Napa 31:2 - The Keyagana NT and 25 OT books

² Kagaemo Mitiyani vayaʼmogi Isaleli vayaʼmogitapalegamo huʼnaya hosu kavaʼmo anonaʼapilefeʼmo aeka atagaina huka kayoʼmo apamiyo. Kagaemo ani kavaʼmo hutekaeʼmo kagaemo faligane.

Napa 31:2 ပူးပေါင်းရင်းမြစ်များ

Aepa Gemae 15:15

Kagaemo alagepa huka maiʼneka asole kafugamo maiteka kaipamoʼmo falu huʼnisigeka kaginago vayakalegamo visanageʼa kiʼa kategae.

Aepa Gemae 25:17

Isameliʼa vani hataleti teti seveniʼa kafugamo maiteno faliʼnigeʼapaeʼmo vayaʼamo eʼa aliʼa anupa huʼnae.

Aepa Gemae 25:8

Emalehamuʼa alagi kosunamo leteno kafugaʼamoʼmo alopa huʼnigeno aipamoʼmo falu huʼnigeno faliʼnigenoʼaeʼmo Gotiʼa aginago vayaʼaʼeʼmo alino anupa huno ateʼniye.

Hatu maeno apate'niya gemae 2:16

Ani kote vayaʼmo mono huno neʼapateya vekamo agiʼamo Yetaloʼa seveniʼa a mafaʼne anagaʼmo alino apateʼniye. Moseseʼa ani keli kotuteʼmo maiʼnigeʼapaeʼmo ani a mafaʼne anagaʼmogimo aniʼmo he fili uʼa afoʼapimo sipisipi anagaʼmogimo aniʼmo neʼnaya yapiʼmo laki maleʼnisageʼa nesayafeʼmo eʼnae.

Aiyeya 1:24

Nehayaʼmofeʼmo Yulusalemu vayane, huno, Ala kava neʼmoʼa muki vayaʼaiteʼmo yagaino neʼapateya vekamo Isaleli vayaʼmogi lokiyaʼaʼe Gotiʼapimoʼmo ina ge huno huʼniye. Nagaetegamo kame hisaya vayaʼmo hapa faiʼna apatalegauve. Kame vayaʼnimo anonaʼapilefeʼmo kayoʼmo apamiguve.

Neyomi 1:2

Ala kava neʼmo kaino gemo nehiya Gotiʼa hosu kavaʼmo anonaʼapilefeʼmo kayoʼmo neʼapamiye. Ala kava neʼmoʼa lusi kava huno aipamo leʼnigenoʼaeʼmo anonaʼapilefeʼmo kayoʼmo neʼapamiye. Ala kava neʼmoʼa kame huʼa atesaya vayaʼmo hosu kavaʼmo anonaʼapilefeʼmo kayoʼmo apamigiye. Agaemo kame vayaʼaeʼmo aipamo leno neʼapateyanageno kayoʼmo apamisiya afinafeʼmo agava maiʼniye.

Napa 20:24

Lanakaemo Eloniʼe Moseseʼeʼmo Melima anitegamo geʼnimo amagitana ataleʼnaʼaʼmofeʼmo Isaleli vayaʼaina apamiʼnova mopaleʼmo Eloniʼmo oʼugifa faligiye.

Napa 20:26

Kagaemo Eloniʼmo vailiʼneno mono huno neʼapateya kukena yaʼamo asagika mafaʼneʼamo Iliyesaʼmo vaika ato. Eloniʼmo ani aveleʼmo faligiyaʼmofeʼmae.

Napa 25:1

Isaleli vayaʼmo Sitimi kagoʼmu kotegamo maiʼneʼapaeʼmo ani haopalegamo maiʼnaya Movapu aʼne anagaʼeʼmo aepa faiʼa kumai kavaʼmo huʼnae.

Napa 25:6

Moseseʼe muki Isaleli vayaʼaʼeʼmo seli mono noʼmo kipaʼmo haopaleʼmo maiʼneʼa aviʼyaʼmo nehuʼapaeʼmo agayana mago Isaleli vekamo mago Mitiyani a kanomo avalelino eno seli noʼafiʼmo uno haiʼnigeʼa ageʼnae.

Napa 31:1

Ala kava neʼmoʼa Mosesefeʼmo ina ge huno ha paiʼniye,

Napa 31:3

Inagi Moseseʼmo Isaleli vayaʼaifeʼmo ina ge huno hapa painoʼaeʼmo, Lapakaemo kame hisaya yaʼmo alitetapa uta Mitiyani vayaʼeʼmo kamemo hiyo. Ala kava netefeʼmo apakaemo lapakaetegamo huʼnaya hosu kavaʼapimo anonaʼapilefeʼmo aetapa atagaina hutapa kayoʼmo apamiyo.

