Napa 23:7 - The Keyagana NT and 25 OT books

⁷ Melamiʼmo ani agufa aune gemo aeno hakalo huno hapa painoʼaeʼmo, Melakiʼmo Movapu kini vekamoʼmo yegemo haine neʼeya haopalegamo Siliya kotega aveletiʼmo navaleʼnigeʼna eʼnove. Agaemo naha painoʼaeʼmo, Kagaemo eka nagaetefeʼmo Isaleli vayaʼaifeʼmo lifana huka apato. Lifana vayane, huka huvo, huno naha paiʼniye.

Napa 23:7 ပူးပေါင်းရင်းမြစ်များ

Aepa Gemae 10:22

Semi mafaʼne anagaʼmo Elamiʼagi Asuʼagi Afakasatiʼagi Lutaʼagi Alamuʼagi huʼa maiʼnae.

Aepa Gemae 28:2

He tika Mesopatemiya kotegamo itakamo afoʼamoʼmo Metuveli notegamo uka itakamo asaʼamoʼmo Lepani a mafaʼne anagaʼaipatiʼmo aligane.

Aepa Gemae 28:7

Ageyana Yekopuʼmo itaʼafoʼalaʼmoganimo huʼnaʼa gemo akame huno Mesopatemiya kotegamo uʼniye, huno ageʼniye.

Samu 49:5

Hosu vayaʼmogimo faiʼa vego huʼa nateʼneʼa namagisayafeʼmo nehisageʼnaeʼmo koli osuguve.

Samu 78:2

Akeyaʼvilaga kavafeʼmo aeʼna kalafefa gemo huteʼna aepaʼamo lapa paiguve.

Mai'naya kavane 26:2

Kisaveʼyavemoʼmo halelinuneno huteno nohakaleya kava huno mago vekamoʼmo fikumo hunoʼaeʼmo, Gotiʼa lifana huno kateno, huno hisiya gemoʼmo neʼyaʼamo afole oʼaigiye.

Maika 2:4

Ani hosu kavaʼmo afole aisiya afinaʼmo vayaʼmogimo lapakaemo lapamagisiya kavafeʼmo lapava gemo huteʼa huʼa faipa huʼa lapategae. Inagi apakaemo ina ge huʼa faiyosago yokemo huʼa aviʼyaʼmo hugae. Apakaemo huʼapaeʼmo, alagi lamagiʼa aliʼa hano huʼa lataleʼnae. Ala kava neʼmoʼa lagae mopamo alu nofi vayaʼmo alino apamiʼniye. Agaemo mopatimo alino fako huno Gotiʼa ataleʼa uʼnaya vayaʼmo apamiʼniye, huʼa hugae.

Hamakaki 2:6

Aeno apaka seʼniya vayaʼmogimo huʼa faipa huʼa ategae. Apakaemo kalafefa gefatiʼmo huʼa aliʼa afepi ateteʼapaeʼmo, Vaehae, huʼa, kumayaʼmo aliteno kagemi yaʼaʼe vekamoʼmo hamaleʼniyanageno hanageke yaʼmo aligiye. Na magi afinaʼmo ani kavaʼmo hugiye. Goli yafaʼmo kalipa mopagana huno lusi kana yaʼmo aliʼniye.

Napa 22:11

Afiyo, huʼa, Mago nofi vayaʼmo Isipi kotegatiʼmo ataleʼa ago eʼa ma mopafiʼmo aiʼa ati kaeʼa maiʼnae. Eka naha maesanafeʼmo lifana huka apato. Ani kavaʼmo hisanana nagaemo apakaemo aeʼna apaka seʼna aliʼna hapa faisufiye, huno ha paiʼniye.

Napa 22:17

Kagaemo esanageʼna nagaemo ala kagimo kamiteʼna muki kahausiya kavaʼmo alagi huguve. Huguvaʼmofeʼmo eka ani vayaʼaifeʼmo lifana huka apato, huno huʼniye.

Napa 23:18

Agaemo ani aune gemo hunoʼaeʼmo, Melakigamo Sipo mafaʼnemogamo, he tika geʼnimo afiyo.

