Napa 9:18 - The Keyagana NT and 25 OT books

¹⁸ Ala kava neʼmoʼa hunoʼaeʼmo, Viyo, huno ge huʼniya afinaʼmo inagi apakaemo Isaleli vayaʼmogimo mago koteʼmo ataleʼa uʼnae. Ala kava neʼmoʼa hunoʼaeʼmo, Maiyo, huno ge huʼniya afinaʼmo apakaemo seli noʼapimo aliʼa he tiʼa ateʼnae. Hiyaʼmoʼa seli mono noʼmo anagamo afaʼa haneʼnigeʼapaeʼmo inagi vayaʼmo he tiʼa oʼuʼa afaʼa maiʼnae.

Napa 9:18 ပူးပေါင်းရင်းမြစ်များ

Hatu maeno apate'niya gemae 17:1

Muki Isaleli vayaʼmogimo Ala kava neʼmoʼa huʼniya gemo akame huʼa kaʼme koʼmo agiʼamo Sini kotetiʼmo ataleʼuʼa mago koʼmo agiʼamo Lefinimi koteʼmo seli noʼapimo aliʼa he tiʼa ateteʼa maiʼnayaʼmonanafa vayaʼmogimo nesaya aniʼmo alagi ohaneʼniye.

Napa 9:16

Muki afinaʼaeʼmo felugamo hiyaʼmoʼa seli mono noteʼmo kino aino ati kaeno haneʼniye. Haniʼilagamo apakaemo hiyaʼmo ageʼnayana atagana agufa kava huno leʼnigeʼa ageʼnae.

Napa 9:19

Hiyaʼmoʼa seli mono noʼmo anagamo yatala afinaʼmo haneʼnigeʼapaeʼmo vayaʼmogimo Ala kava neʼmo geʼamo akame huʼa alu haopalegamo oʼuʼnae.

Napa 9:20

Mago afinaʼmo hiyaʼmo aupa afinaʼmo seli mono noʼmo anagamo haneteno uʼniye. Hiyaʼmo yatala afinaʼmo haneʼnifi aupa afinaʼmo haneʼnifi huʼnigeʼapaeʼmo Isaleli vayaʼmogimo visafi maisafi Ala kava neʼmo geʼamo akame huteʼa hiyaʼmoʼa alino apave liʼniya agufa kavaʼmo huʼnae.

1 Kolitiyani 10:1

Konagaʼnimogitapae, huʼna, Muki laginago vayaʼmogimo Moseseʼa akame huʼa uʼnaya kavafeʼmo lapakesamo afisayafeʼmo nahauʼniye. Muki vayaʼamogi hiyaʼmo uneno nehiya hiyaʼmo afeʼalumelaga maiʼneʼa akame huʼa uʼnae. Akame huʼa uʼnageno aniʼmoʼa folagapiʼmo aino akaka vaeʼnigeno mopamo hau huʼnigeʼa uʼnae.

2 Yoni 1:6

Gotifeʼmo lahau layamopafiʼmo nelahaiya kavaʼmo Goti keʼaepa geʼamo akame nehuna kavaʼmo haneʼniye. Ani gemo hogoteno aepa faino laha paiʼniya afinatetiʼmo afiʼnaya gemo haneʼniyanagi akame hiyo.