Luki 21:22

Goti mukufiʼmo avoʼmo kae maleʼnaya gemo afole aisiyafeʼmo Gotiʼa ani afinaʼmo anonaʼapilefeʼmo lusi kava huno kayoʼmo apamigiye.

Apa 13:36

Neviniʼa Goti geʼamo akame huteno ma mopafiʼmo agaeʼeʼmo lokaeʼa maiʼnaya vayaʼmo hapa maeteno au kaleʼnigeʼa aginago vayaʼeʼmo kiʼa ateʼnageno agufaʼamo ago kasaliʼniye.

Lomu 12:19

Nahau nayamopafiʼmo nahauʼniya vayaʼnimogitapae, huʼna, hosu kavaʼmo anonaʼapilefeʼmo hosu kavaʼmo aetapa atagaina huta osutapa Gotiʼa apamisiyafeʼmo maitapa halove huta ategenoʼao. Ani kavatefeʼmo Goti geʼamoʼmo hunoʼaeʼmo, Ala kava neʼmoʼa, Hosu kavaʼmo anonaʼapileʼmo apamisuva aliʼyaʼnimo nagaiʼni aliʼyaʼmo haneʼniye. Anonaʼapileʼmo aeʼna atagaina huʼna apamiguve, huno hu maleʼniye, huno huʼniye.

Lomu 13:4

Apakaemo alagepa hutapa maisayafeʼmo Gotiʼa apamiʼniya aliʼyaʼmo neʼaliye. Apakaemo afaʼa yagaiʼa noʼapatayaʼmonanafa kayoʼmo apamisagetapa apaketetapaeʼmo lapakaemo hosu kavaʼmo nehisayana koli hugae. Gotiʼa apakaemo hosu kavaʼmo nehaya vayaʼmo kayoʼmo apamisayafeʼmo lekana paino apateʼniye.

1 Tesaloniyani 4:6

Ani kavatefeʼmo fiku yanageʼa mago vayaʼmogi konagaʼapimogifeʼmo humi apateteʼa aliʼa hosu huʼa apategae. Hogoteta hutaeʼmo, Ala kava neʼmoʼa kumai kavaʼmo anonaʼapilefeʼmo apamigiye. Ehetapiye, huta ago lapa paiʼnone.

Himulu 10:30

Ala kava neʼmoʼa hunoʼaeʼmo, hosu kavaʼapimo anonaʼapilefeʼmo aeʼna atagaina huʼna kayoʼmo neʼapamuva vekamo maiʼnove, huno huʼniya vekamo ago ageʼnone. Magoʼe gemo hunoʼaeʼmo, Ala kava neʼmoʼa vayaʼamo alino fako huno apategaiye, huno hu maleʼniye.

Leveleseni 18:20

Kokuʼnapi vayanagi lapamogaga aitapa ateyo. Lapaote vayanagi apa vayanagi Gotitegati gemo alinita etapa aeta hakalo hutapa hapa nepaiya vayanagi hutapa lapamogaga aiyo. Lapakaetegamo hosu kavaʼmo huʼnigeno Gotiʼa kavaʼamo alino fako huno ateteno kayoʼmo amiʼniye, huno hapa paiʼniye.

Leveleseni 19:2

Alagi lama ge huno fatago kavaʼmo huno alino fako huno neʼapate. Agaemo magoʼe huno kumai kavaʼmo huteno monimo neʼaliya a kanomo agoti huno ateʼniye. Ani a kanomoʼa kumai kavaʼmo hutenoʼaeʼmo muki ma mopafi vayaʼmo alino hosu huno apateteno Goti aliʼyaʼamo neʼaliya vayaʼamo kamitimo apamagiʼnigenoʼaeʼmo anonaʼalefeʼmo kayoʼmo amiʼniye, huʼa huʼnae.

Leveleseni 6:10

Apakaemo alopa gefatiʼmo huʼapaeʼmo, kayamufaʼage ala kava neʼmogae, kaote vekamo lama geʼageʼmo nehana vekamogae, huʼa, Ma mopafi vayaʼmogimo kamitimo lamagiʼnayaʼmofeʼmo na magi afinaʼmo utesigeka hosu kavaʼapimo alika fako huka apateteka kayoʼmo apamigane, huʼa ge huʼa afi geʼnae.