Neniyo 1:5 - The Keyagana NT and 25 OT books

⁵ Kini vekamoʼmo ani ge huteno, muki afinaʼaeʼmo neʼyaʼe aniʼeʼmo neʼnova agufa neʼyaʼmo magoke aiyaya huʼa negae. Apakaemo loleʼe magoʼe kafugamo sukulu huteʼa aliyaʼnimo aligae, huno hu maleʼniye.

Neniyo 1:5 ပူးပေါင်းရင်းမြစ်များ

Aepa Gemae 41:46

Ani afinaʼmo Yosefeʼa tetiʼa kafugamo maiʼnenoʼaeʼmo aepa faino ani kini vekamo aliʼyaʼmo aliʼniye. Inagi Yosefeʼa Kini vekamo Feloʼmo ataleno muki Isipi haopalegamo uneno huno ageʼniye.

Mai'naya kavane 23:3

Kagaemo agaemo alagepa neʼyaʼaeʼmo ageka kahaʼye osuvo. Fiku yanageno neʼyaʼamoʼmo kagaemo humi katesigeka hosu kavaʼmo hugane.

Neniyo 1:19

Kini vekamoʼmo apakaeʼeʼmo gege hutenoʼaeʼmo ageʼniyana Neniyoʼagi Hananaiyaʼagi Misayaliʼagi Asalaiyaʼagi huʼa alu neya vayaʼmo ago aeʼa apaka seʼnageno apakeʼniyaʼmofeʼmo kini vekamo aliʼyaʼamo aliʼnae.

Neniyo 1:8

Neniyoʼa kini vekamo nopatiʼmo haga neʼyaʼe aniʼeʼmo nesiyafeʼmo ohauʼnigeno aipafi agesamo afinoʼaeʼmo, oʼnegauve, huno huʼniye. Fiku yanageʼna nesuvana Goti aulagaleʼmo mono kavatefeʼmo aliʼna hosu huʼna ategauve, huno agesamo afiʼniye. Afiʼniyaʼmofeʼmo meku vayaʼaite yagaiʼniya vekaeʼmo alu neʼyaʼmo agaemo amisiyafeʼmo ge huno afi geʼniye.

Matiyu 6:11

Hemenimo nesuna neʼyaʼmo lamiyo.

Luki 1:19

nagaemo Gemaliyoʼnamae. Muki afinaʼmo Goti haopaleʼmo aliʼyaʼamo alisuvafeʼmo he tiʼna neʼmauve. Gotiʼa kagaemo kamogaga aisana gemo kaha paisuvafeʼmo alino nateʼnigeʼna kagaetegamo emiʼneʼnove.

Luki 11:3

Muki felugaʼae felugaʼaeʼmo hemenimo nesuna neʼyaʼmo lamiyo.

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

1 Samiyo 16:22

Soloʼmo Yesitegamo mago gemo huno atalegeno uʼniye. Agaemo hunoʼaeʼmo, Nagaemo Nevinifeʼmo nahauʼniyaʼmofeʼmo kagaemo agaemo afaʼa ategenoʼa eno nagae aliʼyaʼmo alino, huno ha paiʼniye.