Napa 6:24 - The Keyagana NT and 25 OT books

²⁴ Ala kava neʼmoʼa aulena gemo lapa paiteno alagepa huno yagaino lapateno.

Napa 6:24 ပူးပေါင်းရင်းမြစ်များ

Aepa Gemae 28:15

Afiyo, huʼna, Nagaemo muki umenitata hisana kotegamo kagaeʼeʼmo lokaeʼna maiʼneʼna alagepa huʼna yagaiʼna kateteʼna halate mani mopaleʼmo kavaleliʼna egauve. Nagaemo muki kaha paiʼnova kavaʼmo aliʼna afole aiʼna atesuvafeʼmo alagi okatalegauve, huno ha paiʼniye.

Samu 134:3

Kokuʼnaʼe ma mopaʼeʼmo alo huʼniya Ala kava neʼmoʼa Saiyoni taonifatiʼmo alino auleno lapateno.

Samu 17:8

Vayaʼmogimo apaulagaleʼmo alagepa huʼa neʼyagaiya kava huka yagaika nato. Kahakumo ulunapiʼmo alika fala kika nato.

Samu 28:9

Gotiyo, huʼna, Vayakamo apakufamo alika katika apateteka alika auleka apato. Sipisipileʼmo yagaino apateʼniya vekamo sipisipiʼaleʼmo yagaiʼniya kava huka sipisipikaleʼmo yagaika apateteka muki afinaʼmo alagepa huka yagaika apateme apateme uka maiyo.

Samu 91:11

Ala kava neʼmoʼa enisole vayaʼaeʼmo, yagaitapa ateyo, huno hapa paisigeʼa muki afinaʼmo kategamo umenitata hisana afinaʼmo yagaiʼa kategayaʼmofeʼmo hosu kavaʼmo kagaeteʼmo alagi afole oʼaigiye.

Aiyeya 42:6

Nagaemo Ala kava neʼmoʼnamo fatago kavatetiʼmo kagaefeʼmo keya aeʼna ge huʼnovanageʼna kayateʼmo aliguve. Nagaemo yagaiʼna kateteʼna Isaleli vayaʼmogi kotalake gemo aepa vekamae, huʼna kateteʼna Yu vayaʼmo oʼmaiʼa malaga vayaʼmogi hale yaʼapimo maisanafeʼmo kategauve.

Neniyo 9:17

O Gotiyo, huʼna, Lavagage nehiyaʼmofeʼmo aliʼyakamo neʼaluva vekamoʼnamo nunumuʼmo nehuva gemo afaʼa afiyo. Laha maesanafeʼmo naipafatiʼmo nahauʼnigeʼna magoʼe huʼna nunumuʼmo gemo afaʼa afiteka ala kagikalefeʼmo mono no atufakaeʼmo alagepa huka kagesamo afiteka laha mao.

Yoni 17:11

Hemenimo ma mopafiʼmo magoʼe huʼna oʼmaiʼna ataleʼna kagaetegamo uʼna haiguvaʼmonanafa apakaemo ma mopafiʼmo maiʼnae. Afo, huʼna, kaote vekamo maiʼneka alagepa kavaʼageʼmo nehana vekae, huʼna, ani kavaʼmo hutaʼa magokeʼageʼmo maiʼnoʼa kava huʼa apavaleka namiʼnana vayaʼmo magokeʼageʼmo maiʼnayanageʼa ani kava huʼa maisayafeʼmo himamukaletiʼmo yagaika apato.

1 Kolitiyani 14:16

Lapaunelapameʼekeʼmo nunumuʼmo hisageʼapaeʼmo haiya kava huʼa saufa vayaʼmo apakesamo afiʼa fatago hugefeʼmo nehisaya vayaʼmogimo nunumuʼmo hisaya gelefeʼmo he lama ge, huʼa afaʼa hugae. Getapimo oʼafigayaʼmofeʼmae.

Efasasi 6:24

Gotiʼa Ala kava netimo Yesu Kalaisifeʼmo hapau apayamopafiʼmo hapaume hapaume neʼvigeʼapaeʼmo oʼataleʼa muki afinaʼmo nehapausiya vayaʼmo fikumo hapa maeno apamino. He, lama ge.

Filipai 4:23

Ala kava netimo Yesu Kalaisiʼa mukiʼamogitapamo fikumo lapa maeno lapamino. He, lama ge.

1 Tesaloniyani 5:23

Gotiʼa agaeʼeʼmo magokepi alino lokaeno lateteno laipamo alino falu huno nelateya vekamoʼmo alino alagepa huno lapateʼniyanagi alagi lapaoteʼmo maiyo. Agaemo muki lapaunelapametenagi lapagupi mafaʼnelenagi lapakufalenagi huno yagaino lapateʼnisigeno Ala kava netimo Yesu Kalaisiʼa eminesiya afinaʼmo mago hosu kavatapimo ohaneʼnisigeno vaiʼmo olapamino.

1 Pita 1:5

Gotiʼa himamuʼaletiʼmo yagaino lapatege lapakesamo afita fatago nehaya kavatetiʼmo yagaino lapatege nehiyanageno lapakufamo alagi alino katino lapategaiye. Gotiʼa alo huno maleʼniyanageno henagaʼamo afole aigiye.

Yuti 1:24

Laha neʼmaeya Gotiʼa agaiʼageʼmo ageteno afiʼniya vekamo agiʼaleʼmo alita asaga huta ategetao. Agaemo alagi asagauta oʼaisayafeʼmo lapatafauno maigiye. Ha le konali vekamo aulagaleʼmo afaʼa lapavalelino esigenoʼaeʼmo vaiʼmo olapamisigetapa lusi kava hutapa lapamogaga aita maigae.

Luti 2:4

Aliʼyaʼmo neʼaligenoʼaeʼmo Movasiʼa Metelehamu taonifatiʼmo eno avaʼyi huteno aliʼyaʼamo neʼaliya vayaʼaifeʼmo hunoʼaeʼmo, Ala kava neʼmoʼa lapakaeʼeʼmo magokepi lokaeno maino, huno ke apamamaeʼnigeʼapaeʼmo geʼaleʼmo aeʼa atagaina huʼapaeʼmo, Ala kava neʼmoʼa alino auleno kategaiye, huʼa ha paiʼnae.

1 Samiyo 2:9

Alino apaote apateʼniya vayaʼamogi kateʼmo visagenoʼaeʼmo yagaino apategaiyaʼmonanafa hosu vayaʼmogimo hani huʼniya yapiʼmo maiʼnayanageʼa ge osuʼa maigae. Lokiya vayaʼmo lokiyaʼapiletiʼmo alagepa huʼa oʼmaigayaʼmofeʼmae.