Neniyo 10:12 - The Keyagana NT and 25 OT books

¹² Agaemo magoʼe gemo naha painoʼaeʼmo, Neniyo, huno, koli osuvo. Kagaemo aepa faika Goti gemo aepaʼamo agesanafe huge kagufamo alika afepi atege huʼnana afinaʼmo Gotiʼa nunumuʼmo huʼnana gemo afiteno alino nateʼnigeʼna emiʼneʼnove.

Neniyo 10:12 ပူးပေါင်းရင်းမြစ်များ

Samu 69:10

Aviʼyaʼmo huge nagupi mafaʼnemo aliʼna afepi atesuvafeʼmo neʼyaʼmo mo sige huʼna maiʼnogeʼapaeʼmo huʼa faipa huʼa nateʼnae.

Aiyeya 35:4

Lapakaemo apaipafiʼmo koli nehaya vayaʼaifeʼmo hutapaeʼmo, Koli osuta lokiya vaitapa maiyo. Afiyo, hutapa, Gotitapimoʼmo emineno hosu kavaʼmo anonaʼapilefeʼmo apamigiyaʼmonanafa lapakufamo alino katino lapategaiye.

Aiyeya 58:9

Ani afinaʼmo lapakaemo Ala kava nefeʼmo keya aeta ge hisageno getapileʼmo aeno atagaina huno lapa paigiye. Lapakaemo alopa gefatiʼmo alopa gefatiʼmo ge hisagenoʼaeʼmo agaemo hunoʼaeʼmo, Maiʼnove, huno hugiye. Lapakaemo vayaʼmo kana yaʼmo oʼapamige vayaʼmo alita afepiʼmo oʼapatege hosu gemo osuge

Aiyeya 65:24

Apakaemo nagaefeʼmo hapauʼnisiya yafeʼmo nunumuʼmo huʼa ge huʼa nafi okeʼnaya afinaʼmo hogoteʼna geʼapileʼmo aeʼna atagaina huteʼna apamiguve. Mago afinaʼmo apakaemo nunumuʼmo nehisageʼnaeʼmo afiteʼnaeʼmo apamiguve.

Neniyo 10:11

Ani vekamoʼmo naha painoʼaeʼmo, Neniyo, huno, Gotiʼa kagaefeʼmo lusi kava huno hauʼniye. Gotiʼa alino nateʼnigeʼna kagaetegamo emiʼneʼnovaʼmofeʼmo kagaemo he tika maiʼneka nagaemo kaha paisuva gemo alagepa huka kagetafo huka afiyo, huno naha paiʼnigeʼnaeʼmo atete nahauʼnigeʼnaeʼmo he tiʼnove.

Neniyo 10:19

Agaemo naha painoʼaeʼmo, Gotiʼa kagaefeʼmo hau ayamopafi hauʼniya vekamogae, huno, kaipamoʼmo falu huʼninageka koli osuka lokiya vaika maiyo, huno naha paiteno alino lokiya vaino nateʼniye. Inagi nagaemo huʼnaeʼmo, Ala vekaʼnimogae, huʼna, ago alika lokiya vaika nateʼnanaʼmofeʼmo ge huvo, huʼna huʼnove.

Matiyu 28:10

Yesuʼa, utana naganaʼnimogifeʼmo, muga Galeliya kotegamo viyo. Muganilegamo nagegae, hutana hapa paiʼao, huno hana paiʼniye.

Matiyu 28:5

Enisole vekamoʼmo lole atalafeʼmo, koli osiʼao. Malipu yosaleʼmo nili aiteʼa aliʼa he tiʼa ateʼnaya vekamo Yesuʼmo agesaʼafeʼmo neʼaʼae, huʼna lanakeʼnove.

Maki 16:6

Agaemo hunoʼaeʼmo, lapau oʼaiyo, huno, lapakaemo Yesuʼa Nasalasa taonifi vekamo malipu yosaleʼmo nili aiʼnageno faliʼniya vekamo agegefeʼmo neʼae. Ageyo, huno, Mafi oʼmaiʼnifa ago he tino uʼniye. Kiʼa ateʼnaya yaʼageʼmo haneʼniyanagi ageyo.

Luki 1:13

enisole vekamoʼmo hunoʼaeʼmo, Sekalaiyasiyo, huno, koli osuvo. Nunumuʼmo huʼnana gemo Gotiʼa ago afiʼniyanageno akamo Ilisameteʼmo ve mafaʼnemo alino ategaiye. Agiʼamo Yoniʼae huka ato.

Luki 1:30

Enisole vekamoʼmo hunoʼaeʼmo, Maliyao, huno, koli osuvo. Gotiʼa lekana paino kateteno kaha maeʼniye.

Luki 2:10

Enisole vekamoʼmo hapa painoʼaeʼmo, lapamoʼyamo oʼaita afiyo. Alagepa gemo muki vayaʼmogi afiteʼa lusi kava huʼa apamogaga aisaya gemo aliniʼna emiʼneʼnove.

Luki 24:38

Agaemo hunoʼaeʼmo, na kava higetapaeʼmo lapaipamoʼmo kana huʼnigeta lole lapakesamo neʼafiye.

Apa 27:24

Agaemo, hunoʼaeʼmo, Polo, huno, Koli osuvo. Uka hogote ala vekamo Sisa aulagaleʼmo he tika maigane. Gotiʼa sipifiʼmo maiʼnaya vayaʼmo apavaleno kamiʼniye, huno naha paiʼniyaʼmofeʼmo

Leveleseni 1:17

Ageteʼnaeʼmo faliʼniya vekagana huʼna aiyafiʼmo asagauʼna aiʼna maiʼnogenoʼaeʼmo lamaga ayatetiʼmo nagufaleʼmo maleʼnenoʼaeʼmo, Koli osuvo. Hogote vekamo maiʼneʼnaeʼmo henaga vekamo maiʼnove.