Napa 23:6

Inagi agaemo halate ataginenuno ageyana Melakiʼmo Movapu koteʼmo yagaiʼnaya vayaʼeʼmo magokepi he tiʼa atamoʼmo leno asagalisiya ofalinimo haopaleʼmo maiʼnageno apakeʼniye.

Napa 24:15

Inagi agaemo ani aune gemo aeno hakalo hunoʼaeʼmo, Mani geʼnimo afiyo. Nagaemo Melamiʼnamo Miyo mafaʼnemae. Naulagamo haleʼnigeʼna alagepa huʼna ageʼnove.

Napa 24:21

Inagi agaemo Keni vayamo apaketenoʼaeʼmo ina ge huno aune gemo aeno hakalo huno hapa paiʼniye. Keni vayaʼmogitapae, huʼna, hakikiʼmo anoʼmo avefiʼmo yafapiʼmo alagepa huno haneʼniya kava hutapa maiʼnae.

Napa 24:23

Agaemo magoʼe aune gemo aeno hakalo huno hapa painoʼaeʼmo, Vae, huno, Gotiʼa ani kavaʼmo hisigeʼapaeʼmo ina lagimo afaʼa maigae.

Napa 24:3

Agaemo aune gemo aeno hakalo hunoʼaeʼmo, Mani geʼnimo afiyo. Nagaemo Melamiʼnamo Miyo mafaʼnemae. Naulagamo haleʼnigeʼna alagepa huʼna ageʼnove.

Matiyu 13:33

huno huteno Yesuʼa magoʼe huno aeno kalafefa gemo huno hapa painoʼaeʼmo, Gotiʼa yagaino neʼapateya kavaʼmo haneʼniya kava huno mago aʼmoʼa falaovafiʼmo neʼataya yaʼmo agiʼamo yisimo alino alopa falaovafiʼmo ate maleʼnigenoʼaeʼmo uneno huno muki falaovafiʼmo aliʼyaʼmo aliʼnigeno aeno apafu nele, huno hapa paiʼniye.

Matiyu 13:35

Ani ge huno hapa nepaigenoʼaeʼmo Gotitegati gemo alinineno aeno hakalo huno hapa nepaiya vekamoʼmo huʼniya gemo afole aiʼniye. Ani gemoʼa hunoʼaeʼmo, Aeʼna kalafefa gefatikeʼmo huʼna hapa paiguve. Ma mopamo alo huʼniya afinatetiʼmo alino fala kino maleʼniya gemo aeʼna hakalo huʼna hapa paiguve, huno avoʼmo kae maleʼniye.

Maki 12:12

Hapa paiʼnigeʼa afiteʼapaeʼmo, ani aeno kalafefa gemo lagaefeʼmo huʼniye, huʼa huteʼa atafauʼa kalavusi huʼa atesayafe huʼnayaʼmonanafa muki vayaʼaifeʼmo koli huʼnayaʼmofeʼmo ataleʼa uʼnae.

1 Samiyo 17:10

Ani Filisatini vekamoʼa magoʼe gemo hunoʼaeʼmo, Afa vayaʼmogitapae, huʼna, Lapakaemo mago vekamo lekana paita ategenoʼa nagaeʼeʼmo kamemo hino, huno lame lame gemo huno hapa paiʼniye.

1 Samiyo 17:36

Nagaemo laiyoniʼe meyaʼeʼmo kamiti anamagiʼnova kava huʼna malaga Filisatini vekamo kamiti amagiguve. Agaemo afaʼa maiʼniya Goti ami vayaʼaeʼmo lame lame gemo huno huno faipa huno apateʼniyaʼmofeʼmae.

1 Samiyo 17:45

Neviniʼa geʼaleʼmo aeno atagaina hunoʼaeʼmo, Kagaemo naipekamo alige hayokamo alige huteka nagaetegamo neʼane. Neʼanaʼmonanafa nagaemo Ala kava neʼmo agiʼaletiʼmo muki lokiyaʼamo haneʼniya Gotiʼa agiʼaletiʼmo Isaleli ami vayaʼmogitaleʼmo yagaino nelateya Goti agiʼaletiʼmo kagaetegamo neʼove. Kagaemo ani Gotifeʼmo huka faipa huka ateteka yagaino nelateya ami vayaʼaifeʼmo lame lame gemo huka laha paiʼnane.