Neniyo 1:20 - The Keyagana NT and 25 OT books

²⁰ Kini vekamoʼmo apakaefeʼmo asole yafeʼmo ge huno apafi ageʼniyana apakaemo afiteʼa ageʼnaya kavaʼmoʼa Mamiloni apaune vayaʼe afole aisiya kavaʼmo agesayafeʼmo kanefiʼmo ageʼa aiyaka neʼaliya vayaʼeʼmo afiteʼa ageʼnaya kavaʼmo ago aeno apaka seʼniye.

Neniyo 1:20 ပူးပေါင်းရင်းမြစ်များ

Aepa Gemae 31:7

Aliʼnovaʼmonanafa aigofe gemo huteno naya loleʼa afinaʼmo miyaʼnimo alino fala kiteno alu miyakeʼmo namiʼniye. Namiʼniyaʼmonanafa Gotiʼa afaʼa ataleʼnigeno nagaetegamo hosu kavaʼmo osuʼniye.

Aepa Gemae 41:8

Inagi netepiʼmo he tinoʼaeʼmo aipamoʼmo kana huʼnigeno afiteʼa ageʼnaya vayaʼaifeʼmo ge huʼnigeʼa eʼnageno Feloʼa lole alagumunamo ageʼniya kavafeʼmo hapa paiʼniyaʼmonanafa apakaepatiʼmo mago aepaʼamo ha paisiya vekamo oʼmaiʼniye.

Samu 119:99

Kavayafatiʼmo huʼnana gekaeʼmo nagesa afifi huʼna maiʼnovaʼmofeʼmo nagaemo gemo aepaʼamo afiʼnova kavaʼnimoʼmo tisa vayaʼnimogi afiʼnaya kavaʼapimo ago aeno agaseʼniye.

Hatu maeno apate'niya gemae 7:22

Isipi kote apaune vayaʼmogimo himamuʼapiletiʼmo ani agufa kavaʼmo huʼnagenoʼaeʼmo Feloʼa aipa agesamo alino akaniteno geʼanimo oʼafiʼniye. Hogoteno Ala kava neʼmoʼa ani kavafeʼmo ava gemo huʼniye.

Hatu maeno apate'niya gemae 8:19

Apaune vayaʼmogimo Felofeʼmo ha paiʼapaeʼmo, Ani kavaʼmo Goti aya akoyaletiʼmo himamu kavaʼmo afole aiʼniye, huʼa ha paiʼnayaʼmonanafa Feloʼa Ala kava neʼmoʼa hana paiʼniya kavaʼmo huno aipa agesamo aino akani maleʼnigeno magoʼe huno geʼanimo oʼafiʼniye.

Hatu maeno apate'niya gemae 8:7

Hosu apaune vayaʼai himamuʼapiletiʼmo ani huʼniya agufa kavaʼmo huʼnageʼa asole eso anagaʼmo Isipi koteʼmo afole aiʼnae.

Neniyo 1:17

Gotiʼa ani loleʼe loleʼe neya vayaʼmo afisaya kavaʼe afiteʼa agesaya kavaʼe mukufiʼmo ageteʼa afisaya apakesaʼeʼmo apamiʼniye. Neniyoʼa alagamuna agegekana huno muki kavaʼmo aepaʼamo agege alagamunamo aepaʼamo agege huʼniye.

Neniyo 2:13

Kamitimo apamagisayafeʼmo ati vayaʼaitegamo ge huno atalegeno uʼniye. Ati vayaʼmogimo afiteʼapaeʼmo uʼa afiteʼa ageʼnaya vayaʼmo kamitimo apamagiʼnae. Apakaemo uʼa Neniyoʼe ao vayaʼeʼmo kamitimo apamagisayafeʼmo kahauya huʼnae.

Neniyo 2:21

Agaemo afinaʼe kanaʼeʼmo alino alu afinaʼe kanaʼeʼmo alino afole aino neʼate. Agaemo mago kini vayaʼmo alino hapafaino apataleteno mago alu kini vayaʼmo alino he tino neʼapate. Agaemo afiteʼa neʼagaya vayaʼaina afiteʼa agesaya kavaʼmo alino neʼapamiye. Agaemo afiʼnaya vayaʼaina afiʼa ha nelaya kavaʼmo alino neʼapamiye.

Neniyo 5:17

Neniyoʼa geʼaleʼmo aeno atagaina huno ha painoʼaeʼmo, Haʼao, huno, fikumo namisana yaʼmo kagaikamo afaʼa aligane. Kagaemo ani miyaʼmo alu vekamo amiganaʼmonanafa nagaemo ani gemo afaʼa lekana paiteʼna aepaʼamo kaha paiguve.

Napa 14:22

Muki mani vayaʼmogimo ha le konali yaʼnimo agege Isipi kotegaʼe kaʼme kotega hau huʼniya kotegaʼeʼmo noʼagaya agufa naune kavaʼmo huʼnogeʼa agege huʼnayaʼmonanafa naya loleʼa afinaʼmo geʼnimo oʼafiʼa namalageka huʼnae.