiya afeʼalumenaga maigayanagi, huno huʼniye.

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.