Napa 24:9 - The Keyagana NT and 25 OT books

⁹ Isaleli vayaʼmo laiyonigana huʼa havaeʼa maiʼnisageʼapaeʼmo mago vayaʼmogimo afaʼa aliʼa he tiʼa oʼapategae. Isaleli vayaʼmogitapae, huʼna, alino auleno lapatesiya vekamo aulena vekamo maigiye. Lifana huno lapatesiya vekamo lifana vekamo maigiye, huno huʼniye.

Napa 24:9 ပူးပေါင်းရင်းမြစ်များ

Aepa Gemae 12:3

Kaha maesaya vayaʼmo aliʼna aulena apategauve. Lifana huʼa katesaya vayaʼmo lifana huʼna apategauve. Kagaetetiʼmo muki ma mopafi nofi vayaʼmo auleʼna vayaʼmo maigae, huno ha paiʼniye.

Aepa Gemae 27:29

Vayaʼmogimo aliʼyakamo aliʼa kategae. Muki kotega vayaʼmogimo kagae kaiyafiʼmo maigae. Kagaemo konagakamogiteʼmo yagaika apatesanageʼa kaiyafiʼmo maigae. Ala kava neʼmoʼa muki vayaʼmogi kagaemo aliʼa hosu huʼa katesaya vayaʼaifeʼmo lifana huno apategaiye. Ala kava neʼmoʼa aliʼa auleʼa katesaya vayaʼaina aulena gemo hapa paigiye, huno ha paiʼniye.

Aepa Gemae 49:9

Yutaʼa mago aikeli laiyonigana huno maiʼniye. Mafaʼneʼnimogae, huʼna, afela afumo uka haeteka aika atagineka eʼnane. Laiyonimoʼa ape huno neʼmaiya kava huno maigiye. Ina laʼmo ha faino atalegaiye.

Esata 6:13

Unoʼaeʼmo aʼamo Selesiʼe muki ao vayaʼefeʼmo agaetegamo muki afole aiʼniya kavafeʼmo ava ge huno hapa paiʼnigeʼapaeʼmo aʼaʼe muki ao vayaʼmo ageteʼa afiʼnaya vayaʼmogiʼeʼmo huʼapaeʼmo, Motekaiʼa alagi kame huno kateʼniyanageka alagi aepa faiʼnananageka alagi asagauka aisanafeʼmo hane. Yu nofi vekamo maiʼniyaʼmofeʼmo kagaemo alagi aeka oʼagasegananageka alagikeʼmo asagauka aigane, huʼa ha paiʼnae.

Samu 122:6

Yulusalemu vayaʼmo alagepa huʼa maiʼa haga lesayafeʼmo nunumuʼmo hutapa apateyo. Yulusalemu taonieʼmo hapauʼnisiya vayaʼmogimo alagepa huʼa maiyo.

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Hatu maeno apate'niya gemae 23:22

Hugiyaʼmonanafa lapa paisuva gemo alagi akame hutetapa afisayaʼmoʼmo nagaemo kame vayatapiʼeʼmo kamemo huge ohapauʼnigeʼa apaini huʼa nelapataya vayaʼmo naini huʼna apategauve.

Maika 5:8

Ani logufaʼa vayaʼmo Yekopu vayaʼmogimo laiyonimoʼmo afela afumo hapaesiyafeʼmo nehiya kava huʼa alu nofi vayaʼai folagapiʼmo hapaegae. Aikeli laiyonimoʼmo sipisipi anagaʼmogi folagapiʼmo maiʼneno apatafauge hapaeno nege nehiya kava huʼa maigae. Mago sipisipi anagaʼmo hapa maesiya vekamo maiʼniya kava huʼa Yekopu kame vayaʼamo hapa maesaya vayaʼmo oʼmaigae.

Napa 22:12

Inagi Gotiʼa Melamifeʼmo hunoʼaeʼmo, Kagaemo ani vayaʼeʼmo magokepi lokaeka oʼugane. Ani eʼnaya vayaʼmo aulena vayaʼmo maiʼnayaʼmofeʼmo lifana huka oʼapato, huno ha paiʼniye.

Napa 22:6

Apakaemo kame huʼa afaʼa aeʼa naga segayaʼmofeʼmo malage huka eka naha maeka aeʼa oʼnagasesayafeʼmo lifanamo huka apategane. Nagaemo ago afiʼnovana aulena gemo hapa paiʼnana vayaʼmo aulena vayaʼmo maiʼnae. Kagaemo lifana huka apateʼnana vayaʼmo lifana vayaʼmo maiʼnae, huʼna ago apakeʼnovaʼmofeʼmo naha maesanageʼna kame huʼna aeʼna apakasesufiye, huno ha paiʼniye.

Napa 23:24

Apakeyo, huno, Isaleli nofi vayaʼmo lokiya laiyonigana huʼa maiʼneʼa maiʼa haga olegae. Hogoteʼa hapaeteʼa apameʼamo nege kolaʼapimo nege huteʼapaeʼmo afaʼa maiʼa haga legae.

Napa 24:10

Melakiʼmo ani gemo afitenoʼaeʼmo agaemo aipamo leʼnigeno ayaʼmo amagiʼniye. Agaemo Melamifeʼmo ha painoʼaeʼmo, Nagaemo kame vayaʼnimo lifana huka apatesanafeʼmo kagaefeʼmo keya aeʼna ge huʼnovaʼmonanafa kagaemo loleʼe magoʼe afinaʼmo lusi kava huka alika auleka apateʼnane.

Matiyu 25:40

Ala kini vekaʼapimoʼmo hunoʼaeʼmo, lama ge lapa nepauve, huno, lapakaemo nagae vayapatiʼmo ina agufa naganaʼnimogitegamo ani kava huʼnaya kavaʼmo nagaetegageʼmo huʼnae, huno hapa paigiye.

Matiyu 25:45

Afi gesagenoʼaeʼmo, lama ge lapa nepauve, huno, nagae vayapatiʼmo ina agufa naganaʼnimogitegamo ani kava osuʼnayaʼmofeʼmo nagaetegamo osuʼnae, huno hapa paigiye.

Apa 9:5

Ala kava nene, huno, kagaemo ina lagae, huno afi geʼnigenoʼaeʼmo, Nagaemo Yesuʼnamo kaini huka neʼnatana vekamo maiʼnove.