Napa 9:22 - The Keyagana NT and 25 OT books

²² Na magi afinaʼmo hiyaʼmoʼa seli mono noʼmo anaʼaleʼmo haneʼnifi lole afinaʼmo haneʼnifi magoke kaileʼmo haneʼnifi mago kafugamo haneʼnifi huʼnigeʼapaeʼmo Isaleli vayaʼmo oʼuʼa seli noʼapifiʼmo maiʼnae. Maiʼnayaʼmonanafa hiyaʼmo uno haiʼnigeʼapaeʼmo apakaeʼeʼmo ani koteʼmo uʼnae.

Napa 9:22 ပူးပေါင်းရင်းမြစ်များ

Samu 107:7

Agaemo uʼa maisaya taonifiʼmo visayafeʼmo fatago kateʼmo apavalelino uʼniye.

Samu 143:10

Kagaemo Gotiʼnimogamo maiʼnanaʼmofeʼmo kahauʼniya kavaʼmo hisuvafeʼmo alika naya malo. Kaumekameʼmo alagepa aunemeʼmo maiʼnenoʼaeʼmo alagepa kateʼmo alino api aino nateno.

Samu 32:8

Gotiʼa hunoʼaeʼmo, nagaemo visana kaʼmo alagepa huʼna aliʼna kaya maleteʼnaeʼmo kave liguve, huno huʼniye. Naulagaletiʼmo visana kaʼmo kave liguve.

Samu 48:14

Ani Gotiʼa muki afinaʼaeʼmo Gotitimoʼmo maige maige huno maigiye. Agaemo uno hogoteteno visuna kaʼmo alino lave lime lime neʼvisigeta faligune.

Samu 73:24

Hemenimo kagaemo gekaletiʼmo alika ho huka nateteka henagaʼamo ha le konali koteʼmo navalelika uka haigane.

Samu 77:20

Sipisipi anagaʼmogi neʼyagaiya vekamo akame nehaya kava huka uka hogotetanageʼa vayakamogi kakame huʼnae. Kagaemo Mosesetetiʼe Elonitetiʼmo vayakamogi alika apavalelika uʼnane.

Hatu maeno apate'niya gemae 40:16

Moseseʼa Ala kava neʼmoʼa muki ani ha paiʼniya kavaʼageʼmo akame huno huʼniye.

Napa 9:17

Hiyaʼmoʼa seli mono noʼmo ataleno uʼniya afinaʼmo Isaleli vayaʼmogimo kagemi yaʼapimo aliteʼa akame huʼa uʼnae. Inagi hiyaʼmo mago haopalegamo he tino haneʼnigeʼapaeʼmo inagi apakaemo ani haopalegamo seli noʼapimo aliʼa he tiʼa ateʼnae.

Napa 9:21

Mago afinaʼmo hiyaʼmoʼa uneʼmo uno mago koteʼmo he tino hanelinuno netepiʼmo ani kotetiʼmo ataleno uʼniye. Inagi apakaemo hiyaʼmo ageteʼapaeʼmo he tiʼa akame huʼa uʼnae. Hiyaʼmoʼa felugamo uʼnifi haniʼilagamo uʼnifi nehigeʼapaeʼmo vayaʼmogiʼeʼmo ani afinaʼatogeʼmo he tiʼa uʼnae.

Apa 1:4

Yesuʼe apa vayaʼaʼeʼmo aliʼa anupa huʼa maiʼneʼapaeʼmo hapa painoʼaeʼmo, Yulusalemu taonifatiʼmo ataletapa oʼuta maiʼniyo. Afoʼnimoʼmo hunoʼaeʼmo, lapakaetegamo aliʼna atesugeno emiʼnegaiye, huno naha paiʼnigeʼna ava gemo huʼna lapa paiʼnova vekaeʼmo agava maiyo.