Neniyo 10:14 - The Keyagana NT and 25 OT books

¹⁴ Atupa afinaʼmo vayakalegamo afole aisiya kavafeʼmo ava gemo kaha paisuvafeʼmo emiʼneʼnove. Alagamuna gemo afole aisiya kavafeʼmo ava gemo haneʼniyaʼmofeʼmae, huno naha paiʼniye.

Neniyo 10:14 ပူးပေါင်းရင်းမြစ်များ

Aepa Gemae 49:1

Yekopuʼa mafaʼne anagaʼaeʼmo ge huʼnigeʼa eʼnagenoʼaeʼmo apakaefeʼmo ina ge huno hapa paiʼniye. Lapakaemo etapa nahaopaleʼmo alita anupa hutapa maiʼnigeʼnao henagaʼamo lapakaetegamo afole aisiya kavafeʼmo lapa paiguve, huno huʼniye.

Aiyeya 2:2

Henagaʼamo atupa afinaʼmo Ala kava neʼmo alopa mono noʼamo haneʼniya avemoʼmo anagaʼamo haneʼneno haino kasaeteno muki aveʼamo alino aiyafiʼmo apategaiye. Aniʼmo uno nelamiya kava huʼa muki alu nofi vaya alu nofi vayaʼmo ani mono notegamo uʼa haigae.

Neniyo 10:1

Sailasiʼa Pesiya kini vekamo loleʼe magoʼe kafugamo yagaino neʼapategenoʼaeʼmo Gotiʼa mago gemo Neniyoʼmo alu agiʼamo Melatasasafeʼmo ha paiʼniye. Ani gemo alopa kame kavafeʼmo alagi lama gemo afole aisiya kavafeʼmo huʼniye. Neniyoʼmo alagamuna agetenoʼaeʼmo aepaʼamo ageʼniye.

Neniyo 12:4

Inagi hemenimo kagaemo Neniyogamo mani gemo haneʼniya mukumo aika akaniyo. Ani mukumo aino akanino haneʼnisigeno atupa afinaʼmo afole aigiye. Asole vayaʼmo nagu nagu huʼa u eʼa hisageʼa magoʼe huʼa afiteʼa agegae, huno naha paiʼniye.

Neniyo 12:9

Neniyo, huno, hemenimo afaʼa ato. Hemenimo mukumo ago aino akaniʼniyanageno vaka olegaiyaʼmofeʼmo atupa afinaʼmo afole aigiye.

Neniyo 2:28

Afaʼa kaha opaigayaʼmonanafa kokuʼnapi maiʼniya Gotiʼa fala kiʼniya kavaʼmo afaʼa alino apave neliye. Agaemo kini vekamo Nepukanesaʼa atupa afinaʼmo afole aisiya kavaʼmo alino ave liʼniye. Kagaemo hipakaleʼmo havaeʼnekaeʼmo ageʼnana alagamuna gemo aepaʼamo haneʼniyana

Neniyo 8:16

Nagaemo afiʼnovana mago vekamoʼmo Ulai anitegatiʼmo ge huʼniye. Agaemo Gemaliyofeʼmo keya aeno ha painoʼaeʼmo, Gemaliyo, huno, alagamuna gemo aepaʼamo afisiyafeʼmo ha paiyo, huno huʼnigeno

Neniyo 8:26

Haniʼilagaʼe neteʼeʼmo afole aisiya kavafeʼmo ageʼnana alagamuna gemo alagi lama gemae. Yatala afinaʼmo utesigenoʼaeʼmo ani kavaʼmo afole aigiyaʼmofeʼmo mani alagamuna gemo hapa opaika afaʼa ato, huno naha paiʼniye.

Neniyo 9:22

Agaemo naipa nagesamo huno halo aisiyafeʼmo naha paiʼniye. O Neniyo, huno, nagaemo kagesa afi yaʼmo kamisugeka afiteka ageka halesanafeʼmo emiʼneʼnove.

Maika 4:1

Henagaʼamo atupa afinaʼmo Ala kava neʼmo alopa mono noʼamo haneʼniya avemoʼmo anagaʼamo haneʼneno haino kasaeteno muki aveʼamo alino aiyafiʼmo apategaiye. Alopa aniʼmoʼa muki afinaʼmo uno nelamiya kava huʼa muki afinaʼmo asole alu nofi vaya alu nofi vayaʼmo ani mono notegamo uʼa haigae.

Hamakaki 2:3

Alagamuna agegekana huka agesana kavaʼmo Gotiʼa lekana pai maleʼniya afinaʼmo mago vekamo afole aigiye. Afole aitenoʼaeʼmo atupa afinaʼmo afole aisiya kavafeʼmo lama geeʼmo ava gemo hugiye. Aigofe gemo osugiye. Malage huno afole oʼaisigekaeʼmo agava mainegenoʼao ge afino oʼmaigifa malage huno afole aigiye.

Napa 24:14

Hemenimo nagaemo vayaʼnilegamo halate alagi uguve. Uguvaʼmonanafa kagaemo egeʼnao, nagaemo hogoteʼna ani vayaʼmogimo henagaʼamo kagae nofi vayaʼaitegamo hisaya kavafeʼmo kaha pai malegauve.

2 Timoti 3:1

Mani hemenimo kaha paisuva gemo alagepa huka afiyo. Atupa afinaʼmo vayaʼmogimo lusi kava huʼa kana yaʼmo aligae.

Himulu 2:3

Apamiʼniyaʼmofeʼmo Ala kava neʼmo Gotiʼa lusi kava huno vayaʼai apakufamo alino katino neʼapateya kavafeʼmo ava gemo ago hapa paiʼnigeʼa afiʼnaya vayaʼmogimo, lama gemo haneʼniye, huʼa laha paiʼnaya gemo oʼafita afaʼa maisunana haiya kava huta faita kasalo paegaune.